吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 地貧經驗全過程及個人睇法分享

懷孕前後今日: 10|主題: 330269

收藏本版

回覆發帖

返回列表

跳至頁

樓主: 地貧爸爸

地貧經驗全過程及個人睇法分享 [複製鏈接]

cutracy

洋房

積分: 73

21^#

發表於 23-7-27 11:22 |只看該作者

其實我自己徵症只有貧血，到懷孕才知道自己有地貧基因。
非常認同樓主建議夫婦在計劃懷孕前的身體檢查加入檢驗地貧基因項目。
希望你這段時間好好陪伴你的太太，好好支持她！

私人傳訊回覆引用

dragonbaby2024

洋房

積分: 73

22^#

發表於 24-1-20 06:55 |只看該作者

本帖最後由 dragonbaby2024 於 24-1-20 06:55 編輯

回覆地貧爸爸的帖子

多謝你既勇敢分享

想知你哋之後會因為地貧改去做ivf嗎？聽講如果有遺傳病問題排政府ivf都好快同埋可以避免呢個情況，希望你同太太會有返個健康bb啦

私人傳訊回覆引用

noodle_noodle

伯爵府

積分: 19262

23^#

發表於 24-1-20 16:49 |只看該作者

地貧爸爸發表於 23-2-10 02:14
想係喱度打我既個人經歷，因為覺得網上搵到香港本地既經歷太少又唔齊全而且又舊，唔想同路人行冤枉路。
我 ...

其實有時都幾心痛，好多想生嘅人總係有事令佢地生唔到或者生唔到健康寶寶，但又有人好易有，生左又唔要，我仔次次發燒入政府醫院，都總係見有保良局嘅孤兒入醫院，明明佢地好可愛（特別係bb女），但就被遺棄

私人傳訊回覆引用

地貧爸爸

洋房

積分: 78

24^#

發表於 24-12-3 20:16 |只看該作者

事隔一年有多，都係果句，願意分享既人實在太少，我想係度update下自從上次既痛苦經歷之後到今日所發生既事…

喱個post出左之後既第二日，我太太已經出院，基於全地球既新抱同奶奶都係天生既死對頭，所以我安排佢返外母度坐小月，由佢自己呀媽照顧點都好D,佢又心情好D…
坐小月期間都有睇中醫，中醫問咩事冇左，我答重型地貧，然後個中醫係度扮勁，我就再講多D,話：四分一幾會生下重型，然後個中醫話依佢經驗其實唔止，話佢既先輩教落咁嘅情況唔建議有小朋友…我話會去做IVF, 個中醫話咁樣係唔道德…OK再講都係嘥氣。

如是者過左三個月，我地申請瑪麗IVF, 等左一兩星期回覆見醫生既時候已經超過40歲，所以唔接受申請，然後23年5月我地去左聽台灣茂盛醫院黎香港既講坐，諗住去台灣博一博。

23年8月到台中茂盛醫院初次到診，約左院長個仔李俊逸醫師，因為佢自我介紹寫自己係遺傳基因專家，所以選擇左佢，第一次到診我太太抽血檢查AMH, FSH 之類既野… 只應夠講佢有自己既Lab，check野唔似香港快極都要等兩三日，佢基本上係即日有…. 結果AMH 0.05… 喱個數可以話係極低，李醫師睇完都覺得機會渺茫，即時改口風問不如考慮吓借卵，用其他人卵子黎做…但係我同太太唔想…所以堅持試下先。

中間有係香港睇中醫調理，去左一間叫蘇安莎既中醫，睇郭桂廷（已經冇做），一星期睇一次，針灸加飲中藥，期間有係香港再驗AMH, 結果0.8（西醫角度AMH係冇得提升，中醫則相反，信不信自己決定，反正我信中醫自己個心理就舒服啲）

就係咁前前後後去左3-4次台中，洗既錢我都冇計用左幾多，總之結果就係失敗，三次取卵總數先得5粒，合共三粒成功受精，但全部都發展唔到去day6。我地既戰鬥維持到2024年4月，決定放棄返港再嘗試自然….

