自由講場 今日: 9 | 主題: 1336772

積分: 27715

1^#

發表於 24-12-11 14:21 |只看該作者 |倒序瀏覽 |打印

之前睇電視講科大校長團隊研究的認知障礙早期檢測

有人做過嗎？唔知幾錢？
因為有家族史，感覺自己高危

謝謝分享

0 0 0

私人傳訊回覆引用

webjen

珍珠宮

積分: 45302

2^#

發表於 24-12-11 15:52 |只看該作者

回覆 ocarebear 的帖子

我知道中大醫院有影眼底相check 早期腦退化
https://www.cuhkmc.hk/tc/health-programmes/other-programmes/brain-health-programme

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊回覆引用

積分: 12464

3^#

發表於 24-12-11 17:38 |只看該作者

ocarebear 發表於 24-12-11 14:21
之前睇電視講科大校長團隊研究的認知障礙早期檢測

有人做過嗎？唔知幾錢？

中大有眼底相，港怡有抽血，你想驗邊隻先？

我問過港怡六七千左右，醫生費另加，話普通科都得

中大未問，下次去問

私人傳訊回覆引用

MariaTsui

水晶宮

積分: 60018

4^#

發表於 24-12-11 17:48 |只看該作者

今早fb彈出中大有得驗，但唔平，要萬約元，話已經特價。

私人傳訊回覆引用

mercurycc

象牙宮

積分: 242486

2025勳章 2025勳章蛇年勳章

5^#

發表於 24-12-11 17:56 |只看該作者

去政府都有，不過排期都要時間.
上星期唔記得係咪77台有節目，
有節目講，可以做治療減慢退化，可以睇下.

私人傳訊回覆引用

積分: 27715

6^#

發表於 24-12-11 19:59 |只看該作者

金黑街矇發表於 24-12-11 17:38
中大有眼底相，港怡有抽血，你想驗邊隻先？

我問過港怡六七千左右，醫生費另加，話普通科都得

我理解係, 驗血係想搵出個(已確診/極可能已確診)病人，會唔會因為缺乏某D嘢而導致腦退化，而不是用來判斷或預早檢測可能發生嘅風險。

至於中大檢查眼底，係咪可以預早檢測發生嘅可能呢？

私人傳訊回覆引用

積分: 27715

7^#

發表於 24-12-11 20:06 |只看該作者

本帖最後由 ocarebear 於 24-12-11 20:07 編輯

mercurycc 發表於 24-12-11 17:56
去政府都有，不過排期都要時間.
上星期唔記得係咪77台有節目，
有節目講，可以做治療減慢退化，可以睇下. ...

其實政府排嘅, 是否都係自己喺出面已經檢查過都極大可能確診, 再排政府長期睇？
我家長者就係自己已經喺出面評估完，私家做埋腦部mri, 跟住攞住私家醫生封信去排政府老人精神科, 跟住就長期係政府睇, 早期確診時, 政府會安排職業治療師訓練, 記得好似大概半年左右, 之後政府就安排咗去出面ngo再有大概一年左右訓練

我見科大網頁講, 佢哋檢測目的係早五至十年抽出發生病嘅可能性, 同政府係唔同, 所以我諗科大係唔平

私人傳訊回覆引用

積分: 27715

8^#

發表於 24-12-11 20:42 |只看該作者

webjen 發表於 24-12-11 15:52
回覆 ocarebear 的帖子

我知道中大醫院有影眼底相check 早期腦退化

jm 你條link入面中大個檢查係49xx

剛剛喺中大網站搵到另一條link, 入面個檢查要15xxx
https://www.cuhkmc.hk/tc/health-programmes/other-programmes/cognitive-health-assessment-programme

似乎有唔同級數嘅檢查, 同埋詳細真係唔知，同科大概又有咩唔同呢, 太多問號

私人傳訊回覆引用

花生威化餅

大宅

積分: 2459

9^#

發表於 24-12-11 21:09 |只看該作者

我帶家人去過旺角徐展堂嗰度睇，腦退化診斷套餐好似2千幾蚊包腦掃描、認知評估、驗血同埋見醫生，有轉界信去排政府，間野都好企理服務幾好唔使等
間野叫東華三院綜合診斷及醫療中心
平平地可試，攞個安心

