我當時好傻好天真咁信左我老公,結果呢?細佬讀幼稚園奶奶在,讀小學奶奶在,讀中學奶奶仍然在,細佬今年已經 14 歲了,奶奶仍然長住我家,佢自己有屋企,但只係間中返去收下信淋下花,然後就返來我哋屋企。咁多年來,我哋所有暗示都做齊,請過佢去無數次旅行,又幫佢全屋裝修,但完全無效,我有同老公呻過,佢都有 d 無奈,但又唔敢同奶奶講叫佢返自己屋企,我更加唔會做呢個醜人,而家狀態就係咁膠著
坦白講,我奶奶唔算好難相處(只係鍾意為難我 d 工人,因為佢嘅關係,我已經換左 3 個工人了,個個都被佢玩到陀陀擰),但是否咁樣我就餘生都要同佢一齊住呢?結婚時我哋講好一家一主,兩邊父母都唔會同住,我而家有上左賊船嘅感覺,事到如今,我諗只有移民係我唯一嘅 way out,我而家非常非常期待