少年成長

跳至

首頁
1

尾頁
   2


子爵府

積分: 11999


1#
發表於 23-4-9 10:09 |只看該作者
上星期五我哋全家都好緊張,因為嗰日係中一自行分配學位放榜嘅日子,細佬正正就係等緊結果。記得當年家姐朝早就已經收到電話話有學校收咗佢,即刻就全家都輕鬆曬。今年到細佬我哋一樣都好緊張。嗰日公司雖然好多嘢做,但係其實都仲心掛掛等緊老婆打電話畀我話畀我聽結果。直到晏晝食晏嘅時候終於都忍唔住打畀老婆,但老婆就話收唔到電話,我老婆都話嗰個時間都收唔到應該都係冇學校收。我同老婆當然都有啲失望,但更重要係仲諗緊點樣同細佬講。到夜晚去接佢哋兩個打完羽毛球,細佬第一句就問我老婆有冇學校收佢,嗰陣時唯有同佢講收唔到電話,佢表面上好似冇乜嘢咁,佢淨係話佢有同學已經知道有學校收咗。反而我覺得家姐個樣就好似有少少唔開心,因為其實細佬好想入去家姐嗰間中學,家姐亦都成日話細佬入咗去讀就會點會點,家姐其實都想細佬同佢一齊讀書。直至到佢哋練完波我同細佬入咗去換衫嘅得我哋兩個嘅時候我就問細佬其實佢有冇唔開心,細佬好認真咁話佢有唔開心,雖然講完佢就好似冇乜嘢咁。但係我都感覺到佢心入面其實係唔開心嘅!嗰陣時其實都唔係好知點回應,我有同佢講唔緊要,其實我哋大家都知到佢盡咗力預備,有陣時收生就真係除左盡力之外都仲要睇下其他因素。我仲同佢講我哋一齊再努力預備最後嗰次考試同埋下一個階段嘅收生啦!咁佢又好似冇乜嘢咁跟住就全家去咗食飯。


其實細佬好想同家姐一齊讀書,所以佢去家姐間學校面試嘅時候其實佢都準備得好充足,因為佢有家姐嘅經驗佢知道會問啲乜嘢,所以佢真係盡咗力去預備,好多嘢都係佢自己自發去做。其實喺呢個階段學校唔收佢其實都唔係佢嘅問題,只不過有人比佢更強,有其他嘅學生比佢更叻,如果我哋喺呢個時間仲怪責佢或者喺佢面前仲表現到好憂慮或者好多怨言,都只不過係增加緊佢嘅負擔!喺呢個時候其實最需要嘅就係支持同埋鼓勵,更加重要嘅就係要畀佢知道其實今次唔得,唔係代表佢唔努力唔係代表佢能力不足,更加重要嘅反而係要肯定佢嘅付出,肯定佢嘅努力。細路仔喺呢個時間其實佢都唔開心,但係如果得到父母嘅肯定同埋支持反而佢會更加容易企番起身繼續努力去面對佢下一個嘅挑戰。


我理解好多家長如果遇到呢個情況都會好失望,其實我同老婆都有失望嘅時候,但係正正就係呢個原因,我哋更就加要小心去同細路仔講,如果一味嘅只係怪責埋怨或者講好多負面嘅說話,其實只會令到細路仔覺得責任喺自己身上,覺得自己做得唔好,咁樣只會導致到個細路仔更加難企番起身又或者向負面諗就係父母唔明白自己,父母只會怪責自己而破壞咗同父母之間嘅關係。如果父母係呢個時間懂得對細路仔關懷,肯定同支持,咁樣其實細路仔就可以容易啲面對失敗困難,當細路仔感覺到父母嘅支持同埋肯定嘅時候,佢哋會更加容易去面對下一個挑戰而且更加加強細路仔同父母之間嘅關係。


其實我同老婆對今次嘅結果都唔開心,甚至連家姐都係唔開心,但係對阿仔嚟講其實最唔開心嘅應該係佢,但係既然已經發生咗,雖然結果唔係大家預期嘅,再唔開心再埋怨亦都唔能夠改變結果。點樣令到細佬能夠重拾信心再繼續面對下一個階段先至係最重要!家長喺陪伴細路仔成長嘅時候都一樣會面對好多困難或者好多挫折,要幫小朋友去面對呢啲困難同埋挫折,就要靠家長點樣調整自己嘅心情。細路仔唔會天生就懂得去面對,當面對困難同埋挫折嘅時候,家長嘅陪伴同埋支持先至係最重要嘅支柱,當然當細路仔面對失敗嘅時候,家長要懂得幫細路仔分析失敗嘅原因,唔好只係怪責或者只係簡單將個原因歸咎於細路仔唔叻呢啲先天因素上面。總之當細路仔面對困難或者失敗,家長要懂得點樣去支持同埋陪伴先至最能夠幫助到細路仔從失敗或者困難中再次站起來。更加重要係唔好再畀一啲負面嘅情緒去繼續糾纏,應該盡快處理好自己大人嘅心情然之後,同小朋友一齊再次出發面對以後嘅挑戰。


大宅

積分: 4658


2#
發表於 23-4-9 15:11 |只看該作者
我下年都要面對呢個問題,細佬成績無咁突出,未必去到家姐學校。唯有盡力啦,一齊讀書係開心啲。幼稚園小學都同一間,希望中學都可以一齊啦!


子爵府

積分: 11999


3#
發表於 23-4-10 12:18 |只看該作者
回覆 30051273 的帖子

一齊加油吧!


男爵府

積分: 7717


4#
發表於 23-4-11 10:23 |只看該作者
一齊加油, 我地都未有學校收


男爵府

積分: 6237


5#
發表於 23-4-11 22:34 |只看該作者
csir3290 發表於 23-4-9 10:09
上星期五我哋全家都好緊張,因為嗰日係中一自行分配學位放榜嘅日子,細佬正正就係等緊結果。記得當年家姐朝 ...
我完全明白付出咗努力而得唔到成果嘅感覺。 雖然我嘅case同你唔同, 但上星期我都係好緊張等緊嗰一日。 呢幾年我個仔都好努力讀書, 又參加唔同種類嘅比賽亦都攞過獎, 目標就係想考取學校獎學金。 知道有份面試好開心, 面試表現呀仔都認為做得唔錯, 全家都覺得好有機會攞到。 等咗個幾月終於收到學校電郵話阿仔冇被選中, 我當時幾乎喊出嚟。 我個仔都有失望,知道另外有2位同學攞到, 真係諗極都唔明。 大家成績差唔多, 大家都有運動及音樂。 我個仔仲攞過编程比賽獎,嗰2嗰同學無攞過任何獎, 到底我個仔輸咗喺邊。

嗰日我真係咩心情都冇, 直情覺得幾年嘅努力係白費。 諗咗一輪, 又同屋企人傾完之後,我應該搵到答案。 或者今次攞唔到獎學金都係一件好事,醒覺咗知道原來欠缺某方面既野,唯有下次再挑戰過

點評

csir3290    發表於 23-4-12 15:28


大宅

積分: 3770


6#
發表於 23-7-11 01:47 |只看該作者
希望明天有好消息

首頁
1

尾頁

跳至