0-6個月 今日: 1 | 主題: 37397

積分: 1544

41^#

發表於 20-4-13 22:20 |只看該作者

ivan2001 發表於 20-4-13 21:40
本帖最後由 ivan2001 於 20-4-13 21:42 編輯

你果個扭到幾時無扭？

大概10周。

我個女5/6周開始嘅時候晚晚都係咁。連續三個鐘，所以我明白。其實有陣時後真係搞唔掂，我同我老公會輪流行開一陣，好似接間咁，感覺上會好啲。我都知道好慘，不過真係要同自己講，呢段時間一定會過去，好似心理着相好啲。

你有冇去兒科醫生睇？佢哋有冇咩建議？你不如問吓醫生probiotics, gripe water or rice cereal 得唔得？

私人傳訊

積分: 250

42^#

發表於 20-4-13 22:28 |只看該作者

Manman1618 發表於 20-4-13 22:20
大概10周。

我個女5/6周開始嘅時候晚晚都係咁。連續三個鐘，所以我明白。其實有陣時後真係搞唔掂，我同我 ...

試過吳德物次，飲左兩日，每日兩次都唔得，所以之後無飲。
老婆唔肯去睇醫生，我買左益生菌同埋另一個牌子嘅通腸水，不過老婆又係唔肯比佢試

私人傳訊

Princess_kbb

別墅

積分: 950

43^#

發表於 20-4-14 06:57 |只看該作者

ivan2001 發表於 20-4-8 00:48
我Bb囡第14日，由12日開始每晚9點準時喊到12點，無論點抱點she she聲點搖點包到實都係咁喊，比佢食奶咀會停 ...

腸紋痛係bb 腸胃未發展好所帶黎既既問題，佢愈大會愈好，我仔兩個幾月開始冇事，搓下肚仔可以幫到手但主要係舒緩佢不適，唔會根治到。

肚風係通常夜晚發生，你將佢打直抱擺起你心口啦，佢會舒服d 而且有安全感。佢十幾日仲適應緊，頭一兩月會係好難頂嫁，眨吓眼就過，遲下你會唔捨得佢大添呀。

咁細個我唔建議比肚風水果d 佢飲，起碼兩個月先啦。我個人經驗飲頭一兩次有用之後打回原形。

私人傳訊

candydoll

積分: 4228

44^#

發表於 20-4-14 08:09 |只看該作者

ivan2001 發表於 20-4-11 21:55
其實可唔可以唔理佢由佢喊呢，但又驚佢真係唔識停，喊到聲帶受損

如果每日只係3個鐘扭都可以接受嘅，我個仔之前係夜晚7，8點扭到朝早5，6點先肯瞓，乜都試過，後來演變成日頭都扭，每日瞓唔到6，7個鐘，要抱住行路先瞓得著，所以我全家都頂唔順，去睇兒科醫生。我話依家好咗好多，係起碼有瞓12，3個鐘，都係有一半時間要抱住瞓㗎，而且已經扭得冇咁勁，我都收貨啦，希望慢慢捱到3個月啦。
你個女唔算扭得勁就盡量抱下佢安撫，按摩肚仔舒緩下啦，因為你話你老婆唔肯去睇醫生。

私人傳訊

TzeQ

積分: 205

45^#

發表於 20-4-15 02:26 |只看該作者

ivan2001 發表於 20-4-8 12:33
希望真係捱一個月即係捱多十幾日就好，依家捱一日都覺得好痛苦

話咁快7日過去啦，你bb點啊？
我個女夜晚已經冇扭計了，12點左右飲奶，到3點幾飲一餐，然後到天光了。不過天光之後就開始扭，都系扭一朝，下午開始又繼續訓

私人傳訊

積分: 250

46^#

發表於 20-4-15 08:47 |只看該作者

TzeQ 發表於 20-4-15 02:26
話咁快7日過去啦，你bb點啊？
我個女夜晚已經冇扭計了，12點左右飲奶，到3點幾飲一餐，然後到天光了。不過 ...

我個囡夜晚9點都開始扭少左，依家扭一個鐘左右，但呢排好多時食完奶都唔肯訓，要扭番一粒鐘先訓，即係由定時扭變左不定時扭

私人傳訊

Nancychan1984

積分: 109

47^#

發表於 20-4-15 17:14 |只看該作者

我個B同你個一樣，成日喊，扭要食嘢，但係喂冇兩下又唔要，瞓冇兩下又醒。最後我總結都係因為肚風。最後聽我嫂咁做:
煞一隻雞蛋，去除蛋黃，放d銀器入中間（戒指，項鍊都得），拿紗巾包裹後同BB碌個肚仔。要有少少熱碌到唔熱為止。銀器會由銀色變成金色或者黑色，越深色越嚴重。
我自己覺得有效。妳都可以試下

