吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 我嘅飲食好似好糟糕？

懷孕前後今日: 16|主題: 330351

收藏本版

回覆發帖

返回列表

跳至頁

查看: 9948 | 回覆: 7

我嘅飲食好似好糟糕？ [複製鏈接]

wingyee1230

男爵府

積分: 5531

1^#

發表於 25-5-31 10:38 |只看該作者 |倒序瀏覽 |打印

ivf成功岩岩有左5 weeks左右，想改善下飲食，覺得之前食得唔多夠營養，依家都未開始食孕婦supplement，請推薦下。
冇娘家返，99家唔想上去食(你懂的)，所以都係靠自己煮或外賣

星期五happy friday唔煮，多數麥當勞，連鎖快餐店3餸(自己煲飯整菜)，3餸食淨就我自己下星期一至五lunch叮返黎食+菜

星期六早餐少少麥皮(因為要食ivf藥)，lunch通粉+一粒大魚蛋，一粒墨魚(都同c6 share一半)菜，下午一個蘋果，晚餐三文魚扒(同c6 share一半)菜，即飲湯包

星期日早，午，下午生果都一樣，晚餐會煲一大煲湯飲幾晚，可能三色椒/翠玉瓜炒雞柳/肉片，加碟菜

星期一至五大致一樣，早餐麥皮，lunch係上星期五3餸飯，如果食麥當勞就星期日個餸整多啲，以便解決星期一至五lunch，下午生果，晚餐可能罐頭沙甸魚(share一人有2~3條)，或都係三色椒/翠玉瓜炒肉，一碟菜，真係諗唔到煮乜就外賣(都係快餐店或唐記飯)，再配星期日煲嘅湯

自己打完都覺得唔太夠咁，請問可以點改善？因為依家係初期，醫生建議食白肉，我本身唔鍾意食魚(細個成日啃魚骨怕左)，依家一星期食到2餐已經好大改善，本身對奶及雞蛋過敏，可能都飲唔到媽媽奶粉？
屋企廚房好細又電磁爐，加上冇大鑊，如果想蒸野都要限份量用電飯煲，請各位指教下可以煮咩或外賣食乜好，謝謝

0 0 0

私人傳訊回覆引用

jokebearmom

洋房

積分: 50

2^#

發表於 25-6-2 10:55 |只看該作者

老實講可以食到原型食物就最理想。

但如果唔方便煮飯，我都建議你每日Lunch出去買新鮮、低油鹽少加工既食物。你帶lunch食隔Ｎ日既餸, 一黎唔新鮮, 二黎又唔衛生....麥當勞更加要戒啦，普通人都唔應該常食，更何況大肚。你個menu感覺變化太少，可能攝取唔夠各方面營養，香港好多人都窩居廚房好細, 但肯做點都會煮到, 你可以上youtube睇下片學整簡單菜色。

希望幫到你

私人傳訊回覆引用

awless

男爵府

積分: 6253

3^#

發表於 25-6-2 22:53 |只看該作者

懷孕早期冇咩胃口. C6 整牛腩羅宋湯. 一碗酸酸地有肉有菜,
你可以買個智能高速煲整. 唔阻地方, 低污染.
有左智能煲你就可以整湯, 炆煮食物, 炆雞炆牛炆豬軟骨.
泡菜我都有食, 食完大便好暢通, 但我只食細樽. 因為唔想入雪櫃
外賣我會選擇譚仔過期米線(咩都有果碗), 佢算係比較少加工野 + 可以食辣
M 記我都會食, 我覺得冇所謂, 不過BB 出世後, 超塞奶, 就冇再食

但三餸飯我真係no. no. no, 油 + 味精 + 彊屍肉

私人傳訊回覆引用

wingyee1230

男爵府

積分: 5531

4^#

發表於 25-6-3 19:03 |只看該作者

jokebearmom 發表於 25-6-2 10:55
老實講可以食到原型食物就最理想。

但如果唔方便煮飯，我都建議你每日Lunch出去買新鮮、低油鹽少加工既食 ...

