吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 獨遊去中國旅行嘅感覺原來不太好受

自由講場今日: 3021|主題: 1341455

收藏本版

回覆發帖

返回列表

跳至頁

樓主: 147741

1 2 34

積分: 16762

61^#

發表於前天 19:29 |只看該作者

我未試過獨遊，但係試過一個人坐飛機去日本約朋友一齊玩(朋友來自幾個唔同國家)，約咗響日本機場見面，但係來回程都係一個人，我就覺得有孤獨感，因為我本身鍾意熱鬧，鍾意一大班人，我覺得獨遊沿途遇到啲搞笑嘢得意嘢都同唔到人分享，同唔到人傾，覺得會有啲失落，所以我就知道自己唔係一個適合獨遊嘅人

私人傳訊回覆引用

orezo

子爵府

積分: 10952

62^#

發表於前天 19:34 |只看該作者

147741 發表於 25-7-8 10:16
本身一人都有啲尷
佢走嚟睇我影緊什麼我更尷尬

大陸都尴？佢地包容度好高，我自己去食野，無咩人時店經理走來跟我傾偈

私人傳訊回覆引用

orezo

子爵府

積分: 10952

63^#

發表於前天 19:41 |只看該作者

147741 發表於 25-7-8 14:29
其實真係我自己介意

但去到日本

人地問我做咩自己一個，都係隨便打開話匣子，無聯想咁多就得，問我悶唔悶，就講其他，我覺得幾好，大家萍水相逢，有緣說2句

私人傳訊回覆引用

angiehouse

水晶宮

積分: 50418

64^#

發表於前天 20:32 |只看該作者

本帖最後由 angiehouse 於 25-7-8 20:33 編輯

147741 發表於 25-7-8 09:59
第一次獨自返大陸旅行，原來感覺不太好受
孤獨感重
我這次是去杭州，是一個先進，可以地鐵加滴滴自遊行的地 ...

我近來去惠州西湖見過分別2個小姐姐自己去旅遊，一個着漢服叫途人幫佢影，一個就自己去地道大排檔，見佢地都好自在沒人說三道四，我估無人咁得閒理人系未獨遊，我系深圳見得多一個人食飯啦，咩餐廳都有，前面棟個電話一路睇，自得其樂

私人傳訊回覆引用

CathyLss

男爵府

積分: 5687

65^#

發表於前天 20:59 |只看該作者

147741 發表於 25-7-8 10:18
我自己一個返大陸 1天，我感覺ok
可以今次去了1星期

會唔會唔係孤獨感，而係唔習慣被人注意既尷尬？而其他地方有其他獨遊人士，俾你感覺無人會因為咁特別留意你。你話今次自己一枱、之前(?)日本同其他獨遊既人一枱，但你其他形容又唔似太想同團友交流，感覺似在意人地睇法多D？

的確係有D人會唔理解獨遊者，甚至係BK都見過有人話單人跟團自己坐一枱既人“淒涼”，其實只要你唔介意其他人點睇就得。我自己唔會特別留意有無其他獨遊既人，亦唔會覺得唔自在。相反如果我跟團被安排同其他人一枱，我會更加介意，唔想食餐飯都要應酬。不過我獨遊鍾意真正自己一個人，極少參加day tour的，只試過2-3次。

私人傳訊回覆引用

CathyLss

男爵府

積分: 5687

66^#

發表於前天 21:10 |只看該作者

147741 發表於 25-7-8 14:29
其實真係我自己介意

但去到日本

感覺你諗太多了，其實只係閒聊，被問到點解自己一個，想傾計咪直接講原因，不外乎鍾意自己一個、朋友就唔到時間之類，唔想傾計咪求其hea過。外人問我我會好老實咁講我唔太鍾意同其他人一齊旅行。

反而應對想跟住我去旅行既親友，可能要諗下點講。朋友想跟我去，我係求其hea過呢個話題，亦試過搵個理由俾佢知道呢個trip唔啱佢。親戚我試過係直接拒絕、話想自己一個。

私人傳訊回覆引用

平平常常

珍珠宮

積分: 45042

67^#

發表於前天 21:32 |只看該作者

redhot 發表於 25-7-8 12:38
明明係獨遊，又希望有幾個獨遊人一齊，咪即是想人陪。會唔會其實你唔真正享受同接受獨處呀？
...

