心聲留言

跳至

首頁
1

尾頁
   0


男爵府

積分: 5874


1#
發表於 04-10-20 15:30 |只看該作者

有d down....

由於我老公係IT人, 5年前將大部份saving買曬美國大藍籌, 只可惜呢d大藍籌既value已經跌到好低, 可能係咁樣, 佢極之抗拒再買股票。 仲有我地前排賣左層樓蝕左幾十萬, 又係比條蛇咬完, 更加唔會胡亂買樓, 更遑論炒樓, 佢認為呢d野唔係一般市民做的, 所以我問親佢而家做咩投資好, 佢就會一句: 屣鬼氣! 黎答我。

奈何, 我有一個從事地產代理既家姐, 佢自己亦都炒埋一份, 例如買個超賤價爛屋番黎, 搵人 "化下裝", 除成本後再mark up十零萬掉番出去, 又比佢執到錢, 佢心口真係有個勇字, 高峰時佢自己都入左唔少貨, 就係咁化下裝跟住賣, 就算唔賺多都賺少果隻。

我家姐就成日叫我同佢夾炒埋一份, 仲話: 真係有錢執架呢! 你有錢都唔識執! 我話我冇錢 (唔係講笑, 我真係冇錢!) 佢話: 叫你老公比50萬你炒樓啦, 唔使一陣賺一個開!! 我做家姐既, 點會sin你丫, 我都想你自己袋番一百幾十萬丫! (佢意思係想我有番d私己錢, 女人冇錢點得架果隻) 所以我o係佢心目中, 只係一個比男人養住既一個小女人, 仲要似一隻比人牢住既一隻 "Um春".....

我真係o係度諗, 唉, 我夠知啦, 可能做番呢d少少投資, 可能我會賺到錢, 因為我有的是時間, 唔使番工, 可能仲多時間睇忝, 奈何我冇咁既錢比我去博, 問老公囉就更加難過登天, 我又唔可以說服我老公, 因為我老公一定唔比。

我並唔係話真係想炒樓, 只不過有時我覺得自己冇咩用咁, 冇做野4年, 私己錢已越用越少, 想出去做野, 老公又唔比, 想o係屋企做freelance, 老公又唔比, 一味以 '屣鬼氣" 黎回應我, 剩係要我睇住一對仔女, 有時覺得好似冇左自己咁。 :-| :-| 唔知有冇一d靠老公養既full time mum有冇咁既同感。
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE


大宅

積分: 1639


2#
發表於 04-10-20 15:56 |只看該作者

Re: 有d down....

比我係你老公如果我聽到你家姐講埋啲o甘廢話,我一定會好扯火,唔單只講屣鬼氣.....

乜野叫"唔使一陣賺一個開"????"我做家姐既, 點會sin你丫"?????佢講埋的o甘既野仲敢話唔會冼你,佢直頭就喺度冼緊你啦!就聽佢講呢兩番說話,已經絕對百分百可以肯定佢(你家姐)係一個無知既人.......

我係你老公,我一定唔會俾錢你做埋啲o甘既野,尤其仲係跟埋呢類o甘既無知人....

希望你可以ignore你家姐,你老公為你地好啫


子爵府

積分: 11405

好媽媽勳章


3#
發表於 04-10-20 17:42 |只看該作者

Re: 有d down....

我妹妹同你家姐差不多....

我妹響舊年買左樓花, 今年年頭聽個地產經紀講放左賺左20萬, 之後佢就好似中左毒信晒agent, 覺得$好易賺, 響年中不經思索, 無諗清楚今年年尾結婚要駛10幾萬之下, 又再去學人炒樓諗住結婚前放左佢再賺.

結果, 年尾黎緊喇, 層樓未放出, 見d地皮升得咁勁又唔肯蝕賣, 我都唔知佢點算, 我就一定唔會借錢比佢, 因為佢自己搞成既, 希望佢自己有個教訓.


水晶宮

積分: 71818

畀面勳章 環保接龍勳章


4#
發表於 04-10-20 18:10 |只看該作者

Re: 有d down....

如果家陣生活安定, 就無謂去諗0甘多野, 你以前都試過投資架啦, 結果係點呢? 你先生都算睇得通透, 輸左錢就走人, 唔再沉迷落去.
你睇D人去賭錢既, 有幾多係贏左會走架, 只會越踩越深.
你家姐好似好容易就賺到錢,其實係天時, 地利, 人和.
你知唔知好多人因投資失敗而去跳X呢?
如果我老公叫我唔駛做野, 係屋企照顧仔女, 我會覺得好幸福, 起碼我唔駛憂柴憂米.
好好諗清楚啦!

謀事在人,成事在天,個天先係最終揸"fit"人!!

你恨的人,來生不會再見,所以別在他身上浪費時間;你愛的人,來生也不會再見,所以今生要好好對他。


男爵府

積分: 6554

好媽媽勳章


5#
發表於 04-10-20 18:27 |只看該作者

Re: 有d down....

