懷孕前後今日: 1|主題: 330328

收藏本版

發帖

返回列表

跳至頁

查看: 3162 | 回覆: 15

分享三次有左至生產的回憶! [複製鏈接]

suki-c

大宅

積分: 1226

1^#

發表於 19-6-10 21:04 |只看該作者 |倒序瀏覽 |打印

由於生完兩個之後,記性真係差左好多,所以在bk 這裡留下回憶同分享下!2016年有左第一個大仔
仲記得當年知道有左後,自己都事事小心,但在未第一次產檢時,在一個下午發現有啡在內褲內,所以立即去屯醫急診睇,去到血壓升左好多,在大約15分鐘就有醫生幫我照超聲波,就係咁第一次就聽到bb既心跳聲,又驚又喜,喊左出來!
在第一次在屯醫產檢時(3個月)唐氏檢查抽血,亦都係第一次同老公見到le隻百厭馬騮仔,好得意,側左個頭望過來!! 過左一星期有醫院打來話,檢查有問題要返醫院睇報告,報告係200/1剛剛在邊緣!!!我同老公真係個心情落晒落谷底,明明兩家人都無這狀況,點解我地會有架,最後我地出左去私家醫生睇做T21,幸好到最好結果所有野都無問題,同埋知道係仔仔!!真係好開心~~之後就到飲糖水,堅難飲,仲要唔比嘔,當抽完第2次血之後,呀仔好似好鍚我咁,立即沖入廁所嘔!!係好彩抽完先嘔^^最後心驚驚咁PASS,差唔多到預產期一星期前,食左白果入左屯醫住左3日,事關第2日就係老公生日,諗住出左醫院可以開開心心慶祝完等待預產期,點知早上出去,晚上就陣痛入院,入院後見紅........

0 0 0

私人傳訊

suki-c

大宅

積分: 1226

2^#

發表於 19-6-10 21:26 |只看該作者

本帖最後由 suki-c 於 19-6-10 22:07 編輯

回覆 suki-c 的帖子

之後...係醫院度仲可以行到既時候行下等佢可以快D生,因為睇網上既POST好多都話行行行,點知....行到凌晨1點已經係咁嘔,同姑娘講,姑娘話檢查下...點知1度都未開,心諗1度都未開都痛到咁,10度真係會升仙,可以有笑氣嗎?聽講坐話有!!!點知佢話開到3度先可以到產房先有,真係想死!!!!時間到左3點啦~~係好痛,姑娘好好,話開左架啦,佢話幫我嘗試用手開到3度就送我去產房,3度即去!!!!去到之後真係除左痛痛痛都諗唔到,跟手CALL老公,去到早上6點啦~~笑氣其實第一次用,真係唔知點用,只有不停咁吸,其實真係好似無乜料到咁!!!等到老公入到產房,助產士教老公幫我按背...我仲記得佢話,LE度有個機係可以睇到你個老婆有無陣痛,嗱嗱嗱LE個數字就係痛緊KA LA,你幫佢按下啦~~唔按由至可,一按真係想KO個老公,痛過唔按!!不停痛到亂講野,想打無痛,但因為係星期日,麻醉師放假無得做,打無痛又話會影響BB,開刀又話你自己會生到KA,加油呀!!!!!突然又手有人幫我拮針,但又突然好強既陣痛,有理無理立即捉實,點知係個醫生,我話你比我捉多陣先啦,真係好痛!!老公在側,陰聲細氣輕力掃我,好快得架啦老婆,見到佢都咁勇陪我就算啦!!大佬就黎啦...人手穿水(係唔痛既)但FEEL到好多水爆出,柯左幾次都人係差D,但因為真係無乜力生啦,醫生話要吸出來會對BB好D!!咁之後出力咁柯出來,馬騮仔終於出世啦,之後感覺到有一大泡水再沖出來,但醫生叫我唔好旭,因為你個仔柯左D屎係你身上,要清潔下先,心諗,一出世就比屎呀媽!!陰公!!之後聽到姑娘話好深雙眼皮,再見到個仔時,有點兒無奈,LE個係我生既仔,我真係生左個仔! 聯針D人話痛,其實又唔係好痛,聯完之後就在產房食埋飯先推出去! 這隻馬騮仔係同老公同月同日同生肖出世亦都是我第一次的經歷!

私人傳訊

suki-c

大宅

積分: 1226

3^#

發表於 19-6-10 22:05 |只看該作者

回覆 suki-c 的帖子

第2次在2017年尾,但在第3個月產檢時,因為胎唔識生長,要作小產,那次真係晴天霹靂,無諗過第一胎都算順利,點解第2胎會咁,係未我太過輕事,最後選擇塞藥排出來,可能BB真係唔想我咁傷身,2小時左右想離開醫院時,我感覺到有野排左出來,係..真係BB D組織,排出來前後都唔痛,但之後檢查話唔清,所以到最後要口服藥,那次再排真係同生仔一樣,好痛到企唔到係身,最後好彩都係清晒,但始終真係好傷心,放左一段時間病假,返工永遠都是可以忘記傷痛的地方!!2018年頭有了第三次妹妹
有妹妹之前去食生冷野,捐血,玩過生車,點知.....無幾耐發現有左佢啦!!今次真比之前更加小心,老公亦下令辭職,今次好好養胎,經過上次之後,今次無咁任性,講乜都SAY YES,辭職後每一個月都做一次產檢,關關過關總算順利,終於都差唔多預產期,又係同哥哥差唔多日子,會唔會同一日呢,答案係唔會,仲要過期居留,第2胎唔會係最快,崔生那天,塞完藥,早上食完醫院既粥之後,穿水,這次穿水都係唔痛,但係就比上次流出來再慢D,又要打大佬啦!有左上生產經驗,我同老公都大膽左好多,但因為妹妹在肚內旭到聽到心跳,所以醫生話要用條電線仔放落妹妹頭皮度!!! 真心好緊張又好痛,點解唔係好似D人講,第2胎唔係快D 架咩!!!崔生藥加重左,老公突然話老婆你流左好多血落地,原來我隻手枝針掉左出來,今次差唔多全程乜止痛藥都無用,今次真係生到成個人震晒,屎都柯埋出黎,又係生到無晒力,又係好似上次咁,要老公出返去,要吸BB出來!!用盡九牛二虎之力,無幾耐呀妹出世啦,今次發覺胎水都好似無乜,好似人地咁講,(乾生)真係好難生好辛苦!! 生完之後都係好肚餓,咁岩開始比餐,有個姑娘好好人,我話我好肚餓,但隻手可能用錯力,生完呀女,隻手拎唔起,姑娘餵我食晒成碗飯,真心好感動,好多謝佢,而佢都話,佢做左咁耐都未試過咁餵飯!! 而我個女就係比D姑娘睇緊,我話我唔抱佢住,我無力呀!!!! 終於完成晒,收爐!!
多謝大家睇我既分享^^