吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 安基司K1國際班

香港18區媽媽會今日: 0|主題: 156965

收藏本版

發帖

返回列表

跳至頁

樓主: 我係葉太

[大埔區] 安基司K1國際班 [複製鏈接]

yellowchiu

大宅

積分: 1772

21^#

發表於 17-3-27 14:11 |只看該作者

回覆 gogymiu 的帖子

想請問點樣為之"國際班就真係非常國際課程, "? 我都打算緊比小朋友讀

私人傳訊

gogymiu

大宅

積分: 3164

22^#

發表於 17-3-27 14:42 |只看該作者

yellowchiu 發表於 17-3-27 14:11
回覆 gogymiu 的帖子

想請問點樣為之"國際班就真係非常國際課程, "? 我都打算緊比小朋友讀 ...

哦..其實因為主流課程同國際課程既分別都真係相當大..
主流課程既..就係盡量跟番本地小學既教學模式...功課, 上堂模式等等..都會盡量跟番本地學校既模式去做..

例如..主流小學"大部分"係要好循規蹈矩..老師會較注重小朋友紀律, 禮貌, 服從性, 聽指令等等。而國際課程..安基司既外籍班主任, 會比較寬鬆, 以輕鬆, 開心, 激發小朋友主動講野, 投入等等..課堂氣氛無咁多規舉...

但當然..國際班都唔係完全唔洗小朋友跟規則, 老師見到唔岩, 過份既行為一樣會教會引導, 但只係主流班既規舉係比較多D...比較接近中國人既傳統教學方式。

但安基司既老師都係采用激發小朋友既教學模式, 就算主流班, 都有好多引發小朋友參加投入既主題活動, 我自己覺得係非法之好, 唔係咁死板。而只係主流課堂係無國際班咁"HAPPY"同輕鬆咁解唶。

而國際班...課堂因為真係英語溝通佔好大部分, 而中文課堂(廣東話)係唔多。因為安基司國際班係行英普...英文係主力, 第二就係普通話...而認字, 學中文字..大部分時間都係普通話堂上學到。寫中文字既功課係有既..但國際班K3既寫字對比主流班係少好多, 句子, 認字, 都係比較少, 如果想接洽到小學既中文主流課程, 家長可能要自行做多少少功夫, 自己教多D或者要比小朋友多練習寫字咁。

希望以上可以幫到你~

私人傳訊

yellowchiu

大宅

積分: 1772

23^#

發表於 17-4-1 17:01 |只看該作者

回覆 gogymiu 的帖子

多謝你咁詳細回答呀! 好有用!請問你小朋友讀正校定分校呀?
其實讀國際班, 你覺得對小朋友英文上實際有哪方面的幫助呢?

私人傳訊

gogymiu

大宅

積分: 3164

24^#

發表於 17-4-1 19:11 |只看該作者

yellowchiu 發表於 17-4-1 17:01
回覆 gogymiu 的帖子

多謝你咁詳細回答呀! 好有用!請問你小朋友讀正校定分校呀?

本帖最後由 gogymiu 於 17-4-1 23:17 編輯

我個女讀正校呀。

如果問我國際班對英文有咩實際幫助，首先一定係英語對話方面。大家都知道香港式英文，同外國純正既英文係有好大分別，無論發音，腔調，用詞，如果跟native english teacher 學英文，當然係會比中國人教既英文，純正得多。

其實安基司既主流班，英文都係外藉老師教既，但時間上就一定唔夠國際班一日3小時都係外藉老師，日日不斷聽英文講英文咁多時間接觸英文。

英文其實我覺得係分兩方面，一方面係聽+講，一方面係閱讀+寫。

前者，我自己就一定揀net 去學，因為聽同講，我唔希望佢一開始就學左唔正宗既讀音。

至於閱讀+寫，我自己覺得係靠多睇書為重點。家長向呢方面重要過學校，因為培養良好閱讀習慣係家長既任務。

我自己都係土生土長香港人，英文半桶水都無，我自己唔想教錯個女，所以揀左3年國際班比佢，打好個底，其餘既野，中文，數學，額外野，我都寧願自己加油，其餘既野我有能力教，我就將我能力唔夠既交比學校。

私人傳訊

yellowchiu

大宅

積分: 1772

25^#

發表於 17-4-2 15:28 |只看該作者

回覆 gogymiu 的帖子

你小朋友畢業未呀?我都考慮緊正校定分校...分校就番學好似麻煩d
我有朋友話正校既小朋友都係local人多, 所以小朋友之間都係講番廣東話
呢方面你又有咩意見呀?

