少年成長 今日: 0 | 主題: 16009

積分: 739

1^#

發表於 24-2-25 00:33 |只看該作者 |倒序瀏覽 |打印

女女6歲
最近小一覺得佢比同齡小朋友慢論盡成日都喊唔係好識同小朋友相處做功課做得好慢抄嘢成日抄錯讀寫都好慢明明呢刻講左要做咩佢答完我然後又會唔知要做咩嘢咁湊佢湊到好崩潰

帶左佢去見職業治療師到評估
初初話佢感統發展問題有社交焦慮
開始做訓練做左幾次治療師覺得佢working processing 同埋記憶都比較弱
今日仲話懷疑佢專注力不足有讀寫障礙

阿女自細帶眼鏡
視光師最近同佢做test話佢話追視跳視定位都唔合格比同齡小朋友差好多

而家等緊學校安排見心理學家
好迷惘點解個女好似好多問題咁樣
究竟會唔會好返？(emoji)

0 0 0

私人傳訊

katielbaby

積分: 3179

2^#

發表於 24-2-25 11:13 |只看該作者

其實會唔會係視力有問題未發現，令人誤以為係專注力等有問題？

我做嘅工作同視力有關，有個case，個小朋友被斷症係輕度智力問題，一直就讀弱能學校，後來先發現視力有問題，上到小學遇到我哋，我哋完全唔覺得佢智力有問題，但係讀咗弱能學校太耐，能力已經同同齡小朋友有距離

私人傳訊

積分: 739

3^#

發表於 24-2-25 18:47 |只看該作者

katielbaby 發表於 24-2-25 11:13
其實會唔會係視力有問題未發現，令人誤以為係專注力等有問題？

我做嘅工作同視力有關，有個case，個小朋友 ...

應該唔係
佢個人真係成日遊魂
同埋個人好論盡
總係會甩甩漏漏

個人慢好慢(emoji)‍(emoji)
做功課人哋做1個鐘佢做2個鐘
呢頭同佢講完指示佢答左你ok 但即刻去做已經無左件事

照顧佢好辛苦
自己不斷同自己講大大下會好d
但而家妹妹4歲已經開始照顧返佢
我好擔心佢(emoji)

私人傳訊

katielbaby

積分: 3179

4^#

發表於 24-2-26 17:08 |只看該作者

唔好灰心

我個女細個嗰陣，我都覺得佢有輕微專注力問題同讀寫障礙，同教育心理學家傾過，建議唔洗驗，由我自己直接同佢做訓練

捱咗幾年無乜改善，好失落，最後因為疫情，成日網課更難跟，我辭埋份功湊小朋（我明白呢樣唔係個個家庭可以做到）

多咗時間陪住佢，放學返嚟同佢一齊做功課，做得快咗。有時間同佢一齊睇住，要佢用手指逐個字指住讀。同佢一齊睇住歌詞唱下歌。同佢做多d手腳眼協調運動。

唔肯定人大咗，定係訓練有效，還是入咗校隊打球有幫助。阿女成績進步咗好多，又可以坐定學琴同練琴。不過慢同b,d仲係成日撈亂就有待改善。

加油！

私人傳訊

做個靚太

水晶宮

積分: 50147

5^#

發表於 24-3-2 08:13 |只看該作者

回覆樓主:

有無試過同佢訓練專注力？玩d遊戲咁？
我最近都發現個女有咁嘅問題，不過佢本身無讀寫障礙，就係專注力不足，遊雲、拖延症等，成績都差左，佢試過同我講，佢都試過專心去聽老師講，但記唔到，最後好似聽唔到咁，什至俾同學笑佢學得慢，我都諗住同佢做下訓練，我係好怕佢再咁落去，除左影響學習，仲會俾同學排斥，我留意到佢無左自信，係學習上，好似無左動力咁，話佢差又唔係，但唔想佢再退步，我都想幫佢搵返D成就感。。。

私人傳訊

積分: 739

6^#

發表於 24-3-3 00:47 |只看該作者

做個靚太發表於 24-3-2 08:13
有無試過同佢訓練專注力？玩d遊戲咁？
我最近都發現個女有咁嘅問題，不過佢本身無讀寫障礙，就係專注力不足 ...

