婦女醫護今日: 0|主題: 34262

收藏本版

回覆發帖

返回列表

跳至頁

查看: 24073 | 回覆: 10

子宮肌瘤唔同檢查方法及時間，size會唔一樣 [複製鏈接]

amywaiki

洋房

積分: 43

1^#

發表於 24-5-27 12:22 |只看該作者 |倒序瀏覽 |打印

想同各位姐妹分享下婦科醫生唔會特别同你地講既野，就係子宮肌瘤用唔同檢查方法，以及唔同時間檢查，size會唔一樣。

本人在十多年前經腹腔超聲波檢查發現有3～4cm的子宮肌瘤，到現在年紀大演變成多發性子宮肌瘤（即係成個子宮有好多粒肌瘤），最大果粒7.x cm

做左多年中醫治療，睇過幾個中醫，效果不大。我有一位中醫朋友多年前已叫我用西醫治療，早解決早減少煩惱，但我冇聽佢講。幾年後的今年又再睇佢，佢好詳細咁講解以下幾樣野比我聽：

（1）中醫方法只能處理朱古力瘤，以及小於1cm “尚未有血管通過的”子宮肌瘤是可用中醫整散佢，大過1cm 有血管通過的就唔得了，因為有血養住粒瘤。繼續用中醫治療只會浪費金錢，反宜用西醫去處理，手術前和後用中醫方法調理，這樣是最好的也最省錢省時間的；

（2）子宮肌瘤唔同時間和唔同方法去檢測，結果會唔一樣。我的中醫朋友話我聽在經期剛剛完結時，去檢測肌瘤是最準確的，因為當時肌瘤仍然充血，如果在經期完後與下次經期前的中間時間去檢查，肌瘤會最細的，因為未充血。同埋經陰道照超聲波是最準確的，look肚皮同經陰道照，可以相差1cm，到最後做手術時可以實際再大多1cm。所以檢查肌瘤最準確的方法是在經期後立刻找醫生經陰道照，咁得出來的結果最準確。我有找過唔同既醫生在唔同既時間檢查，結果印證我中醫朋友講既野係arm。

（3）中医朋友建議盡早做手術，因為她在中國國内實習時，有去醫院做過，實習時有觀摩過西醫做婦科手術，並從旁協助。佢話子宮肌瘤其實是炎症，瘤周圍其實會有好多炎症污糟水，阻礙了醫生視線，所以其實是肌瘤愈早處理愈好，手術難道較低。佢試過親眼見過有個case，瘤有成7.x cm大，成個肚都係污糟炎水，醫生好難睇得清楚，結果剪錯左另一條血管，需立即止血，再剪返條arm 既，咁樣手術又浪費左一D時間同埋病人體力。所以真係愈早處理愈好，手術風險較低。

最後，我聽左我個中醫師朋友講，術前吃藥調理1～2個月至手術前一天，調理好氣血去打仗。手術是開大刀的，並且需全身麻醉，術後當晚冇嘔冇暈冇麻醉副作用，當晚已可吃她早已為我開的術後調理中藥，同西藥相隔兩小時食。至今一星期康復進度良好。我本來有輕微貧血，試過捐血後暈了兩小時，但我這次手術3.x 小時，醫生話冇輸過血，而且講話我無貧血，我覺得這是中西醫結合治療的結果。

上述事項，西醫婦科醫生唔會特别講，但我個中醫朋友有同我講，所以各位姐妹注意啦，有時檢查到粒瘤細左，唔好誤以為係真呀。

0 0 0

私人傳訊回覆引用

amywaiki

洋房

積分: 43

2^#

發表於 24-6-19 01:21 |只看該作者

本帖最後由 amywaiki 於 24-6-19 01:27 編輯

補充關於第（2）點：
我既情況，我為了引證她的講法是否正確，3～4月份找不同醫生驗了幾次，我剛剛經期完後，放超聲波鏡頭入去肛門驗，最準確是最大果粒7.x cm，冇記錯既話第二粒最細的有 4～5cm，之後仲見到有好多粒細既，所以醫生話我係多發性子宮肌瘤。之後我係完經期後至下次經期開始前的中間時間驗（即係子宮肌瘤最冇血的時間），最細果次是就咁look肚皮照超聲波的，最大果粒都係2.x cm，佢仲話比上次照係細左（我一直都有睇佢）。

所以咁樣前後同一個月内唔同時間及方法驗，係有5cm誤差咁多