嬰兒醫護今日: 0|主題: 79141

收藏本版

發帖

返回列表

跳至頁

查看: 921 | 回覆: 2

給各位準媽媽&媽媽...... [複製鏈接]

pywu

複式洋房

積分: 454

1^#

發表於 09-5-18 12:41 |只看該作者 |倒序瀏覽 |打印

各位準媽媽&媽媽,
我想o係度分享一下自己o既經歷,俾大家作為一個參考,一個提醒!
我個囡囡而家三個月,係上星期確認患左髖關節脫位 (Bilateral Dislocation of Hips),而且係兩邊完全脫位,要做手術先可以復位,手術後仲要打三個月石膏。當我知道o既時候,簡直晴天霹靂,我怪自己點解咁大意,咁遲先發現,但我最怪既係政府o既醫生,點解一直唔發現,今次係全因為我o地個私家醫生,先可以及早發現(雖然話及早,但已經遲左三個月,因為應該佢一出世就可以發現),但都要做手術先得,作為佢o既媽媽,我係又痛心,又忿怒!因為我唔希望再有咁不幸o既事情發生係其他BB身上,所以希望各位媽媽用少少時間去睇吓我o既經歷:
話說我係開刀生我細女,因為佢無掉頭,而無掉頭原來係髖關節脫位o既高危,醫院應該一定要check呢樣野,如果當時發現就可以即刻復位,唔駛做手術~(呢個係第一個醫療疏忽)
後來慢慢我發覺囡囡大腿兩邊都有一舊肉突出,去健康院定期check-up時問醫生,佢話未見過,但都提過驚係髖關節脫位,不過同佢做臨床又話應該唔係,但佢唔肯定,叫我去醫院兒科睇睇,由於囡囡出世太輕磅,所以已經安排去兒科覆診,當時囡囡係兩個月,我提出同樣o既疑問,話大腿兩邊舊肉好怪,問醫生有冇問題,佢都俾一樣答案 “話未見過,但都提過驚係髖關節脫位”, 而同佢做臨床又話應該唔似,跟住就無再理,亦任何建議都無!!!!( 呢個係第二個醫療疏忽,亦係我最嬲o既!點解d醫生有懷疑,唔去尋求原因,如果佢地建議我帶囡囡去照,可以早d發現,或者唔駛做手術)
之後我打算俾囡囡食輪狀疫苗,於是去睇私家,我就順便請醫生睇睇個大腿舊肉,佢都係同樣答案,不過佢就建議我去照超聲波,當買個安心,佢話如果真係有事就要盡快處理,於是我就帶囡囡去照,而結果就係兩邊都完全脫臼……
各位準媽媽&媽媽,我想大家可能好似我咁,一直無為意呢個病,雖然唔係咁普遍,但一千個BB都有一至兩個會咁,特別係如果胎水少,BB無掉頭,各位媽媽就要留意,有好多人可能一直無發現,到BB學行先會發覺佢遲左學行,或者一拐一拐,以下節目係有關呢個病,希望大家都身體健康!!!!!
http://cablenews.i-cable.com/webapps/program/fit.php (15/06/2008 那一集)

0 0 0

私人傳訊

jaycee_mami

珍珠宮

積分: 47039

好媽媽勳章

2^#

發表於 09-5-18 14:00 |只看該作者

我bb都係無調頭而開刀生, 他兩個月大去健康院時, 姑娘首先懷疑他腳仔關節緊, 之後再交俾醫生睇, 有係同一個答案, 說擔心關節緊會影響開合, 所以即刻幫我排骨科專科.

一個多月後就有得睇, 仲照埋超聲波. 之後在骨科前前後後睇左6次, 直至佢識行識走, 醫院先肯幫我close file.

所以你的case, 一定係醫療疏忽, 因為我見到連健康院的姑娘幫我check, 都好小心仔細, 佢一有懷疑, 即刻找醫生商量. 另外, 家長們見到醫生有懷疑的話, 一定要爭取照超聲波, 因為一照就知有無事.

私人傳訊

pywu

複式洋房

積分: 454

3^#

發表於 09-5-18 14:18 |只看該作者

係啦,我最最唔明就係點解無一個醫生(健康院連醫院起碼三個醫生,物理治療師我都問過)叫我去照超聲波......

原帖由 jaycee_mami 於 09-5-18 14:00 發表
我bb都係無調頭而開刀生, 他兩個月大去健康院時, 姑娘首先懷疑他腳仔關節緊, 之後再交俾醫生睇, 有係同一個答案, 說擔心關節緊會影響開合, 所以即刻幫我排骨科專科.

一個多月後就有得睇, 仲照埋超聲波. 之後在骨 ...