我女都係成日遊魂
佢都有同我講過話自己係學校一唔喊就會發夢，佢都唔想咁樣，然後都會覺得自己做咩都慢同做得唔好，覺同學排擠佢，治療師都有提我地要多啲留意住佢，怕學校有bully情況，令佢情況唔好。。。學業我都係陪住佢讀，成績點樣都放低左了，而家只係想佢訓練返好啲令佢靈活啲，搵到信心，做個開心嘅小朋友！

私人傳訊

做個靚太

水晶宮

積分: 50147

7^#

發表於 24-3-3 09:06 |只看該作者

本帖最後由做個靚太於 24-3-3 09:06 編輯

boobootiny 發表於 24-3-3 00:47
我女都係成日遊魂
佢都有同我講過話自己係學校一唔喊就會發夢，佢都唔想咁樣，然後都會覺得自己做咩都慢同 ...

係呀～真係最梗要小朋友開心！
我最近買左D棋，都搵左D遊戲，同個女訓練，就係希望佢腦筋可以活躍D，同訓練返個視聽專注～
我本身都唔係好重視成績，亦唔鼓勵個女同同學比較，但個女就因為成績比同學低，佢搵唔到成就感，就更加唔敢出聲，所以我唯有係鼓勵佢，要超過自己嘅分數，等老師讚，同學就會睇到～

私人傳訊

wlhpks

子爵府

積分: 10643

2025勳章 2025勳章蛇年勳章虎到金來勳章畀面勳章大廚勳章 BK Milk勳章 hashtag影視迷勳章開心吸收勳章

8^#

發表於 24-6-5 12:46 |只看該作者

boobootiny 發表於 24-2-25 18:47
應該唔係
佢個人真係成日遊魂
同埋個人好論盡

成日遊魂

甩甩漏漏

好似係專注力不足。

我囡小一開始都係咁，堂課變家課，人哋同學1小時功課我要做3小時。老師話佢非常慢又發夢，後來小二評估了專注力不足和讀寫障礙

私人傳訊

C-Ci

複式洋房

積分: 263

9^#

發表於 24-6-7 17:38 |只看該作者

可以做一些專注力的小遊戲

私人傳訊

小飯團仔

積分: 2005

10^#

發表於 24-6-13 07:21 |只看該作者

boobootiny 發表於 24-2-25 00:33
女女6歲
最近小一覺得佢比同齡小朋友慢論盡成日都喊唔係好識同小朋友相處做功課做得好慢抄嘢成日抄錯 ...

我喺外國讀助教證書，專門教一啲學習緩慢嘅學生，其實你小朋友嘅情況好常見，尤其是細B，同大B嘅差距越細越明顯，只係外國會多啲support去幫助呢批小朋友，香港學習速度快，學校冇乜support，所以父母會好大壓力。

你小朋友只係小一，有好多嘢要適應，佢本身學習比較慢，父母更加要有耐性去支持佢哋，盡量用正面嘅方式去鼓勵佢哋，例如做個獎勵計劃，小朋友完成功課有一個星，如果做快就兩個星，儲夠可以有獎勵，獎勵可以同父母傾出來，甚至可以抽獎嘅形式決定獎勵，主要目的係增加佢哋嘅興趣去完成佢要做嘅嘢

如果冇記性，會唔會寫低幫佢哋記住？佢哋可以自己寫出嚟，唔記得自己去睇返，咁樣可以俾返個責任佢哋，唔使下下父母提

其實教育有好多唔同嘅方法，唔同嘅小朋友又有唔同嘅情況，要試吓先知邊啲方法有效，相信靠父母持續嘅幫助，最後都可以追上同齡小朋友，加油

私人傳訊

積分: 739

11^#

發表於 24-6-18 23:32 |只看該作者

wlhpks 發表於 24-6-5 12:46
成日遊魂

甩甩漏漏

請問評估過程係點同埋之後學校點樣幫小朋友？

你女而家幾大？有冇改善？

照顧佢好辛苦，最近考試我幾乎崩潰(emoji)

私人傳訊

積分: 739

12^#

發表於 24-6-18 23:39 |只看該作者

小飯團仔發表於 24-6-13 07:21
我喺外國讀助教證書，專門教一啲學習緩慢嘅學生，其實你小朋友嘅情況好常見，尤其是細B，同大B嘅差距越細 ...

你好多謝你分享
女女最近考末期考，明明已經好盡力溫習，溫得好好，但係學校做卷都係做錯晒，我有問佢，應該係因為佢慢，怕唔夠時間做所以一急就亂晒，佢自己都會因為成績唔好唔開心(emoji)

我哋已經用左好多方法去提佢自理方面，但係仲係會成日漏低野係學校，有時自己漏左係邊都唔知(emoji)

我有諗過同學校傾下可唔可以俾佢重讀小一
佢夾硬咁樣上小二其實真係好辛苦
但係好多聲音都係：會令小朋友更加無自信更加唔開心。。。去到呢個位就好矛盾(emoji)

私人傳訊

小飯團仔