多謝你嘅建議呀，第一胎乜都唔識睇黎要花多啲時間去研究下啦，之前爬文見啲準媽媽有左已經開始籌備讀咩幼稚園小學中學，學啲咩興趣班會加分，我連飲食都未研究得掂，懷孕證明都未拎，真係要追落後啦
每日去街市確實有困難，最多一星期買定新鮮肉類再冰住佢，希望都叫半新鮮啦，請教下依家應該要少食多餐？咁3餐個量要減幾多？只可以食6成飽嗎？個其他非正餐都係食下生果，小食等都頂唔到肚餓，我成日打鼓之後又食好飽跟住又辛苦頂住

私人傳訊回覆引用

wingyee1230

男爵府

積分: 5531

5^#

發表於 25-6-3 23:44 |只看該作者

awless 發表於 25-6-2 22:53
懷孕早期冇咩胃口. C6 整牛腩羅宋湯. 一碗酸酸地有肉有菜,
你可以買個智能高速煲整. 唔阻地方, 低污染.
...

你c6好勁呀牛腩羅宋湯都識，呢個菜都好多款但又每款用得少少，牛我呢邊街市得1檔，買過牛肉又un又鞋，牛腩都唔敢呢到買，去遠啲又冇時間又要逐檔試，如果想飲我估我都係金寶咋😭
唔係唔食得辣架咩？泡菜辣辣地同醃製過唔知得唔得，如果食譚仔都應該只揀清湯，不過以前食辣時成日心思思想食，應該味精唔少
咁麥當勞我都減少啲啦會，三餸飯真係唔知會用疆屍肉呀😨我多數去大x活買，佢地標榜點都唔落味精唯有信住，但油就都一定，其實都冇乜選擇多數都係咕嚕肉，粟米魚塊，切雞等，睇黎我真係要再諗下食乜好呀😢

私人傳訊回覆引用

awless

男爵府

積分: 6253

6^#

發表於 25-6-4 15:01 |只看該作者

wingyee1230 發表於 25-6-3 23:44
你c6好勁呀牛腩羅宋湯都識，呢個菜都好多款但又每款用得少少，牛我呢邊街市得1檔，買過牛肉又un又鞋，牛腩 ...

如果有錢大媽, 買菜方便呀, 可以買好少.
辣可以食啦, 開始喂人奶就唔好食了.
泡菜都市傳說話係"生冷野" 不過我唔信呢套, 而且我開封即食, 所以係衛生

仲有, 韓國泡菜係發酵類泡菜, 其實唔會好多鹽, 而且有大量乳酸菌, 對便秘孕婦係超好食材

私人傳訊回覆引用

wingyee1230

男爵府

積分: 5531

7^#

發表於 25-6-4 22:56 |只看該作者

awless 發表於 25-6-4 15:01
如果有錢大媽, 買菜方便呀, 可以買好少.
辣可以食啦, 開始喂人奶就唔好食了.
泡菜都市傳說話係"生冷野 ...

我屋企附近冇，所以去街市最少都買半斤，鍾意飲但都攪唔掂
之後唔記得邊到見到話辣會縮宮，不過你話食得，回想當年我家姐有左都食辣米線，當然唔係好辣，小辣過下口癮，不過佢嗰時第二胎可能放鬆左心情啲，我諗我要穩定啲先敢食
未bingo前aeon買左包泡菜諗住炒肉，點知bingo左一直雪住喺雪櫃，希望佢過期前可以食到佢啦，可能我仲係好初期未有便秘問題，反而次數多左，上星期係每食完一餐就想去，所以一日去三次，之後變2次，最近先變返1次
請教下依家開始成日有胃氣？打飽eight？唔太想食野，係咪要開始少食多餐啦？正餐之間除左生果仲可以食乜呀？