吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 婚姻是甚麼

夫婦情感今日: 2|主題: 42715

收藏本版

發帖

返回列表

跳至頁

查看: 11703 | 回覆: 15

婚姻是甚麼 [複製鏈接]

大頭妹00

民房

積分: 27

1^#

發表於 24-6-29 23:05 |只看該作者 |倒序瀏覽 |打印

長文～～

大家好，我今年38歲，結咗婚14年，有2個小朋友（11&9歲）。

「第一次出軌」：老公喺大女2歲時，唔知點解同佢ex聯絡返，有一齊食飯睇戲（當時暪住我），亦有互send曖昧嘅訊息，例如「timing 錯咗」「你最了解我」「同你一齊好開心」等等……..
最後東窗事發，佢道歉&同ex 斷聯，佢不停強調無發生關係。我最後亦因為小朋友原諒佢。

其實佢一直對屋企好好，會幫手煮飯，做家務，會教功課，脾氣都好好。但果次精神出軌後，我一直耿耿於懷，直到而家……

「第二次出軌」：件事發生大約喺大女7歲果時，即係精神出軌後5年。

當時佢工作出現轉變，有好多不確定性，我知佢壓力好大，我都盡力做好自己本分，希望唔好添煩添亂。但有一次從佢wechat 見到一D奇怪msg，我就開始懷疑佢有問題。最後，原來佢去揼邪骨，甚至搵PTGF⋯⋯當時我陷入一個崩潰嘅狀態，因為我要離婚，佢唔肯，當時大家都流咁好多好多眼淚，包括我對仔女，佢哋唔知媽媽點解成日喊，只係跟住我喊⋯⋯果段時間真係好難過。最後都係選擇原諒。

——————————————————————————

其實距離佢第一次精神出軌已經10年，如果有經歷過嘅人，一定明白當時心情，果種猜疑、不安、迷惘，我一世都唔可能忘記，更甚嘅係，我經歷過2次…….

我老公未必係一個好老公，但一定一定一定係一個好爸爸，我正正因為對仔女，我選擇留低。但同時我好唔甘心，點解我要放棄我人生去換取一個「完整嘅家」。

佢對我同我屋企都好好，我媽媽最後果段日子，佢真係盡心盡力，果時如果冇咗佢，我都好難過到。

我哋每日放工返屋企，一家人一齊食飯，之後對下功課/溫書，安排好小朋友訓覺，之後我哋都有傾下計睇吓電視，講下公司講下仔女，就會去訓覺⋯⋯以前我哋係會攬住訓，唔知幾時開始同一張床，分開2張被，各有各訓。我亦都唔肯定我同佢之間仲有冇愛，我哋對上一次親熱可能係1年前？！或者更耐，已經唔記得咗。

大家可能覺得我無病呻吟，但離婚嘅念頭一直無打消過，我真係好迷惘，好想知一段健康嘅關係應該係點，好想知道我係咪應該要知足，安安穩穩咁過埋往後幾十年………

唔好意思，因為思緒比較亂，希望大家明白我寫乜嘢(emoji)

0 0 0

私人傳訊

花墟小三

別墅

積分: 619

2^#

發表於 24-6-30 00:49 |只看該作者

既然原諒咗兩次，希望佢唔好再有第三次，因為你小朋友真係比較細，除非你自己有經濟能力。

私人傳訊

陳小b

伯爵府

積分: 16094

畀面勳章

3^#

發表於 24-6-30 06:24 |只看該作者

樓主其實你只係得38歲仲好後生。正常你老公對你應該仲有性慾架？！何解會年幾都冇做過1次？！係咩原因你要諗下先。以前小朋友細，做媽咪忙於照顧又要打理家務會好攰。但而家你小朋友開始大你都要抽返d時間陪下個老公出去拍下拖。。增進返d感情。始終一齊耐咗係會比較平淡。但都要雙方主動維繫先得。

我都有兩個仔，年紀比你亦大。我49，我老公都50。但我地仲有keep住做。係好自然咁，冇話刻意一定要交功課幾多次倒。有時我老公從後攬住我一陣已經feel倒佢細佬已經硬咗跟住我地想做就做。唔想做都會傾下計煲下劇咁之後會蹺住佢隻手瞓

我相信如果大家仲有愛係會有心維繫的。

樓主為咗對仔女你要加油。。既然你話你老公係一個好爸爸。大家心平氣和去傾睇下邊度出咗問題。以致你老公曾經喺出面做過呢d野去傷害你。

私人傳訊

vlamho

大宅

積分: 1370

4^#

發表於 24-6-30 06:42 |只看該作者

我同妳case 有d 似，好明白你感受，已經唔會再相信任何一句說話，當中亦包括委屈同唔忿氣，自己付出青春到頭來換左d 咩，亦鞋難保會一直發生，特別係已經用$去買，但一世人咁就無左真係好慘既感覺

私人傳訊

YYChannn

男爵府

積分: 8419

2024年龍年勳章

5^#

發表於 24-6-30 18:04 |只看該作者

唔好用浪費自己青春單親佢都一樣可以做好爸爸角色

私人傳訊

KILW

子爵府

積分: 10495

6^#

發表於 24-7-1 00:10 |只看該作者

其實樓主老公唔係2次出軌，只不過係你2次發現而迫雙方面對，佢根本背叛你好多次。
你無提佢有無交代喺你同佢嘅關係中，佢有咩唔滿足而令佢搵「外援」。多年嚟最基本嘅問題如果無處理過，你又過得唔開心舒服，何必迫自己同佢一齊？不如諗下同小朋友講，即使同老公和平分開，佢可繼續做個好爸爸。

私人傳訊

大頭妹00

民房

積分: 27

7^#

發表於 24-7-1 00:44 |只看該作者

出軌只有0同♾️，佢口講2次，事實係幾多我真係唔知，唔想差度，只好相信……..