國際班有用課本上堂嗎?
我自己都有教小朋友英文, 不過覺得教得唔完整而且進度慢
中文就自己都有教佢認下字咁
數學就由佢順其自然啦哈哈因為我自己數學都唔係好

私人傳訊

gogymiu

大宅

積分: 3164

26^#

發表於 17-4-2 15:55 |只看該作者

yellowchiu 發表於 17-4-2 15:28
回覆 gogymiu 的帖子

你小朋友畢業未呀?我都考慮緊正校定分校...分校就番學好似麻煩d

本帖最後由 gogymiu 於 17-4-2 15:55 編輯

我地今年7月就畢業喇。安基司係一間好學校，我地好好采，4年都遇到好好既老師。

至於正校係咪多local, 我覺得係既，我覺得正校家長平民化d, 唔好介意我講得直接d, 我覺得滌濤山分校係有錢人多d

某程度上，有錢父母會比較buy (afford 到）國際學校，平民化家長則比較想入番津小。

如果你一心想入國際小學中學，咁我諗你唔洗考慮咁多啦，國際班一定岩晒你。

但如果你係希望揀番津小，我覺得你可以頭兩年讀國際班，尾兩年揀主流班/全日班。

我個女in1 - in3 都係國際班，雖然同班同學大部分本身都係講廣東話，但課堂老師唔比佢地講，回家之後講唔講英文，要視乎家庭成員，平常番學同外藉老師溝通得好好就足夠了。

如果想個小朋友講多d 英文，其實唔洗靠同學既，不如向家定環境落手會更有效

私人傳訊

小紅梅

珍珠宮

積分: 37295

27^#

發表於 17-4-2 17:15 |只看該作者

gogymiu 發表於 17-4-2 15:55
本帖最後由 gogymiu 於 17-4-2 15:55 編輯

我地今年7月就畢業喇。安基司係一間好學校，我地好好采，4 ...

同意你講正校與分校的分別，純8掛下講，又好奇怪老闆個孫女會入正校讀，點解唔讀分校呢

正校真係冇乜外國學生

私人傳訊

gogymiu

大宅

積分: 3164

28^#

發表於 17-4-2 17:20 |只看該作者

小紅梅發表於 17-4-2 17:15
同意你講正校與分校的分別，純8掛下講，又好奇怪老闆個孫女會入正校讀，點解唔讀分校呢正校真 ...

老闆個孫讀邊間都無咩所謂啦，我估佢屋企應該有專人（外藉人/專科老師）陪讀

私人傳訊

ChelChelC.

大宅

積分: 1632

29^#

發表於 17-5-3 17:20 |只看該作者

gogymiu 發表於 17-4-2 15:55
本帖最後由 gogymiu 於 17-4-2 15:55 編輯

我地今年7月就畢業喇。安基司係一間好學校，我地好好采，4 ...

你好呀！我囡囡都係正校外午班，n讀主流班，k轉左國際班。但剛剛又聽其他家長講正校全日班只有主流班學生，國際班學生無份，而且上午班優先，請問係咪真架呢？

私人傳訊

CLK-MB

伯爵府

積分: 16090

30^#

發表於 17-5-3 21:48 |只看該作者

想問下2017年N 班除左之前交左留位費之後，有無再收到通知幾時交學費同買校服？

私人傳訊

FuLuFuLu

別墅

積分: 649

31^#

發表於 17-5-4 18:41 |只看該作者

ChelChelC. 發表於 17-5-3 17:20
你好呀！我囡囡都係正校外午班，n讀主流班，k轉左國際班。但剛剛又聽其他家長講正校全日班只有主流班學生 ...

前幾年分校轉全日班是上午班優先，因為學生人數要跟教局的師生比例，所以如果下午班小朋友K2想讀全日，就首先要有個上午班學位，例如有個K1上午班小朋友轉校唔升上K2，佢個學位可以俾K1下午班小朋友升K2全日班用，咁個下午班小朋友先轉到全日班。

不過我小朋友已畢業，唔知現在或正校的policy是否一樣。