吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 埋身的疑惑 (好長，但想埋身媽比啲信心我) ...

母乳餵哺今日: 0|主題: 85706

收藏本版

回覆發帖

返回列表

跳至頁

查看: 3292 | 回覆: 5

埋身的疑惑 (好長，但想埋身媽比啲信心我) [複製鏈接]

菲菲菲

大宅

積分: 1530

1^#

發表於 16-10-31 04:20 |只看該作者 |倒序瀏覽 |打印

講下背景先，今胎係第二胎，第一胎嗰陣因為衝破唔到唔知佢食幾咗幾多嘅心理關口、BB埋身唔多好、自己唔識點餵 (埋身埋到損)、配合日後返工 (工時長假又少要輪班)，就揀咗做全泵媽，大B一直都重得好好，一泵就泵咗十個月，但全泵路好辛苦，自己休息都唔夠，後悔無埋身，同自己講如果有下胎一定會再試埋身。

細B而家15日，頭幾日我都盡全埋身，但第一次返健康院比醫生話重得唔係幾好。

結果我就又泵返佢出黎+補粉同佢追返磅先 (無埋身)。第七日返健康院，醫生話已經追回出世體重，合格可以滿月先再覆診。

細B追返重量後我又萌生返埋身嘅慾望，一來自己想，二來大B好痴身，我唔想因為要泵奶就犧牲同大B玩嘅時間，所以就開始返泵+埋身，而呢幾日我就轉哂全部埋身。

埋身情況:
每次啜30分鐘左右、每3.5-4小時一餐、餐與餐之間有尿尿 (但尿量我覺得好似無泵嗰陣咁多)，每日3-4次大便。

心理關口:
1. 其實我泵都係每次兩邊加埋得100ml左右 (樽餵細B都係每餐食100ml)，佢啜嗰30分鐘有一半時間都係Hea啜，真係夠佢食？(好怕滿月返去健康院比醫生話唔合格)

2. 我試過比細B埋身後，隔半個鐘再泵，都泵到90ml出黎，但我平時都係得100ml，即係細B無乜食過？

3. BB好似啜得無喺醫院咁狼同大力，有輕微呑嘅動作，其實BB係咪大咗所以啜得輕鬆咗？或者係啲奶順咗所以唔洗啜得咁大力？佢啜得細力我就懷疑佢係咪食緊

我想全埋身，但因為第一胎嘅失敗令到自己無乜信心，成日懷疑自己，同埋第一胎係全泵，對於埋身佢是否夠食有好大心理關口，希望有埋身媽可以比啲支持同指引

0 0 0

私人傳訊回覆引用

菲菲菲

大宅

積分: 1530

2^#

發表於 16-10-31 04:33 |只看該作者

4. 由於怕追唔夠磅，所以其實我想三個鐘就餵一次的，想佢食多餐，但細B 都幾瞓得下，次次都成四個鐘先郁郁地，我試過三個鐘就整醒佢食，但唔會食得好，會食住瞓當我奶咀，其實得15日人仔，如果係feed on demand，我就由佢瞓？定係咁細應該維持三個鐘埋一次身？(因頭七日有補粉同樽餵，雖未退哂但醫生話退得ok，滿月再check黃)

私人傳訊回覆引用

cyyw

複式洋房

積分: 445

3^#

發表於 16-10-31 17:25 |只看該作者

其實有濕片, 大小便都正常已經證明bb食夠喇, bb唔夠食一定會喊到顛, 所以我覺得真係唔駛擔心bb 食唔夠. 我初初轉埋身喂時都未夠奶, bb個個鐘都喊要食, 依家bb 9wk, 一餐奶啜兩邊共半個鐘都係撐兩個鐘多少少 (泵出嚟得幾十ml仲可憐), 所以我好羡慕啲可以3-4個鐘先喂一次嘅媽媽.

如果想補粉 (依家我夜晚嗰餐都係奶粉), 開定60ml或更多, 睇吓bb埋身食完佢仲食到幾多或仲食唔食就得, 我bb埋身食開唔鐘意奶樽, 不過如果真係肚餓佢都會食. 好少bb會肚餓都唔喊又唔食的, 求生本能, 所以唔駛太擔心.

私人傳訊回覆引用

Meow008

複式洋房

積分: 130

4^#

發表於 16-11-2 02:06 |只看該作者

我個仔當初都係要追磅，你好叻了7日就追到仲有多，我當時成個月先追返出世磅數多少少咋，阿仔3個月都仲係under 3%
泵到100ml都好叻，我只係泵到1-2安，唔餵1餐泵，都講梗3安多少少（，但而家我個仔已追到3%逼近10%，由開頭要補每日total3安奶到後黎全埋身，而家已經1歲，你嘅情況比我當時好好多了，我個仔開頭食成個幾鐘，食半個鐘唧初生bb係好叻叻
如果bb食食下瞓左/hea啜，可以轉邊餵，轉邊餵係想令bb清醒少少，而唔係因為唔夠奶
&泵永遠係少過bb啜的，我個仔初頭補奶粉，我係好堅持每日只係補3餐，每次1安，但我個陪月同阿媽試過靜雞雞補過3安，然後好自豪咁話我個仔食到3安奶粉，我嬲到鬧鬼佢地

你嘅情況俾我當初遇到嘅好好多，我都餵到而家就1年，所以唔好懷疑自己，加油！

私人傳訊回覆引用

Greengrape

複式洋房

積分: 285

5^#

發表於 16-11-2 10:38 |只看該作者

我個情況都差唔多，阿仔出世之後一路係埋身食，有時2-3個鐘一餐，夜晚臨訓我俾佢飲120ml奶粉，一日食8-9餐，我見佢手手腳腳仲係好瘦，前幾日去健康院打一個月針增重只有0.8kg,姑娘話要餵多幾餐，呢幾日都好唔開心，覺得自己俾唔夠奶佢，但係想轉全泵每次都係得2安，根本就唔夠佢一餐，而家佢喊親唔理乜事我都餵左佢先，但係發現佢一路飲一路喊，自己試下擠出黎點知又冇奶，佢又忟。
而家都唔知點做好，佢一直都係生長線3%，好怕下個月返健康院會跌出生長線