想生BB 今日: 10|主題: 109487

收藏本版

回覆發帖

返回列表

跳至頁

查看: 5657 | 回覆: 6

第二胎半年內流產兩次 [複製鏈接]

preciouslife

民房

積分: 17

1^#

發表於 25-4-21 01:24 |只看該作者 |倒序瀏覽 |打印

第一次流產係發生係上年11月，第一次去照個時有見到閃閃，但聽唔到心跳，子宮有少少積血，開左啲黃體酮比我食，個時我無諗太多，醫生都無講啲咩，淨係叫我過多兩星期再黎，但未到第2次產檢，有一日朝早我突然流左啲淺粉紅色既血，我即刻去醫院睇醫生，點知一照就話個胎既size唔符合週數，停止左生長，照埋陰超已經好肯定話我係流產了，醫生同我講流產係好普遍，通常咁初期都係個胎本身有啲問題，加上你第一胎係自然懷孕，你唔會生唔到，唔關你身體事，結果第二日已經好似黎m咁流哂出黎，之後覆診醫生都話已經乾淨了唔洗做手術。
過左3個月之後，我見已經黎返兩次m, 而且都準時，加上聽人講小產完好快會有返，抱住上次只係唔好彩既心態我又再嘗試。第一次產檢個時，只見到個囊，囊入面有一粒小白點，而囊既兩邊都有積血，而且面積都幾大，已經6週了仍然聽唔到心跳，我好擔心咁問醫生，我想問我依家個胎既size係咪正確嫁？醫生問我月經週期一般幾長，我話33，咁佢話減返5天依家個size都可接受範圍，又開黃體酮比我食，叫我休息多啲，過多一星期再黎，係呢段期間我發現原本脹痛既胸部突然軟返哂，懷孕反應消失了，結果第2次產檢個時，個囊有變大到，但依然咩都睇唔到，之後佢叫我有心理準備又再次流產，我即刻問醫生我係咪應該去做啲咩檢查？佢話通常兩次流產都唔會建議話要去做啲咩檢查，又講返我第一胎生到照計無咩問題，我覺得好奇怪，亦唔明白點解會咁。

有無媽媽有好似我咁既情況，生完第一胎之後一路唔成功？有無話做啲咩檢查之後發現到問題？本人依家已經有一個1歲半既仔仔，一直希望生多個小朋友，但已經對自己身體無哂信心，覺得就算再次懷孕結果都係一樣，好想再試但好驚，希望各位媽媽可以分享下。