返到香港休息左一個月，5月計好日子啪啪啪，失敗….6月又計好日子啪啪啪… 竟然第二鑊成功….

心情既開心又擔心，擔心歷史重演… 但今次我唔會再拖到16週抽羊水再等3星期結果，今次我下定決心越早知越好，我地照舊登記瑪嘉烈婦產科，冇錯係好快俾咗個期產檢，但係個期遲到成14週先第一次見醫生，我知道抽絨毛球係11至13週抽，再次證明政府醫院係唔會因應你上一次嘅前科而下一次會幫你特別安排…. 照舊都係要自己爭取，打電話去瑪嘉烈說明事件要求早啲見醫生，瑪嘉烈姑娘話唔係你要求早啲見就有得早啲見，你要有醫生信，所以嗱嗱聲走去睇私家，攞咗封轉介信，即時fax去瑪嘉烈，咁我都好公道嘅，事實上真係好快就俾咗個快期，12/3週左右就見醫生，今次又係盧子健醫生，一見面已經立即表明今次係唔會再等，要求絨毛驗清驗楚，盧醫生見我哋咁有決心，都好爽快安排即日抽。

然後照舊渡過咗三個星期提心吊膽既日子，結果係今次過關，只係攜帶者，唔係重型，基因晶片亦都全部正常…

所以我想同同路人講，唔好輕易放棄….有賭未為輸！

私人傳訊回覆引用

AngelaXia0876

複式洋房

積分: 227

25^#

發表於 24-12-4 10:48 |只看該作者

其實香港有地貧基因嘅人好似比想像中多，好彩我上次社區活動驗到係冇事

私人傳訊回覆引用

地貧爸爸

洋房

積分: 78

26^#

發表於 24-12-4 12:47 |只看該作者

回覆 AngelaXia0876 的帖子

係，以中國黎講其實係南方人都多地貧基因，喱個係進化遷移路徑不同引致，北方人基本上極少喱個基因，有研究指出中國北方嘅人同南方嘅人喺人類遷移嘅路線之中，出發點唔一樣（當然最初都係從非洲出發），經過數萬年嘅演化之後，中國北方嘅人由歐洲遷移過嚟，另有一說係由北美經冰封嘅西伯利亞步行過嚟，而南方嘅人係由中亞印度一帶遷移過嚟，喱個地貧基因出現係有助對抗瘧疾，但係就同時引發左生育問題。

私人傳訊回覆引用

7d04c91c4ce7ac

洋房

積分: 37

27^#

發表於 24-12-4 16:52 |只看該作者

地貧爸爸發表於 23-2-10 02:14
想係喱度打我既個人經歷，因為覺得網上搵到香港本地既經歷太少又唔齊全而且又舊，唔想同路人行冤枉路。
我 ...

明白你感受
我屋企全家都有
有隱性有顯性
祝福你同你太太

私人傳訊回覆引用

7d04c91c4ce7ac

洋房

積分: 37

28^#

發表於 24-12-4 16:53 |只看該作者

7d04c91c4ce7ac 發表於 24-12-4 16:52
明白你感受
我屋企全家都有
有隱性有顯性

唔容易
加油！

私人傳訊回覆引用

Ccccchoy

民房

積分: 24

29^#

發表於 24-12-7 11:13 |只看該作者

回覆地貧爸爸的帖子

加油！我自己係甲型中度地貧，先生甲型輕型，23年尾做咗IVF，bb已經出世2個月🙂成功前都試過引產同流產，好明白你地既感受，經歷咗2年多既時間終於成功。

私人傳訊回覆引用

mocha0520

大宅

積分: 2902

30^#

發表於 24-12-9 15:57 |只看該作者

本帖最後由 mocha0520 於 24-12-9 15:58 編輯

我同老公都係同一類型地貧所以一直對生BB有壓力。諗住出年備孕，我想問樓主如果發現有左係米先去私家攞醫生紙再去政府抽絨毛？程序應該點？因為你既分享我預咗到時一定抽絨毛