我覺得full-time mami非常有用呀,24hrs都要湊仔,做家務,呢d唔係時間呀!!

老公肯俾你唔駛工作,我覺得幸福呀!!
你估個個都肯o甘俾個老婆做家庭主婦呀!!!

"彤豬b"愛"彤豬媽" "彤豬爸"愛"彤豬媽" :-) :-) :pint: :pint: :-)[img align=left]C:\Documents and Settings\User\My Documents\My Pictures\carton[/img]


大宅

積分: 4605


6#
發表於 04-10-20 18:30 |只看該作者

Re: 有d down....

其實你先生咁穩陣係arm架,輸錢皆因贏錢起,當你炒第一層樓賺左,你就會繼續炒,唔會收手,一個浪埋黎走唔到就粉身碎骨,況且佢而家一個人搵錢全家人食,緊係希望多個錢傍身,所以先會反對你炒樓同搞小生意,我都知道女人無私己錢會無安全感,或者試下打斧頭睇下可唔可以留少少錢.
[img align=left]http://www.dchome.net/emote/icon/548.gif[/img]


別墅

積分: 880


7#
發表於 04-10-20 18:56 |只看該作者

Re: 有d down....

「50萬你炒樓啦, 唔使一陣賺一個開!」,如果蝕錢咁點呀!分分鐘唔止50萬.
我大肚期間,老公買左部二手車$4萬,買左唔夠一個星期發現部車d機件有問題,如果維修要$2萬,我老公即賣返部車比車行,佢地收左$15000,蝕左$25000,我個心都痛到喊.

買野自用蝕錢都心痛啦,如果因炒樓蝕錢會重痛呀!


男爵府

積分: 5874


8#
發表於 04-10-20 22:18 |只看該作者

Re: 有d down....

多謝你地既安慰, 其實我一向都冇意圖去彩我家姐要學佢炒呢樣炒果樣, 因為我實在輸唔起, 萬一有咩事, 我老公怨我一世都似。

好似先前買既美國股, 我都訓身比曬八成既私己錢佢買, 而家都係泡湯, 間唔中都有同我老公呻兩句, 而我老公就認為, 我地高位時冇賣到d股票都係幸運 (十分阿Q), 佢話比著果時賺到d錢, 跟住又一鋪過連本帶利訓身去買過一d果時高位, 而家變谷低既股票, 到時仲慘過油刑, 不過而家渣住果D, 我諗真係要等廿年後先賣, 唯有當長線投資吧......

不過我都好慶幸我有個清醒既老公, 雖然佢句 "屣鬼氣" 有d難頂, 但總好過出左咩事後會換黎一堆更難聽既說話。
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE


子爵府

積分: 13946


9#
發表於 04-10-21 11:43 |只看該作者

Re: 有d down....

Mummy,

千祈唔好諗自己係housewife冇用, 今早新聞才講Bush個太太做housewife都係一份工作來的.


男爵府

積分: 7534


10#
發表於 04-10-21 12:53 |只看該作者

Re: 有d down....

Mummy,

你老公真係好理智架, 輸左可以抽身離場, 唔再追落去博。

其實唔使做安安定定已經比D憂柴憂米既人好好多架喇。


別墅

積分: 700


11#
發表於 04-10-21 18:19 |只看該作者

Re: 有d down....

做人還是腳踏實地比較好丫
你老公好過我爸爸好多倍啦(該說無得比)
我爸爸成日都諗住靠投資來賺錢....
可是..........如果真係咁好賺又無風險
香港咪無人返工?
:-D 幸福是當我擁有你 :-D http://tw.pg.photos.yahoo.com/ph/fibe001/album?.dir=/861c


子爵府

積分: 12051

好媽媽勳章 醒目開學勳章 畀面勳章


12#
發表於 04-10-21 18:40 |只看該作者

Re: 有d down....

其實做housewife都好費心和prof 嫁!你要take care一對仔女,責任幾重大。他們的成長及好壞,或多或少都是由你決定。點培養,點成長....所以你應該好好enjoy你呢份工作。如果我也可以唔洗做工,留響家"相夫教子"...多幸福喎!!!!! :mrgreen: :mrgreen:


水晶宮

積分: 71818

畀面勳章 環保接龍勳章


13#
發表於 04-10-21 18:47 |只看該作者

Re: 有d down....

投資既野, 真係可升可跌, 記得幾年前股票(盈x), 當時d人瘋狂咁買, 相信今時今日仲"楂"住呢隻股票既人都唔少, 由幾十蚊得返幾蚊, 我阿媽話真係欲哭無淚.
大家點解唔去諗去, 又冇人用支槍指住你一定要買, 怪就怪個自己個心有呢個字囉~~~~~~>"貪"
謀事在人,成事在天,個天先係最終揸"fit"人!!

你恨的人,來生不會再見,所以別在他身上浪費時間;你愛的人,來生也不會再見,所以今生要好好對他。

首頁
1

尾頁

跳至
Presslogic Logo
Baby Kingdom Logo