私人傳訊

zaratama

禁止訪問

積分: 383

48^#

發表於 20-4-15 22:16 |只看該作者

提示: 作者被禁止或刪除內容自動屏蔽

私人傳訊

candy5566

民房

積分: 24

49^#

發表於 20-4-18 20:03 |只看該作者

我仔都係未夠一個月時肚風多，一要放屁柯屎就好辛苦咁，成2，3日先有一次大便，個時我已經轉左次奶粉，s26轉Illuma,大便情況好左，但肚風依然令佢好吾舒服，成日喊成日扭計，捱到夠一個月啦，就帶佢睇左醫生，總共去睇左2次醫生，第一次開左去肚風水，食左係好左，但停左2日又黎過，去問醫生佢話bb因為吾舒服會大喊，就會吸風，就成肚風，跟住吾舒服，係一個死循環，所以一定要令佢吾好成日大喊，所以要幫佢去肚風，我覺得不停睇醫生食藥吾係辦法，搵左相熟既人係藥房買左佢地認證既去肚風水，搭埋益生菌一齊食，大約一星期左右情況就好左好多啦，去肚風水食到3個月先停，益生菌3個半月個時停過，但bb 4日先柯到屎，柯屎前會大喊，打輪狀時問醫生佢叫我照比返益生菌佢食，2星期為一週期，食完2星期可以試下停，吾怕既，吾得就再食返，食到依家4個月再停，bb已經日日有臭臭，吾使再食啦～因爲個時我都好崩潰，所以打咁長希望幫到其他有需要既媽媽啦～（益生菌係醫生叫食既，去肚風水係我個時因爲bb肚風問題情緒有問題，去健康院時見情緒科姑娘佢偷偷地同我講可以買去肚風水，佢叫我比bb食到3個月，因為驚我會崩潰😂佢話只有去肚風水可以幫到bb，係咁食藥反而吾好）

私人傳訊

Fion9393

積分: 1295

50^#

發表於 20-4-20 01:42 |只看該作者

Bb滿左月,前幾晚03:00飲完奶就屙屎，之後扭到05:00⋯⋯抱又喊，比多啲奶都係喊，5點後訓左，05:30又嚟料，救命，之後又餵奶，終於肯飲完訓，以為扭左咁耐，可以訓到9點⋯⋯⋯08:30又嚟料⋯⋯⋯⋯咁落去命都冇咪Search可以點，頭先去左藥房買支吳德物次，啱23:30比左bb 飲，放多左屁，但冇咁扭！希望今晚可再有驚喜！

都係飲A+
日日1-2篤屎，但半夜勁扭。日頭又訓到
半夜係似唔舒服，辛苦個種
轉奶粉煩，所以試左其他方法先

另外bb 面多粒粒，一隔耐未屙屎（6-9小時）就好紅，但一屙完就退左好多，我留意左好耐，所以有諗過奶粉，應該有啲唔啱⋯⋯

私人傳訊

Fion9393

積分: 1295

51^#

發表於 20-4-20 04:07 |只看該作者

23:30，啱03:00扭⋯⋯03:30先餵，都係有加吳德物次，今晚冇飲完喊，可能因為冇半夜屙屎，亦都可能支野worK!睇多幾晚先

私人傳訊

積分: 250

52^#

發表於 20-4-20 04:09 |只看該作者

Fion9393 發表於 20-4-20 04:07
23:30，啱03:00扭⋯⋯03:30先餵，都係有加吳德物次，今晚冇飲完喊，可能因為冇半夜屙屎，亦都可能支野worK! ...

等你報告。
依家我個囡扭耐左，成日都扭，好似24小時唔洗訓咁，飲完奶又成日掃唔到風，成日嘔番啲奶出黎

私人傳訊

mcdann

別墅

積分: 662

53^#

發表於 20-4-20 08:27 |只看該作者

ivan2001 發表於 20-4-8 00:48
我Bb囡第14日，由12日開始每晚9點準時喊到12點，無論點抱點she she聲點搖點包到實都係咁喊，比佢食奶咀會停 ...

那時候我仔每晚9點喊到4點，很明你的感受⋯ 唯有鼓勵自己，時間過得好快⋯ 影多些她喊時的照片與影片，大個咗同佢分享

私人傳訊

積分: 250

54^#

發表於 20-4-20 10:10 |只看該作者

mcdann 發表於 20-4-20 08:27
那時候我仔每晚9點喊到4點，很明你的感受⋯ 唯有鼓勵自己，時間過得好快⋯ 影多些她喊時的照片與影片，大 ...

多謝你，佢琴晚一個鐘都無訓過，係咁扭計，岩岩先訓，日夜顛倒

私人傳訊

Fion9393