私人傳訊回覆引用

webjen

珍珠宮

積分: 45302

10^#

發表於 24-12-11 21:23 |只看該作者

本帖最後由 webjen 於 24-12-11 21:24 編輯

回覆 ocarebear 的帖子

你比較下就知，4千幾係普通驗+眼底，貴係磁力共振同細胞蛋白
其實你要嘅係預測，呢個新科技一定唔平吧

私人傳訊回覆引用

積分: 12464

11^#

發表於 24-12-11 22:19 |只看該作者

本帖最後由金黑街矇於 24-12-11 22:19 編輯

ocarebear 發表於 24-12-11 14:21
之前睇電視講科大校長團隊研究的認知障礙早期檢測

有人做過嗎？唔知幾錢？

我嗰陣打電話去港怡問嘅時候，佢話要醫生評估使唔使做，萬一醫生評估係唔使做嘅，就淨係收幾百蚊醫生費。（普通科）

其實我自己諗，我正正常常生活返工，雖然爸爸係有，但係唔算係家族史，佢哋要求好多個有嘅，咁我估喺外圍篩查嘅時候已經停咗啦，所以我冇再book 。

中大因為我自己喺嗰度睇糖尿，我係諗住因為順便有醫生可以睇，問吓佢可唔可以refer我影眼底，但係唔打算做其他嘅檢測（例如M R I ）

你幾多歲？你開始有症狀未？家族只有幾強？我諗你要評估下呢啲先至去睇，因為上次問佢都建議60歲後先至開始做評估。

私人傳訊回覆引用

積分: 27715

12^#

發表於 24-12-11 22:51 |只看該作者

本帖最後由 ocarebear 於 24-12-11 22:53 編輯

金黑街矇發表於 24-12-11 22:19
我嗰陣打電話去港怡問嘅時候，佢話要醫生評估使唔使做，萬一醫生評估係唔使做嘅，就淨係收幾百蚊醫生費。 ...

爸爸有都唔算係家族氏？

我仲有幾年登六, 都未有症狀,但因媽媽有腦退化，所以想做預測，係做未有症狀嘅預測。因為其實如果已經有症狀已經太遲，只要有症狀，就基本上係等於冇得醫，只有等佢慢慢退化。我唔想步媽媽後塵，佢自己又辛苦又冇尊嚴、生活又冇意義，佢屋企人同樣咁慘。

其實我都諗住會做測試，但要搞清楚中大嗰隻、同科大嗰隻邊隻係啱我嘅目的

私人傳訊回覆引用

積分: 12464

13^#

發表於 24-12-12 18:39 |只看該作者

ocarebear 發表於 24-12-11 22:51
爸爸有都唔算係家族氏？

我仲有幾年登六, 都未有症狀,但因媽媽有腦退化，所以想做預測，係做未有症狀嘅預 ...

咁老退化點樣樣先至算有家族史我唔清楚，但係我講兩個例子俾你聽，一個係我屋企，一個係我老公屋企….

我老公四兄弟姊妹，其中嘅三個仔每一次去照腸，都有惡性嘅嘢切出嚟，但係因為發現得早，所以未去到腸癌嘅情況（譬如我老公每一次可能有兩粒切出嚟，而且係惡的），然後我老爺係腸癌死，老公姑媽去年都腸癌死，….我同我中大嘅醫生講，佢直頭問我老公做唔做基因篩查

跟住我問醫生做基因篩查會唔會有機會醫好，佢話暫時唔會，只係得個知字

咁我話唔做。（即係我代我老公答唔做）

咁到我自己家庭，我婆婆生咗多個女，冇生仔，我媽媽類風濕，我三姨紅斑狼瘡，我八姨紅斑狼瘡，我五姨類風濕，我家姐類風濕。我記得約20年前，大概我結婚嘅前後，當年婆婆仍然在世，瑪麗醫院邀請過我哋全個家族去抽血，佢哋想搵到基因，不過唔好彩最後冇結果，呢啲算係公立醫院嘅家族史，同埋因為當年四代同堂而屋企人數夠多，特別係女較多，所以值得做研究。唔知算唔算好彩呢，我咁大個女人家族，都唔聽見有乳癌。

譬如我自己糖尿病，我爸爸糖尿病，咁我都唔算係有家族史，因為唔夠多，當然醫生會話值得留意啦，但係因為我爸爸嗰面親戚本身少，就好難搵到家族史嘅證據。中風OK嘅，我伯父同姑媽都係中風死，阿爺都係心臟嗰啲問題，所以我都有check住自己嘅中風嘅因素，但係醫生都覺得唔算特別嘅家族史。

再提一次，腦退化嘅家族史嘅要求我唔清楚，我爸爸就喺政府睇緊老人科，但係都冇對我屋企人有什麼嘅處理/忠告，唔知啊，希望遲啲可以有多啲jm答下我哋呢啲資料，因為我都好想知，我都好擔心

私人傳訊回覆引用

積分: 12464

14^#

發表於 24-12-12 18:42 |只看該作者

ocarebear 發表於 24-12-11 22:51
爸爸有都唔算係家族氏？

我仲有幾年登六, 都未有症狀,但因媽媽有腦退化，所以想做預測，係做未有症狀嘅預 ...

其實我好耐以前睇過明珠台一個節目，佢講老退化嘅其中一個當年覺得嘅原因，係因為個腦長期冇得休息（例如唔夠瞓）而腦裏面一啲垃圾蛋白質清除唔到（瞓覺嘅時候會清潔）從而累積而發生腦退化。

所以我見到你給的資料有一個驗什麼蛋白，我眼前一亮，我都好有興趣，不過暫時來說$15,000就稍為貴～

同埋我有聽過如果真係驗到嗰一隻蛋白嘅累積，係有藥食可以幫手清嗰種蛋白，就可以延緩到腦退化嘅過程。但我唔知係咪就係腦退化嘅藥物。

祝你身體健健康康！

私人傳訊回覆引用