少年成長今日: 1|主題: 16011

收藏本版

回覆發帖

返回列表

跳至頁

查看: 20296 | 回覆: 3

值得一看的電影 [複製鏈接]

csir3290

子爵府

積分: 11987

1^#

發表於 25-1-12 11:27 |只看該作者 |倒序瀏覽 |打印

假期期間另外一樣做得最多嘅就係屋企睇戲，其中有套叫做「公開試當真」嘅電影，以紀錄片形式記錄咗一個男仔用四個月時間去預備考dse嘅情況，睇完之後我覺得呢套戲真係好適合家長用少少時間去睇下。除咗了解下香港嘅公開試制度之外，亦都了解下究竟當面對公開時嘅時候，仔女面對緊啲乜嘢壓力，而作為家長又應該點樣去幫助仔女過渡高中嘅時間。部戲其實拍得幾全面，除咗主角面對考試嘅情況同埋壓力之外，亦都用唔同嘅角度，包括有一位已經考過dse然之後佢講返自己之前嘅情況，同埋佢同家長相處嘅情況。所以如果家長有時間真係可以攞呢套戲嚟睇下，而最好嘅仲係同埋仔女一齊睇，但係要記住同仔女睇嘅時候，千祈唔好一路睇一路說教，因為其實套戲入面已經講咗好多道理，而且個主角亦都係啲youtuber，所以對仔女嚟講其實可能已經有共鳴，如果我哋坐喺身邊一齊睇嘅時候，仲一邊說教，其實只會令到佢哋反感，但係我相信不論家長又好，仔女又好，睇完呢套戲之後都有自己嘅一番感受。睇完之後我就更加明白點解當日呢套戲喺戲院上映嘅時候，有咁多學校都包場畀啲同學一齊去睇。但係除咗學生啱睇之外，我覺得作為家長都應該搵啲時間去睇下呢部戲，以我自己嚟講，睇完之後都有好多感受。而且有陣時我哋都會發覺就算我哋做家長嘅，同仔女講幾多都未必及佢哋嘅朋友甚至可能佢哋上網睇一啲youtuber講同樣嘅道理嚟得容易接受。所以透過呢部電影，其實細路仔睇完之後可能仲會容易明白同埋反思自己嘅情況。所以我強烈推薦家長如果有時間不論自己睇又好，同埋仔女一齊睇都好，都應該搵時間嘗試睇下部戲。話唔定當中可能令家長搵到一啲同仔女嘅相處之道。