想生BB 今日: 0 | 主題: 109497

積分: 66

21^#

發表於 24-7-19 14:00 |只看該作者

回覆 YenYen_FB 的帖子

我不敢相信見到你呢個post，真係好難接受，睇著你呢排既心情起伏，感受到呢刻你會有幾傷心….有幾失望…如果你想喊，就連埋之前一直承受既壓力盡情地大喊吧，喊完真係會舒服少少…我果排會loop陳蕾個首「相信一切是最好的安排」，聽完會有返少少正能量…
都係個句，不到最後一刻都不要放棄！你已經做得好好架啦，至少仲有機會。
慢慢俾d時間平伏心情，做d令自己開心既野，希望你早日可以走出陰霾，重新向著晴天出發！不要灰心，仲有我地呢d同路人互相扶持，一定有人明白你的！

ps 如果你想消磨時間又喜歡睇戀綜，推介韓國既「戀愛兄妹」，咁啱「喜歡你我也是」我都有睇～

私人傳訊回覆引用

積分: 303

22^#

發表於 24-7-19 14:43 |只看該作者

pyckk 發表於 24-7-19 14:00
回覆 YenYen_FB 的帖子

我不敢相信見到你呢個post，真係好難接受，睇著你呢排既心情起伏，感受到呢刻你會 ...

當我睇倒嗰句：『如果你想喊，就連埋之前一直承受既壓力盡情地大喊吧』我在餐廳很努力忍住，不讓眼淚流下來。。感恩遇見你，感謝你看到我的故事，你講得好好，我既傷心不止這一次....是累積了8年的壓力，8年的無助。。。謝謝你，有明白自己的人真好！一起大哭一場走出陰霾吧！

私人傳訊回覆引用

積分: 66

23^#

發表於 24-7-19 15:11 |只看該作者

回覆 YenYen_FB 的帖子

因為上次植入後幾日feel到壓力越嚟越大，大到幾晚瞓唔到，好焦慮好想喊，但又要忍住，唔想負面情緒影響結果….到知道失敗個下，真係失哂控咁喊出嚟，而且我知道我喊既原因並不單只是個結果失預期，而係之前累積既複雜情緒，終於可以一次過抒發出嚟！真係經歷過既人先會明，所以，想喊就盡情喊啦！明白係街上要忍住個種辛苦（給你一個大擁抱❤️）好多人一世都唔會明唔會知我地既感受，我都感恩沿途上可遇到你，我地都要一齊一加油，好好準備下一次植入！

私人傳訊回覆引用

積分: 303

24^#

發表於 24-7-19 17:20 |只看該作者

pyckk 發表於 24-7-19 15:11
回覆 YenYen_FB 的帖子

因為上次植入後幾日feel到壓力越嚟越大，大到幾晚瞓唔到，好焦慮好想喊，但又要忍 ...

我都係咁，由植入後幾日開始好焦慮，直至收倒第一個驗血報告，hcg指數好低，壓力就更大...但又唔敢喊，要堅強，等待第二次抽血報告，見倒翻倍數字好靚，安排照超聲波，開心左一日，點知第二日醫院姑娘又打黎講數字都未達標未知成唔成功，心唸你可唔可以講多啲鼓勵性既說話，壓力又開始大，又開心又擔心，但又要努力抑壓...直至最後結果，加加埋埋...真係人都顛，醫生只是冷冷的說一句停藥....對他們來說也許習以為常，對我們來說是一個小生命。
仲要係同事朋友面前扮無事，真係好難頂，好唔想講野...
不過傷心之餘，我都開始上網搵資料，我想驗下免疫系統和凝血功能，唔想再白白失去下一次經驗

私人傳訊回覆引用

積分: 66

25^#

發表於 24-7-19 20:31 |只看該作者

本帖最後由 pyckk 於 24-7-19 20:38 編輯

回覆 YenYen_FB 的帖子

雖然係公家做都預左，但佢地真係好流水作業式，有時會覺得唔對我惡已經好好，但其實我地都人，都會有情感…說話個tone溫柔少少係咪真係咁難？！嗰種抑壓真係好煎熬，知道結果後直情成個人無哂動力，所以我都頹廢咗幾日，平伏心情後（煲劇的確可以分散下專注力），就開始睇化左d野，諗多咗唔成功之後有咩計劃，同埋決定再努力啲調理，個人好似踏實咗d，無再將個結果睇得咁重。
我有一排都係網上睇好多資料，搞個人好緊張，所以適可而止便可，不過知多啲都係一件好事…anyway, 唔好迫得自己太緊。

私人傳訊回覆引用

積分: 303

26^#

發表於 24-7-19 23:09 |只看該作者

pyckk 發表於 24-7-19 20:31
回覆 YenYen_FB 的帖子

雖然係公家做都預左，但佢地真係好流水作業式，有時會覺得唔對我惡已經好好，但其 ...

哭過以後我亦有新的體驗
回到4月那時候，新搬的家，那時候是幸福快樂的
望望身邊的老公，兩隻可愛的狗狗
BB未黎既時候就先珍惜現在吧！
我們沒有失去什麼，只是回到之前也不差的生活
人生苦短，我決定邊調理邊好好享受現在的二人世界再帶狗狗出去遊山玩水，一起放輕鬆加油吧！

私人傳訊回覆引用

積分: 66

27^#

發表於 24-7-21 11:35 |只看該作者

回覆 YenYen_FB 的帖子

我都有養一隻狗狗（2歲），佢真係好治癒我地，我地都中意帶佢去唔同地方，見佢有大片草上奔跑放電，真係好開心！瞓覺時，見到老公同狗狗熟睡在我兩邊，覺得咁樣其實都好幸福！有時真係心境決定一切，享受一下而家既生活。幸福就係當下這一刻…

私人傳訊回覆引用