我有兩個小朋友，我老公都算係肯幫手，因為我不停咁灌輸Ｄ訊息俾佢聽，如果佢唔同Ｄ仔女玩多Ｄ，大個咗唔會跟佢，如果佢唔同佢地傾多D計，佢地會唔識講英文（老公係ABC，唔多識中文）。佢好肯做家務，洗衫煮飯嘅嘢佢樣樣都肯做，反而叫佢睇住兩個真係唔多掂亦唔係好想。始終男人唔同女人，湊ＢＢ嘅意識真係差Ｄ，細節佢地唔想理亦唔想學，成日覺得係女人吹毛求疵。最攞命係有Ｄ嘢講咗好多次都唔入腦，例如ＢＢ午睡時間佢從來唔理，我話要盡量避免果段時間喺街，佢話由得對仔女喺車度瞓咪得；去街個袋一定係我執，旨意佢實漏嘢；太多太多啦，要數我估寫幾千字都未講晒。
細節上好多嘢，男人都冇女人咁細心，好多嘢男人都會旨意女人，我老公一唔見嘢就問我，如果我樣樣都要知咪好攰？但有時真係冇法，咁結咗婚兩公婆係要你照顧我我照顧你先得，我都學緊唔好太好記性，唔好成日記住佢邊樣嘢冇幫手，咩嘢做得唔好，多Ｄ想佢好嘅嘢。好似今日下午我真係好攰，老公自己同兩個小朋友去我媽度玩，叫我喺屋企瞓陣，雖然係只有兩個鐘，我都真係好appreciate 佢咁體貼。
有時女人都係要硬淨Ｄ，特别係已為人母嘅，因為要旨意老公幫，以大部份男人嘅能力、意識、想法，好多都唔會做到令女人滿意，只會係令女人更忟。
花旗太太生活在花旗國，留意時差，你問我未必即時答到。
發表於 
mouth:
返回列表
