吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我的99是咁的

婆媳關係今日: 0|主題: 27755

收藏本版

發帖

返回列表

跳至頁

查看: 3093 | 回覆: 13

我的99是咁的 [複製鏈接]

angelaine627

大宅

積分: 1195

1^#

發表於 17-8-20 01:23 |只看該作者 |倒序瀏覽 |打印

本帖最後由 angelaine627 於 17-8-20 01:34 編輯

老公一家移民外國嘅,老公宜家同我係香港,佢屋企人係外國......

我99有舖生b癮。
佢自己四個仔,咁都明顯係基因問題,加上老公精子都幾活躍,所以我兩個仔(一個兩歲一個就出世,想快啲出世,39w2啦,唔想過期呀), anyway, 之前照到第二胎都係仔時已經叫我追多個喎,我心諗呢胎都未生就叫我追多個,又唔係你養,你奉子唔會湊添啦,同個大孫最多都係玩一陣。
陀呢胎時,都要我哋返去幾個月,就係為咗比佢哋見吓個孫,話說我陀呢胎開頭嘔到9彩,搭飛機連黃膽水都嘔埋,但都無人care。接機個陣佢想抱大仔,大仔即喊,心裡有點壞嘅覺得係好事,大仔唔痴嫲嫲。
因爲係外國做産檢,基本上要用上半日時間,無辦法底下就拜託佢,老爺同姑姐幫忙睇住,佢哋可以勁到幾粒鐘都唔可以同大仔換條片,尿都算啦,因為産檢同照結構中間要等成兩個幾鐘,所以有時間就同佢哋食個lunch(唔係屋企附近,佢哋咁啱出開去),見面個時,阿仔條片已經重到一個點,再唔換就濕硬,都係我自己換,我算。食完個lunch又再返去等照結構,佢哋一家就開車返屋企先,車程大概40分鐘。到我照完結構再開車返屋企,已經係食lunch後3.5至4個鐘嘅事,因為老公開車,所以無留意電話有msg,點知我哋返到屋企,停好架車就發現99係我哋返到去前40分鐘左右send過個msg嚟話個孫痾咗便便,到我返到入屋時係發現個仔仲未換條屎片㗎囉。個吓我真心嬲,又成日問住幾時同佢戒片,話係屋企咪由佢唔著片,我當你唔識,唔想同佢換啦,咁點解你唔除咗條屎片係咁二同佢用水沖一沖咪比佢唔著片一陣囉,一陣佢up到patpat紅哂又有說話講。
重成日叫我哋快啲搬返去住(我哋係有搬返去嘅打算,但我會帶埋我父母過去),到時兩個呀,你講就輕鬆,又唔會幫手,係香港起碼公公婆婆點都會幫吓手吖。玩孫你就叻,所以就算搬返去,我都會自己買屋,同佢哋分開住。

0 0 0

私人傳訊

angelaine627

大宅

積分: 1195

2^#

發表於 17-8-20 01:30 |只看該作者

回覆樓主：

本帖最後由 angelaine627 於 17-8-20 01:34 編輯

二寶就嚟出世啦,佢同老公講話二寶一出世就話佢知等佢plan幾時返嚟香港,最緊要係睇吓bb,佢唔關心我都算,佢講呢句我真心嬲 tbc

聽完個msg,我即同老公講,咁到時你自己一拖二去見你媽得啦,佢想見bb之嘛,咁我可以唔去啦,老公即刻無嘢講。

我係外國個幾個月佢都無咩關心過我,如果我唔好,你粒孫都唔會好啦吓話。講過比佢聽有啲咩係一定唔食得,轉個頭就無咗件事,好彩我問清楚係咩姐,如果唔係食咗邊個負責。

總知婚前婚後,有小朋友前同後真係兩個世界。最討厭嘅係佢係一個雙重標準嘅人囉,我好唔想佢教壞我個仔呀

總算呻咗啲嘢出嚟,舒服咗啲啦

私人傳訊

美之選468

公爵府

積分: 26519

3^#

發表於 17-8-20 02:09 |只看該作者

回覆樓主:

你99的問題(自私啦，雙重標準啦，只動口不動手啦)基本上是全部99的通病，我擔心你生完細B之後，99馬上飛返來探孫?估計會影響產婦的休息，快D請定工人，否則到時你又要湊B又要招呼99(估計99實住夠3個月先肯走)都幾忙吓ge，但要記住到時候千萬別叫你媽媽來邦手wo，因99實點你阿媽做野兼向兒子告你媽的狀，到時候你媽媽吃力不討好，99就日日坐系度當檢查官，bk上太多呢D例子，前車可監呀!

點評

vinvin901

發表於 17-8-21 16:02

私人傳訊

angelaine627

大宅

積分: 1195

4^#

發表於 17-8-20 02:20 |只看該作者

美之選468 發表於 17-8-20 02:09
你99的問題(自私啦，雙重標準啦，只動口不動手啦)基本上是全部99的通病，我擔心你生完細B之後，99馬上飛返 ...

好在我同爸爸媽媽住,由於阿嫂係外國都生b,所以媽媽已經飛咗過去幫哥哥手。
而亦因爲咁樣,99係唔會嚟住嘅,唯一嘅安慰

不過你都啱,9成奶奶都係咁,但我就100%肯定我媽唔係咁嘅99。

我但求到時唔洗成日要出去見佢咋,加上大家湊b方法,準則唔到,真心好難住埋一齊

私人傳訊

懿仔媽媽

子爵府

積分: 14657

畀面勳章

5^#

發表於 17-8-20 02:38 |只看該作者

回覆樓主:

都時我真係唔會理。忍心小小自己出街點老公做哂啲野。唔係佢地唔會明白係幾多野做。好似我奶奶屎@痕要幫個六個月仔介片喎。俾佢唔著褲周圍走。等佢瀨幾次係地下。我唔幫手佢抹到死下死下。第二日已收聲。

私人傳訊

大豬既老婆

伯爵府

積分: 17545

6^#

發表於 17-8-20 02:51 |只看該作者

懿仔媽媽發表於 17-8-20 02:38
都時我真係唔會理。忍心小小自己出街點老公做哂啲野。唔係佢地唔會明白係幾多野做。好似我奶奶屎@痕要幫個 ...

我個仲搞笑，我仔剛剛滿月，pat pat 有d紅，距話叫唔俾距著片窩，瀨⬅️等工人姐姐洗。我心入面真係反曬白眼，有姐姐你都唔係咁玩人下話！何況bb咁細經常都係訓係度，張床仔唔洗要啦。pat pat 紅搽zinc cream（醫生開）就可以，好彩距最後都無實行。距仲話距個friend話應該買d以前既尿布，通爽d，反正有工人叫距洗。我立刻話唔好啦，心入面又係話，bb一日咁多屎尿，你以為工人唔會抗議咩，我唔想搞到個工人話唔做囉！係唔係咁樣黎搵野俾個工人做呀。