婆媳關係今日: 0|主題: 27782

收藏本版

發帖

返回列表

跳至頁

查看: 5094 | 回覆: 3

我有個"創作力量和幻想會嚇你一跳" 既奶奶 [複製鏈接]

umininn2011

別墅

積分: 567

1^#

發表於 18-11-16 18:37 |只看該作者 |倒序瀏覽 |打印

奶奶既無限幻想能力係我結婚前已經由佢D 仔口中聽唔少。到結左婚，由於唔係一齊住, 只係一個月返去佢度食下飯, 大時大節去食飯過節，所以頭呢3年係相安無事。
但... ...到咗我地原本租果度要搬，暫時搬返去奶奶度時... ...我就發現奶奶既幻想力真係好勁。

好彩係暫住左兩個月左右，我已經迫不及待搬入新屋企。當時, 奶奶以為我好唔中意同佢住, 咁岩我又剛剛有咗BB~
搬咗之後，奶奶一星期會淨淨雞上黎3-4次拎湯 / 煮飯，佢話唔想我出去食咁多街野。嗯，係好心既但通常都係得我一個人食, C6 份工唔定時, 有時放早有時放夜。奶奶煮既野份量係多到3-4個人食都食唔曬~ 我曾經同佢講, 不如係度食埋啦 (搵多個人分擔下MA~) 佢又唔肯, 話食唔曬放入雪櫃。

但係我同佢講, 個雪櫃唔係幾夠凍 (原因係個仔換個新雪櫃比佢, 佢唔想浪費就叫個仔搬左黎我度, 個仔又話明兩個月左右換，唔好搬到黎就掉，怕奶奶唔開心) 唔敢雪D 肉, 等換左雪櫃先啦~
點知佢覺得我係唔中意佢既"好意", 開始幻想我唔中意佢煮既飯, 佢煲既湯, 唔明白佢唔想我地剛搬屋洗錢買野, 甚至唔中意佢上黎我屋企... ...

再加上奶奶每次上黎都買幾樣佢用慣既生活日用品黎, 佢話因為用我地D 野用唔慣，我就同左C6講一來唔好叫奶奶浪費$$$, 二來我唔想呢度變左奶奶第二個家, 我地都應該有我地屋企既Style.

呢D... ...我都叫左C6 同奶奶好好溝通一下... ...希望佢唔好誤會。
結果奶奶係改為一星期黎一次同我地食飯, 呢樣野我係OK 的。
當然佢幻想成點, 我扮野收唔到風。

但一直到最近, 佢又回復返之前咁, 一星期問我幾次煮飯 / 拎湯比我好唔好... ...其實我份工唔準時收工，有時C6 開夜, 我一個人可以好簡單食一餐, 自己煮少少飯食都OK~ 但奶奶明明講好左拎湯 (我以為係一支保溫樽), 點知到我返到屋企見到係一大煲湯, 打開雪櫃見到一包肉下面仲墊左兩個唔係冰狀既冰袋(奶奶拎黎, 佢用呢個方法對付個雪櫃唔夠凍), 又放左一大包3-4人份量既菜... ...心諗一星期裡面我地兩老婆都唔知有幾多餐可以係屋企煮到... ...而奶奶黎前我係同佢講不如係度食埋啦... ...結果佢又放低野急急腳咁走左(我仲未返到屋企)。我亦都失曬預算.... ...仲買自己想食既野當晚飯... ....

我唯有SEND Whatsapp 比奶奶, 提佢下次唔好買野上黎, 因為個雪櫃要換啦 / 唔想佢浪費錢呀 / 呢幾日我地好忙未必有時間煮飯呀等等... ...

點知, 佢就以為我又唔中意佢上黎, 又唔中意佢煮/煲野, 仲要同C6 講問我坐月想點, 要唔要佢煮? 係唔係想請陪月唔要佢（當初佢反對我請陪月/家務助理/工人姐姐, 因為佢"以為"自己攪得掂)。甚至放大到係唔係唔比佢湊BB? 係唔係跟本我唔中意佢好耐? 奶奶甚至講佢第日上黎拎返曬佢買既野~
呢D 佢一次過同左C6 講, C6返黎就問我同佢阿媽講左D 咩? 我比左個Message 佢睇, 睇完大家都好無耐。因為又為左奶奶再一次嘈交... ...

依家我又比奶奶誤會... ...