吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 深圳怡康婦產醫院係黑店！！！

懷孕前後今日: 9|主題: 330313

收藏本版

回覆發帖

返回列表

跳至頁

查看: 5225 | 回覆: 8

深圳怡康婦產醫院係黑店！！！ [複製鏈接]

燉檸檬

洋房

積分: 65

1^#

發表於 7 天前 |只看該作者 |倒序瀏覽 |打印

話說六月中我發現自己有左考慮左好多之後決定唔要於是上網搵深圳邊度可以做人流成個page差吾多都係同一間醫院嘅廣告於是加左客服wechat 講到好地地吾會有隱形收費有幾個套餐價由於我早期懷孕預計六週套餐任揀最平800起再加術前檢查600幾點知去到加左幾個檢查幾百蚊都算我果日有少少感冒冇發燒佢就開始講到我好嚴重話要打d消炎針睇下點先又話我宮頸狀況唔好心臟跳得唔規律要用最短時間麻醉又要做最好嘅無痛人流技術即刻拎出萬五蚊同八千蚊嘅plan出黎我話我唔做最平咁做1800果個咯又話我咁嘅情況唔俾我做我話萬五同八千冇可能最後無可奈何我揀左個之前客服send俾我睇最貴果個套餐都要四千幾佢先話ok 可以做冇咁傷子宮其實乜技術入到去麻醉左邊個知跟住又開左d藥水同藥俾我三袋藥水竟然要千六蚊加加埋埋前後俾左超過七千蚊佢驗我有冇性病結果係陰性冇事嘅又唔解釋就係病例上寫衣原體淋球菌嚇到我以為自己有事冇啦啦又開左醫哩方面嘅藥俾我我仲糊裡糊塗食曬全部抗生素我做完手術後幾日有d肚痛我唸左好耐唔想再返去俾佢劏於是去左其他深圳嘅公立醫院check 話我冇乜大礙我仲以為自己感染有盆腔炎可能係子宮收縮痛原來公立醫院係可以做無痛人流就算係意外懷孕大家一定唔好去哩間係紅桂路嘅深圳怡康婦產醫院經過今次身心都好難過覺得自己俾人呃左我係大眾點評都簡單評論左哩件事希望大家唔好上當亦希望大家保護好自己做好避孕措施

0 0 0

私人傳訊回覆引用

alleyleung

別墅

積分: 600

2^#

發表於 7 天前 |只看該作者

燉檸檬發表於 25-6-24 00:29
話說六月中我發現自己有左考慮左好多之後決定唔要於是上網搵深圳邊度可以做人流成個page差吾多都係同一 ...

點解要返大陸做？

私人傳訊回覆引用

燉檸檬

洋房

積分: 65

3^#

發表於 7 天前 |只看該作者

回覆 alleyleung 的帖子

香港要三萬蚊

私人傳訊回覆引用

Bri_che

別墅

積分: 531

4^#

發表於 7 天前 |只看該作者

回覆樓主：

本帖最後由 Bri_che 於 25-6-24 18:35 編輯

我去過，經大眾點評有特價，就係驗血照超聲波嗰啲，價錢冇另外收貴，係一間小型診所，又唔可以話係黑店，佢係會Sell你，你拒絕佢都唔會逼你，另外醫生加咗我wechat 報告出咗之後就發給我，我覺得幾方便，而且之後可以直接跟醫生聯絡，內地醫生唔錯，唔似香港太過正式你唔會有醫生嘅私人聯絡方法。而且呢一間醫院係專做墮胎，如果你係正規產檢，我建議你去返三甲醫院，價錢差唔多

私人傳訊回覆引用

糖妹KC

別墅

積分: 543

5^#

發表於 7 天前 |只看該作者

燉檸檬發表於 25-6-24 14:20
回覆 alleyleung 的帖子

香港要三萬蚊

香港仁安只需要萬8

私人傳訊回覆引用

燉檸檬

洋房

積分: 65

6^#

發表於 6 天前 |只看該作者

Bri_che 發表於 25-6-24 18:34
我去過，經大眾點評有特價，就係驗血照超聲波嗰啲，價錢冇另外收貴，係一間小型診所，又唔可以話係黑店，佢 ...

我去果間唔係診所係醫院都大間嘅去到不停做檢查加錢佢sell我我揀中間價佢都唔肯幫我做我前面已經俾左好多錢做左好多檢查完全係肉捶砧板上被迫先揀四千幾嘅套餐佢客服就講到好好聽咁去到隱形收費好多我出帖原意係提醒各位唔好去哩間醫院網上負評都好多原來內地正規公立醫院都可以做意外懷孕手術價錢大概都係兩千幾係我無知俾佢呃左。佢地仲氹我返去做檢查。