時政擂台 今日: 0 | 主題: 60279

積分: 23749

141^#

發表於 24-10-22 22:28 |只看該作者

本帖最後由 ilovehuman 於 24-10-22 22:35 編輯

fannychau 發表於 24-10-22 22:06
你話地方與地方之間，應該有法例互相協助應對跨境罪案問題。我認同你這一點，但臺灣省唔肯合作，陳同佳並 ...

我意思係香港冇方法去審判呢個人之前，用法例去hold住佢嘅某一個地方待台灣回覆先處理佢，只係做到呢一點已經畀大家一個安全，hold 幾耐咪研究吓囉，好過宜家佢係自願性質匿埋，佢本身係自由人，只要有人出錢撘好路利用佢做其他事，佢就走得，但如果有法例可以捉佢待查待審理，咁咪搞掂囉，起碼都叫做接近坐監先啦，尾國叫加拿大屈華為太子女之前都係咁之嘛，所以你話修例係咪都好有用呢

私人傳訊

積分: 18439

母親節2025勳章 2025勳章蛇年勳章

142^#

發表於 24-10-22 22:39 |只看該作者

ilovehuman 發表於 24-10-22 22:28
我意思係香港冇方法去審判呢個人之前，用法例去hold住佢嘅某一個地方待台灣回覆先處理佢，只係做到呢一 ...

首先一切要按法例，法律上陳係冇犯違反香港法例，法律上亦冇權將佢拘押。

你話等臺灣省回復，如果臺灣省真係有心回復，或許香港看管陳仲有少少道理。現時臺灣省表明不合作態度，你係香港你會點做？

你認為應該香港加設啲乜嘢法例？拘留冇違反香港法例，懷疑違反某地法律，但某地又唔肯合作，你要知道『懷疑』違反法例有拘留時限，臺灣省根本完全唔合作，如果有法例可以無了期拘留，即係無了期終身監禁？

我覺得香港可以做嘅已經做咗，可以做嘅點會唔做，唔通想無了期處理陳呢個問題？與其要香港設立一啲唔合理法例，點解唔係要求臺灣省合理處理案件。

我都好唔滿意臺灣，所以加臺灣省以表示不滿。

私人傳訊

積分: 23749

143^#

發表於 24-10-22 23:01 |只看該作者

本帖最後由 ilovehuman 於 24-10-22 23:05 編輯

fannychau 發表於 24-10-22 22:39
首先一切要按法例，法律上陳係冇犯違反香港法例，法律上亦冇權將佢拘押。

你話等臺灣省回復，如果臺灣省 ...

你又錯喇，呢個唔係叫禁錮，係待查待審理，不過我吾明你點解話香港冇得修例，每條例係千錘百鍊係前人累積修番嚟嘅，但明知有人犯法都吾修得，搵你做法律從業員你真係好好做，打開本法律書，書寫乜就跟足晒就放工，明明政府都有權修例，你話吾得，你咪權力更大呀，，仲有你咁熱心落嚟用咁多字講啲什麼無可能嘅說話，仲係冷係識法跟法，好可疑喎

，會吾會無間道呀，一個正常市民吾會有得一個殺人犯通街走，又會將香港修例嘅權力都封殺

私人傳訊

積分: 18439

母親節2025勳章 2025勳章蛇年勳章

144^#

發表於 24-10-22 23:12 |只看該作者

ilovehuman 發表於 24-10-22 23:01
你又錯喇，呢個唔係叫禁錮，係待查待審理，不過我吾明你點解話香港冇得修例，每條例係千錘百鍊係前人累 ...

你睇清楚，我從來都冇寫禁錮呢兩個字，我係寫拘留。

我唔係話香港唔可以修改法例，我係話應該修改邊條法例？修改成點樣？因為現時臺灣省嘅態度係唔合作，亦即係話無了期，點樣修改法例為無了期拘留？間接未審先判為終身監禁？

你要知道所謂明明知道佢犯法，都只限於表面證供，始終未經審訊，亦不能定罪。唔止搵我做法律從業員係噉做，就算你係法官都係噉做，如果唔係就唔會有咁多人可以放生，明知有好多保釋都會逃走離開香港，但法律上都要比佢保釋。

