少年成長

跳至

首頁
1

尾頁
   0


子爵府

積分: 11956


1#
發表於 25-4-6 11:57 |只看該作者
呢兩個禮拜人人都講緊一套神劇「混沌少年時」,本來都冇乜留意。因為串流平台睇劇,我老婆通常都係睇推理同埋偵探劇。所以呢套劇初初上嘅時候其實都冇諗住睇,點知呢兩個禮拜不停有人講,所以都撳入去望一望,發現套劇得四集,每集一個鐘頭唔夠,咁短好容易追,所以就決定開始。上個禮拜一連四晚就坐咗喺度睇曬呢套劇。


人人都講呢套劇點樣神,點樣一鏡到底嘅拍攝,但係我覺得其實套劇最重要嘅係帶出一個信息畀父母,究竟我哋應該點樣去了解而家呢一代嘅年青人。套劇冇乜嘢扭嚟扭去嘅劇情,其實係幾平鋪直敘,一開始其實你已經知道故事嘅結局係點,因為個兇手第一集就已經知道。但係吸引嘅地方係劇情,尤其是我哋做家長嘅睇,其實可以話係越睇越心寒。


原來我哋每一日都送仔女返學校,我哋以為佢哋喺學校會好開心咁學習,或者好似我哋以前嘅校園生活咁,就算未必好有樂趣,但係起碼都有班朋友陪住。我哋以為學校係一處好安全嘅地方,點知喺套劇入面我哋會見到而家新一代原來喺學校入面要面對嘅困難同埋欺凌。其實睇完真係有啲心寒。另外一樣就係我哋以為好了解我哋嘅仔女,但係原來而家呢一代嘅年青人,喺網上面嘅社交媒體可能同我哋嘅了解可以好唔一樣。我哋以為好知道嘅嘢,原來喺年青嘅一輩眼中我哋先至係最無知。套劇入面仲有好多其他嘢係令值得父母去深思同埋反省,例如原來我哋做家長以為對細路仔好嘅嘢,好似套劇入面有講從細到大都係好愛護對仔女,冇打過亦都冇鬧過,我哋以為做得好啱,但係原來並唔係好似我哋想像中咁。因為佢哋冇接受過挫折,根本就唔知道點樣去面對挫折。好多時做父母都係去到發生事之後先至會反省自己對待仔女嘅方法有冇問題,甚或至乎有啲父母從來都唔會反省。但係套劇其實亦都畀咗一個機會大家去反省同仔女嘅相處方法。


另外套劇亦都探討一個問題,就係而家嘅年青一代佢哋點樣喺網上面去尋找認同,十幾歲嘅細路仔原來好需要其他人認同,好希望其他人鍾意,所以佢哋好在意喺社交平台嘅「like」,呢點可能對我哋呢一代嘅成年人嚟講有一啲匪夷所思,但係原來喺社交平台上面嘅「like」就係佢哋覺得被認同覺得被人鍾意嘅一個指標,但係我哋做父母或者學校又有冇教過細路仔點樣去面對呢!好似個男主角,個細路仔同個心理學家傾完一大輪到最後都係問個心理學家鍾唔鍾意佢,所以作為父母有冇教細路仔或者幫佢哋建立身份認同呢?最起碼有冇令到個細路仔覺得其實佢哋係有人鍾意嘅,最少身邊嘅父母係非常之鍾意佢哋欣賞佢哋,令到佢哋唔需要只係單單靠社交媒體去搵到認同。


套劇仲有好多嘢可以講,作為父母,我真係覺得有需要睇下呢套劇,然之後再諗一諗自己同仔女相處嘅模式,講真四集夾埋都係三個零鐘頭,但係呢三個幾鐘頭入面帶畀父母可以反思可以諗嘅嘢實在太多,所以絕對值得用時間去睇一睇呢套劇。


大宅

積分: 3004

好媽媽勳章


2#
發表於 25-5-27 23:07 |只看該作者
csir3290 發表於 25-4-6 11:57
呢兩個禮拜人人都講緊一套神劇「混沌少年時」,本來都冇乜留意。因為串流平台睇劇,我老婆通常都係睇推理同 ...

謝謝分享


大宅

積分: 4219


3#
發表於 25-6-4 13:08 |只看該作者
csir3290 發表於 25-4-6 11:57
呢兩個禮拜人人都講緊一套神劇「混沌少年時」,本來都冇乜留意。因為串流平台睇劇,我老婆通常都係睇推理同 ...

謝楼住分享


大宅

積分: 4219


4#
發表於 25-6-4 13:09 |只看該作者
csir3290 發表於 25-4-6 11:57
呢兩個禮拜人人都講緊一套神劇「混沌少年時」,本來都冇乜留意。因為串流平台睇劇,我老婆通常都係睇推理同 ...

請問邊度睇


複式洋房

積分: 118


5#
發表於 25-6-10 11:27 |只看該作者
拍得幾好


複式洋房

積分: 112


6#
發表於 前天 16:10 |只看該作者
多謝分享
我哋覺得小朋友無知,其實佢哋都有同樣感覺,所以理解同溝通好重要,如果唔係後果可以不堪設想


複式洋房

積分: 112


7#
發表於 前天 16:14 |只看該作者
DATE456 發表於 25-6-4 13:09
請問邊度睇


netflix


大宅

積分: 4219


8#
發表於 前天 16:16 |只看該作者
yueng666 發表於 25-6-30 16:14
netflix

thx

首頁
1

尾頁

跳至
你需要登錄後才可以回帖 登入 | 註冊