私人傳訊回覆引用

北島

男爵府

積分: 9547

2025勳章 2025勳章蛇年勳章

31^#

發表於 24-12-10 19:30 |只看該作者

地貧爸爸發表於 24-12-3 20:16
事隔一年有多，都係果句，願意分享既人實在太少，我想係度update下自從上次既痛苦經歷之後到今日所發生既事 ...

恭喜你同你太太！

你太太坐小月時個中醫唔得喎，中學Bio都有教機率係1/4，另外做ivf唔道德，佢係咪信天主教？

無論點都好，多謝你嘅分享！祝願你哋小寶寶平安出世！健康成長

私人傳訊回覆引用

地貧爸爸

洋房

積分: 78

32^#

發表於 24-12-19 18:26 |只看該作者

本帖最後由地貧爸爸於 24-12-22 13:25 編輯

回覆 mocha0520 的帖子

今日去左林勇行度照結構，同佢傾左幾句關於兩年前我嘅地貧慘痛經歷，令到我對地貧嘅處理睇法有所改變，因為當我同林醫生講話政府嘅醫生12週開始照超聲波，一路照到16週先至發現有問題，林醫生嘆一口氣，竟然用非常肯定嘅語氣話如果有問題12週一定睇到…如果睇唔到就係睇果個人嘅問題…我聽完之後當堂啞咗…因為喺我眼中香港嘅所有醫生都淨係會保住自己個屎窟為大前提，我從來冇見過一個醫生可以咁肯定嘅口吻去答我，再加上以佢咁多年嘅經驗，如果佢唔係十足把握又喺度亂噏廿四，真係冇乜可能係呢行幾十年仍然有咁高嘅聲望，你上網搵佢個名，個個都話佢係權威…照結構嘅過程亦都非常之專業同埋細心向我解釋，所以經過今日之後，對於處理地貧問題，我會作出些少修改。
依照我個人嘅經驗，先去體檢攞咗雙方嘅驗身報告，證明係兩公婆都有地貧，因為政府醫院係必須要有醫生證明先會幫你特別安排提早見醫生，否則既話可能排到好後先至第一次見醫生。
當自行驗孕嘅時候出現兩條線：
- 盡快到私家醫生攞懷孕證明，醫生可以依照你上一次月經日期推算你目前嘅周數同埋預產期。
- 取得懷孕證明後，到公立排期，建議用HA Go申請婦產科登記比較方便，同時上傳埋所有報告比佢。
- HA Go申請後，一個星期內會收到日子安排到醫院檢查
- 留意返個日子係等於BB嘅幾多週，如果太遲嘅話例如13週以後，就要立即打電話去同佢講兩公婆有同類型地貧，佢會安排一個早啲嘅期俾你。
- 11-12週既時候book林勇行產檢，同佢講明你地兩公婆既地貧類型，攞佢既意見
- 如果佢照完覺得冇問題，唔使太擔心，到時你可以視乎你嘅個人意願再決定抽唔抽絨毛或者羊水驗100%確定。
-如果佢照完話有問題，到時你都冇得揀，一定要抽組織驗清楚。
- 公立醫院同時同步進行，佢哋知你兩公婆都有地貧會同你哋驗多次DNA，呢個DNA檢驗係再詳細啲驗清楚你哋嘅基因，同之前出面嗰啲身體檢查唔係同一樣嘢黎。
- 另外有一樣嘢我都想講，就係我老婆，上次抽絨毛嘅報告出咗之後，私家醫生幫我print份報告出嚟，我睇佢嘅樣本發送日期同報告結果嘅日期只係幾日時間….但係公立醫院冇問題係唔會打俾你，就算有問題，可能都要個幾星期先會打到俾你，雖然呢個報告都係喺中大嘅實驗室做出嚟，但係我喺度諗如果私家嘅話可能出完報告一兩日就會通知我結果，咁我同老婆就唔使擔驚受怕受盡煎熬果兩三個星期….但係私家抽絨毛/羊水連埋檢驗費用價錢應該唔平，呢個要視乎個人經濟能力。

希望幫到你，另外如果你係高齡或接近高齡，可以考慮雪住D卵子備用，以防要行到最後一步做pgd 既時候冇卵用，永遠留條後路比自己。 good luck!!