逆思考，如果你做法律從業人員就大件事，你認為某人有罪就唔跟法例，或想盡辦法修改法例要將違法者繩之於法，香港法例將會變成一塌糊塗，今日為A案件修改，聽日為B案件修改，後日又要再改，互相違反立法精神，立法原意。

我哋好多議題都好熱心，舉例但不限於陳同佳事件，你可以睇下我嘅其他回復，你話我係無間道，解釋下點樣無間道法？無間道啲乜嘢？有乜嘢好處？等我又學返啲新嘢

私人傳訊

積分: 23749

145^#

發表於 24-10-23 00:07 |只看該作者

fannychau 發表於 24-10-22 23:12
你睇清楚，我從來都冇寫禁錮呢兩個字，我係寫拘留。

我唔係話香港唔可以修改法例，我係話應該修改邊條法 ...

嘩呢次醒喎，捉番我嘅睇錯字喎，叻叻喎

咁可能我真係怪錯你係無間道啦，因為我冇睇你過去嘅嘢，不過你又睇錯我內容喇

，我意思冇話吾跟法例處理喎，我最奇怪係，台灣省官方都話有殺咗人，你就將佢作為一個假設看待，而就呢單嘢明明就係有個漏洞，但你又吾主張香港呢邊諗計修補，有得日後呢啲情況嘅殺人犯可以通街走，只一味話台灣嗰邊錯就了事，我喺度諗緊咁你其實入嚟只係想講台灣省錯就算？不過我要小心應對你，你有時未瞓醒咁睇錯嘢答錯嘢，有時又醒曬

搞到我一時間吾知點簡單咁樣將我嘅觀點講出嚟，因為你將對方官方個說話當成一個普通嘅假設看待，呢個令到香港乜都做吾到眼白白睇住殺人犯通街走

私人傳訊

積分: 23749

146^#

發表於 24-10-23 00:35 |只看該作者

本帖最後由 ilovehuman 於 24-10-23 00:38 編輯

fannychau 發表於 24-10-22 23:12
你睇清楚，我從來都冇寫禁錮呢兩個字，我係寫拘留。

我唔係話香港唔可以修改法例，我係話應該修改邊條法 ...

但係呢件事上何為證據呢，如果有一日有一百殺人犯都係咁樣返香港呢，以你嘅角度，會吾仲係將台灣省官方嘅說話，只係當成一個普通嘅說話呢，咁到時嗰一百個殺人犯係香港搞事咁點呢，過去應該有類似事件可以借鑒去修改法例，希望各位網友諗到一啲例子係用於防範社會安危而提出修例或去加例嘅事件，另外逃犯引渡條例亦都係呢單案件未經審訊下香港政府要作出一啲行動上嘅行為引領犯案者交去台灣省受審理，呢個行為其實又係唔係叫未審先去判呢，，，，我覺得如果同你打官司好有趣，你有啲先設嘅說話令到件事變成一個冇乜可能改變嘅事，要搵啲陪審團講下啲睇法先

私人傳訊

積分: 18439

母親節2025勳章 2025勳章蛇年勳章

147^#

發表於 24-10-23 00:49 |只看該作者

ilovehuman 發表於 24-10-23 00:07
嘩呢次醒喎，捉番我嘅睇錯字喎，叻叻喎咁可能我真係怪錯你係無間道啦，因為我冇睇你過去嘅嘢，不過 ...

其實呢個算唔算係漏洞？即使係漏洞，都唔係由單一地區可以解決得到，亦無任何法律基礎將疑人長期拘禁。

你口中嘅漏洞香港點樣可以單方面修補嗎？基本法列明香港只可以處理香港特區範圍內的事宜。無了期拘留疑犯直接牴觸人權法。

我明白你嘅出發點，我相信有好多法律專家已經研究過呢個案件，喺無可奈何嘅情況下，先會選擇現時嘅處理方法，邊個想無了期處理陳呢件事。相信現時陳同佳都唔好過，你覺得佢有食有住唔使受罰，我嘗試換位思考，代入佢無了期無未來，出街又驚，日日留喺所謂安全嘅地方，到審判日並不會計算之前等候嘅時間，你會選擇爽快面對審判還是無了期避世比等？

