byychan 寫道:
阿仔俾公公婆婆湊, 佢地愛孫心切, 我就日日俾佢地哦到暈, 好辛苦, 我講少少又唔鍾意, 最興答我: 我點知啫!!! 好似個仔食肉碎爛飯, 佢落左好多肉諗住好味道, 無乜飯, 個仔成口肉趙住好耐唔吞, 我話佢知肉多所以咁, 又係咁答我, 講左目的係下次落少d, 我諗我唔講又係無溝通.
到個仔流鼻水, 就話我今朝一起床同佢換衫凍親, 我話件衫係尋晚換, 咁就話無同佢戴帽出街, 總之一定搵個原因, 咁佢就安樂, 原因一定係我做錯, 佢係想避免個孫病, 但點做細路都會病, 唔通唔出街住個溫室, 我話呢個年紀呢d天氣係容易, 況且有時小小鼻水下午就無野, 都未知佢係咪病就大大聲話: 做乜佢流咁多鼻水架?? 但我自己今朝2hr都無見佢有野, 交左俾佢地就咁(未必係人為架), 無理由病就要搵個人承擔責任架.
連我個仔斯文(性格有d天生)唔同人爭野玩都話我唔教佢保護自己, 日日都有去公園, 到病時又話我俾佢少運動, 又講唔到幾多至夠, 放手俾個仔跑又話我應該小心唔小心, 跌親點算? 佢又唔係啱啱學行, 教佢自己食飯, 唔可以望住電視食, 自己除鞋又話我管得佢緊, 真係不能盡錄, 佢地好錫個孫, 但我好辛苦. :cry: :cry:
發表於 
返回列表
