kkyyn 發表於 24-11-14 02:29 
所以，報足稅那種家庭無資助。
瞞稅或出現金糧那種家庭的學費好平
事實係有方法去瞞稅，問題係你會唔會做同做唔做得出，有人為咗仔女讀書有資助而離婚，如果過到自己果關咪OK囉，我就做唔出，亦都唔想灌輸唔健康嘅價值觀俾仔女。識得一個家長個大女好叻，考到去Cornell，佢就係老公做出現金糧嘅工，自己做酒店執房，人工有限，大女基本上係近乎免學費，而家細女考大學，佢早兩年已周圍問其他家長報唔報考SAT，我地UC而家幾年都唔睇SAT分數，報名表上冇位填，所以唔打算報私校嘅都好多唔考SAT，有家長同佢講冇錢俾仔女讀私校，佢就同人講好平之嘛，一年都係八九萬，得罪晒所有家長，因為所有人都知道佢係瞞稅而個女有獎助學金上大學，佢一年報稅都冇八九萬收入，佢個大女係用其他人嘅錢上大學，冇咩咁巴閉？其他人根本冇「資格」可以有資助，平時好溫和嘅家長都扯晒火，自此之後，冇家長睬佢，佢個細女又冇禮貌，佢地一邊教人點樣去領免費食物，一邊揸住部新車接送個細女，細女仲有最新款嘅iPhone。。。乖乖努力工作賺錢嘅人好難心理平衡。
不過，我同仔女講讀大學只係幫佢地打好基礎，有利於職場出發，之後就係佢地自己努力，讀到書唔代表以後就一帆風順，而且唔係名校出嚟就一定叻，我以前有同事Berkerly, UCLA 畢業，一樣可以冇common sense。
花旗太太生活在花旗國，留意時差，你問我未必即時答到。
發表於 
心諗平衡時空嗎？邊有回落？不過之前冇蛋賣，而家全架都係蛋冇人買。我同老公講用33蚊買4打, 不如用33蚊喺Costco分開買6隻雞。
返回列表