私人傳訊

積分: 23749

148^#

發表於 24-10-23 01:51 |只看該作者

本帖最後由 ilovehuman 於 24-10-23 02:14 編輯

fannychau 發表於 24-10-23 00:49
其實呢個算唔算係漏洞？即使係漏洞，都唔係由單一地區可以解決得到，亦無任何法律基礎將疑人長期拘禁。

其實我想舉一個貼切嘅例子，但我一時間冇案例去睇下，應講得吾好，但係為自已國家某一地官方提出嚟嘅消息有可能產生社會公害而立嘅例，例如國內某地官方話有一班證實係香港人嘅海盜船已經去到香港嘅海域就快去到某一個區域登錄上岸，咁政府應該點對待呢啲信息呢，但呢到只不過係一個官方訊息，冇附加證據，香港係咪當吾可信，就算派人見到，只係當一班出海玩完反嚟嘅普通嘅市民呢。其實我想講，台灣省又好，廣東省又好，官方講出嚟嘅嘢係咪就代表某一層面嘅証據，而香港係咪應該要做番啲嘢呢，另外，香港本身好多法例都冇，但因為發事嘅事而加例或修例先至會累積咁多嘅法例，點解有啲特別情況，吾去搵类同嘅案例去修例或加例呢，例如我宜家用防止公害角度去修或立例去拘禁疑犯待查，咁係咪咁都唔可行呢，係咪前人未發生嘅事，又冇法律基礎，香港就要好死板乜都做吾到呢，其實我同樣覺得陳同佳呢一刻係比一般犯案人難受，但香港總要做啲事防守，修補漏洞係為住後嘅日子做準備。呢單嘢只係空談，本身我都冇嘢做到，我最吾服氣到宜家仍然有個漏洞冇辦法處理

私人傳訊

TATEYAMA

珍珠宮

積分: 35392

149^#

發表於 24-10-23 02:24 |只看該作者

回覆樓主:

佢係黃曱偶像，殺人唔使坐監！

私人傳訊

積分: 23749

150^#

發表於 24-10-23 02:32 |只看該作者

fannychau 發表於 24-10-23 00:49
其實呢個算唔算係漏洞？即使係漏洞，都唔係由單一地區可以解決得到，亦無任何法律基礎將疑人長期拘禁。

不過你都啱嘅，呢個係一個悲劇，遲遲未判對一個犯案人心理上係一個大折磨，但我咁堅持要追究到底，我係擔心有啲人睇呢件事係犯罪嘅機會，加上之前咁多人犯法當冇件事，如果佢地每一個人會反省就好囉，但最危係有啲討論區仲係講到佢地係英雄，咁會影響其他年青人既價值觀，禍害更大，不過呢如果吾提呢單嘢，唯有轉個角度多啲揚善，唉，呢個話題我都係認輸，手掌係肉手背係肉，好難搞

私人傳訊

積分: 23749

151^#

發表於 24-10-23 02:38 |只看該作者

本帖最後由 ilovehuman 於 24-10-23 02:41 編輯

TATEYAMA 發表於 24-10-23 02:24
佢係黃曱偶像，殺人唔使坐監！

我所以咪就攞出嚟提囉，你都知網上有班人推佢做英雄，嗰班人係玩政治，借陳同佳去攻香港，希望陳會識諗反省吓，因為佢地吾好受，我冇嘢再提了，我最想班搞政治亂港嘅人快啲收皮

私人傳訊

特派員

管理員

積分: 61814

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 15週年勳章畀面勳章

152^#

發表於 24-10-23 09:49 |只看該作者

政治及有關爭拗話題或最終演變成相關討論，現已移到時政擂台

私人傳訊

積分: 18439

母親節2025勳章 2025勳章蛇年勳章

153^#

發表於 24-10-23 10:32 |只看該作者

ilovehuman 發表於 24-10-23 02:32
不過你都啱嘅，呢個係一個悲劇，遲遲未判對一個犯案人心理上係一個大折磨，但我咁堅持要追究到底，我係擔 ...

同你傾咗一段時間，感覺你係良好意願，希望你能夠成功，我某程度上都認同你，有機會係其他話題上面再討論，傾偈幾有趣，我會認住你個名。

私人傳訊