前面已經有JM俾咗唔少建議你，我仔係SEN系，唔係典型A，佢更似阿氏，但又唔算阿氏，上年我地去咗一次4日3夜旅行，佢好細個時去過一次3日兩夜，當時反而容易搞，有得玩有得食就得。今次佢18歲，好早之前我已經叫佢同妹妹兩個plan行程，一人一日，然後前後兩日我同爸爸包底，兩個小朋友懶懶閒，佢地話唔知點樣搞，最後咩行程都冇，只好隨意玩。
每日仔女任務就係搵食，同手機搜尋想去試嘅餐館（都有一兩間朋友介紹，預咗會去嘅），仔女兩個自行講掂數去邊同想食咩，爸爸負責揸車，我負責睇下budget是否OK，因為係參觀性質，行程其實幾單一，附近有主題公園，不過兩兄妹唔太有興趣，反而睇中酒店個戶外泳池同gym room，每日參觀完景點後寧願返酒店游水做gym，佢地自己安排自己玩，我同老公瞓晏覺睇電視。
可能係隨心玩，我個仔全程好開心，係樣樣都慢吞吞，有D嘢佢又好堅持好執著要每日都做，不過既然唔趕急，我地就由得佢。
個人建議係要仔女有參與，事前講清楚規矩，例如聽日要幾點起身，會去做咩，我仔係好有規律，但又永遠習慣拖延，可能已經好多年，知道佢脾性，有晒心理準備，佢表現比預期中好嘅時候令我地有意外驚喜。
旅行係開心，係發現新嘢，放低要求，享受當中愉快、唔愉快嘅時刻，將來會成為一家人嘅回憶，希望你地旅途愉快。
花旗太太生活在花旗國，留意時差，你問我未必即時答到。
發表於 
返回列表