私人傳訊回覆引用

bobobuibui

別墅

積分: 698

33^#

發表於 24-12-19 20:08 |只看該作者

地貧爸爸發表於 24-12-19 18:26
回覆 mocha0520 的帖子

今日去左林勇行度照結構，同佢傾左幾句關於兩年前我嘅地貧慘痛經歷，令到我對地貧 ...

林勇行醫生係香港研究地貧既權威醫生，佢以前做左好多呢方面研究。佢講野係好直接。搵佢睇呢方面真係好岩。之前bb有事(唔係地貧)，係我地無要求情況下，佢13週已經會做早期結構咁幫我bb照。佢真係好有醫德。

私人傳訊回覆引用

Kkkaaa111

洋房

積分: 33

34^#

發表於 25-1-4 17:19 |只看該作者

本帖最後由 Kkkaaa111 於 25-2-2 20:32 編輯

回覆地貧爸爸的帖子

同你一樣盧子健建議抽羊水

私人傳訊回覆引用

lamom

複式洋房

積分: 140

35^#

發表於 25-2-7 22:11 |只看該作者

我同老公都有乙型地中海貧血，IVF 已經幫我剔除咗有重型地中海基因嘅胚胎，但準確係95%, 另外我都做埋T21 (全部negative), 因為我公立同私立都有做產檢，廣華嗰邊知道我同老公都有地中海貧血，不停想說服我做抽羊水，但抽羊水有流產風險，我依家掙扎中。。。唉

私人傳訊回覆引用

bobobuibui

別墅

積分: 698

36^#

發表於 25-2-8 12:40 |只看該作者

lamom 發表於 25-2-7 22:11
我同老公都有乙型地中海貧血，IVF 已經幫我剔除咗有重型地中海基因嘅胚胎，但準確係95%, 另外我都做埋T21 ( ...

會唔會諮詢下林勇行醫生？佢可能比到信心你。

私人傳訊回覆引用

lamom

複式洋房

積分: 140

37^#

發表於 25-2-8 23:46 |只看該作者

回覆 bobobuibui 的帖子

照結構乙型地貧唔會睇到的，甲型先睇到

私人傳訊回覆引用

kakatt

洋房

積分: 96

38^#

發表於 25-2-11 16:13 |只看該作者

回覆地貧爸爸的帖子

林勇行醫生係照結構嘅權威，我第一胎搵佢照結構發現有啲問題，
佢refer我番QE考慮抽羊水，
QE所有醫生見到係林勇行referral都同我講佢係權威，唔需要質疑佢嘅findings，唔需要再睇另一個醫生拎second opinion，亦都好小心咁幫我再check林醫生發現嘅問題，
好好彩最後我bb係自己好番無事，我亦無抽羊水。

我有朋友第一胎同你一模一樣，
兩個隱性bb顯性，最後無要，
第二胎去林勇行度照結構，醫生同佢地講嘅嘢同同你講嗰番話一模一樣，話點解咁遲先發現，無可能。

另外你公立醫院排到12/14週見到醫生已經算非常之快，
一般應該更耐（至少我上一胎係），
第二胎我自身有嚴重疾病，要排高危妊娠條隊，都要14週先見到醫生，
所以你話第一胎12週就排到見醫生簡直係不可思議咁早，
不過點都好有咩事搵私家驗咗先係最好。

最後祝你哋平安順利，小朋友身體健康！