原帖由 kukukoo 於 09-6-4 15:41 發表
Did you receive confirmation from agent regarding the hotel and the final price ? Is there any difference from their leaflet and confirmed price ?
整體來講，蘇梅既陽光海灘係唔錯既，係一個嘆世界既好地方。唯一我覺得唔值得去既係龜島、南緣島one day tour。因為交通時間太長了(來回船程及車程最少用了5個小時）。而且冇乜特別，島上設施又唔“以人為本”，表面為環保，實質無意思。第一，冇淡水設施，連洗手間都冇淡水，要沖身就要俾錢，50銖一個人，而且得3分鍾。真係好過去搶！我唔想個女淹住鹹水幾個鍾（因為返來既船程及車程長），挶住俾錢沖身。第二，個島話唔俾帶膠樽鋁罐等東西上島。真係不知所謂！點解我咁講？因為，第三，全個島都冇垃圾筒，好在我有帶膠袋，所以我將所有自己“製造”出的垃圾全部放入膠袋帶走。我可以理解呢點，沒有垃圾筒，目的可能係唔想遊客留下垃圾，既然係咁，就算遊客帶來膠樽鋁罐，都自然會帶走，何必不準遊客攜帶呢？分明想遊客在島上的餐廳叫飲品罷了。我帶了一支水上島，在餐廳放在桌面，就俾餐廳侍應好不禮貌地講：“keep the water in the bag". 真係過份！連"please"都唔識講。
我記得當年去布吉，去蛋島玩，島上都有大桶儲存淡水，讓遊客可稍微沖沖身。布吉既海水一樣咁乾淨，冇垃圾。
發表於 
返回列表