我係好想分開，我唔係怕自己一個人，亦唔擔心經濟問題，有手有腳唔會餓死。只係覺得好似欠缺導一條火缐，我先可以同小朋友交代。

我唔知道你明唔明我意思，呢幾年，日子過得好平淡，每日返工放工，老公都好顧家，基本上冇嘢可以挑剔。但係我就係唔係幾開心，我好矛盾，我見到小朋友好開心咁成長，但我自己就定期會發放呢啲負能量。有時甚至希望佢再出軌，我就可以光明正大咁離開…….

私人傳訊

大頭妹00

民房

積分: 27

8^#

發表於 24-7-1 00:49 |只看該作者

其實佢2次出軌，我都可以「扮」原諒，「扮」忘記咗。佢對我好好，我講乜都答應，我要乜都會買俾我，但我感受唔到愛嘅存在，呢個係最大問題。

我會覺得佢留住我係因為唔想變，我可以繼續做媽媽嘅角色，令佢可以有一個看似幸福嘅家庭，小朋友可以正常咁成長，呢個就係我嘅「作用」。

私人傳訊

大頭妹00

民房

積分: 27

9^#

發表於 24-7-1 00:58 |只看該作者

我都唔知點解，可以真係無乜獨處時間，因為家庭原因，我哋放假去邊都一定要帶埋小朋友，唔好講去旅行，連2個人睇場戲都無乜可能。

其實我有同佢講過我感受，講完咪親密D囉，一段時間之後，咪打回原形。我都唔想再講，我唔想去乞求一D未必係發自內心嘅愛，乞討返嚟都冇乜意思。

私人傳訊

Kakahalo

別墅

積分: 817

10^#

發表於 24-7-1 17:47 |只看該作者

小朋友都應該返緊小學？佢地返學時，你兩公婆各自請假去拍拖都可以，睇有無心啫，又唔係初生bb

私人傳訊

kaman06

男爵府

積分: 7187

11^#

發表於 24-7-1 22:51 |只看該作者

好坦白講，我唔知你點解原諒佢？其實佢有冇知錯？如果知錯，點解仲會出軌？我有朋友出軌，佢哋揾婚輔，真係去解決佢哋問題，出軌只係你哋關係有問題而產生問題，你地唔去解決關係問題，而只係話有冇出軌，根本係頭痛醫頭，腳痛醫腳

我咁講唔代表你要去揾婚輔，只係想講你既然頂唔順，不如坦誠面對，你仔女都會睇到你哋關係咁，都會有影響，請為仔女日後拍拖結婚著想

私人傳訊

RAA

珍珠宮

積分: 35016

2025勳章 2025勳章蛇年勳章 2018復活節勳章好媽媽勳章醒目開學勳章

12^#

發表於 24-7-2 13:35 |只看該作者

其他嘢唔評論，不過佢一定一定一定唔係一個好爸爸

私人傳訊

Heman2001

男爵府

積分: 7013

13^#

發表於 24-7-15 15:40 |只看該作者

樓主如果感受唔到愛既存在、又放唔低對方行為，不如放過大家吧，好好安排自己經濟狀況，諗下點去令兩個小朋友有更好生活仲實際

私人傳訊

pyc2022

別墅

積分: 541

14^#

發表於 24-7-15 16:23 |只看該作者

你想心好過點的話,唔好當佢係愛人了,只當佢係出糧比你,同照顧你小朋友的同事好了,唔好放太多情感係呢個人度,有希望只會唔開心

私人傳訊

做個靚太

水晶宮

積分: 50378

15^#

發表於 24-7-15 20:39 |只看該作者

樓主，其實佢如果係一個好爸爸，就算捨得你傷心，都唔會捨得仔女傷心！
唔知你平時嘅生活係點，辛唔辛苦～
我只知，我細個都好中意我爸爸，佢從來唔會打鬧我地，把口真係乜好說話都講得出，明知佢對我媽唔好，我媽係個偽單親，我地都會明白爸爸嘅難處～
而家長大，開始明白佢係虛偽同自私，知道佢出面有其他女人，如果我媽過得好，豐衣足食，我都會算，但一諗到我媽獨自喊，獨自崩潰，我就好難原諒爸爸！
細個唔識，但其實長大係會明白～
希望樓主早日放低，男人把持唔住自己，只要有新鮮感，老婆其實幾靚幾好都無用！