佢根本就無能力獨處而泰然自若，適應能力低，有d敏感又好介意人地睇法，之前去日本靠「癡」其他單身同類遊客去除孤獨感，佢今次失落係因為之前的模式不可以複製。

如果佢係想揾單身夥伴，應該target青年旅舍之類的地方，但係如果有代溝可能都唔容易。

適合獨遊的人本身會比較健談，唔會淨係獨沽一味揾單身人士，隨緣遇到的都可以聊天，咁就容易遇到合拍的人一齊玩。

我有次係浙江天台山民宿食早餐時，同其他幾位住客閒聊知道佢地要去山上有個冷門寺廟，我又想跟佢地一齊去，問過佢地無問題，於是食左早餐就出發。原本約左旅伴去另一家好容易去的寺廟，我send message通知佢地我臨時改變主意（旅伴無咁早起身食早餐），佢地按照原定計劃去玩。

私人傳訊回覆引用

平平常常

珍珠宮

積分: 45042

68^#

發表於前天 21:37 |只看該作者

angiehouse 發表於 25-7-8 20:32
我近來去惠州西湖見過分別2個小姐姐自己去旅遊，一個着漢服叫途人幫佢影，一個就自己去地道大排檔，見佢地 ...

其實都有唔少人一個去旅遊。
我係內地景點試過好多次幫人影相。

題外話，內地人幇其他遊客影相幾好心機，有時仲會好心教人擺唔同post，盡力幫人影多幾張相。

私人傳訊回覆引用

白毛毛

珍珠宮

積分: 48896

69^#

發表於前天 22:00 |只看該作者

本帖最後由白毛毛於 25-7-8 22:01 編輯

平平常常發表於 25-7-8 21:32
佢根本就無能力獨處而泰然自若，適應能力低，有d敏感又好介意人地睇法，之前去日本靠「癡」其他單身同類遊 ...

你講適合獨遊的人本身比較健談。有同感。

就最近係國內公幹完順便玩咗一排。
一個人去食飯，隔離枱湊住孫仔的嫲嫲就同我搭訕，話我知間餐廳乜好食。知我係香港嚟，問我香港嘅嘢，佢又講下佢哋嘅嘢。就係咁全程飯本來一個人變成有傾有講有人陪食飯。佢仲想請我去佢家做客，煮家鄉菜我食，咁當然我無去啦。
又試過係coffee shop同個女仔好好傾，之後同遊咗半日。
其實我發覺好多時一個人時，都會同唔識的人亙相搭吓訕，可能係超市店員，餐廳裏搭枱的人、隔離枱的人，的士司機，同佢哋傾計長知識又有新鮮感，開心嘅，

私人傳訊回覆引用

hker

侯爵府

積分: 23286

70^#

發表於前天 22:09 |只看該作者

我常常獨遊內地（有時跟不同local tours ）

內地人/團友，不太理會獨遊/跟人遊的。自己set 好腳架拍片拍照，大把！餐廳也不太理會獨行/群遊的人。當然啦，無啦啦要去吃大盤菜式，是十分奇怪吧？

在內地，就算單人穿古裝/民族服裝四圍行/拍照，也沒人理（有旅拍的景點）。群遊/獨行，也有旅拍人召生意。

我最愛在西藏/川西穿藏服四圍行。

私人傳訊回覆引用

syne403

侯爵府

積分: 22301

2025勳章 2025勳章蛇年勳章

71^#

發表於前天 22:15 |只看該作者

回覆樓主:

會唔會大陸嘅人較熱情搭訕，讓樓主唔自在？睇開電視一個人鐵道行，主持一到大陸大城市，當地人都很熱情好客，有問必答

私人傳訊回覆引用

mandychan1611

男爵府

積分: 5531

72^#

發表於前天 22:24 |只看該作者

回覆樓主:

獨遊本身不好受

私人傳訊回覆引用

Wishsss

侯爵府

積分: 24744

睛靈勳章

73^#

發表於前天 22:25 |只看該作者

回覆樓主:

你咁怕孤單又怕別人眼光，不如揾個伴先去。

私人傳訊回覆引用

gruntel

男爵府

積分: 8160

2025勳章 2025勳章蛇年勳章

74^#

發表於前天 22:55 |只看該作者

其實中國應該是最適合一人旅行的國家，
咩都可以用APP，
支付，美食，景點call車，
全部應有儘有，
連去餐廳都唔使同人講野自己掃碼，
真是溝通都慳返，社恐都冇有怕。
樓主覺得唔好受是太在意他人的視線甚至評價（雖然唔明點解咁在意），
但如果是一個咁敏感的人其實去邊旅行都是一樣。

私人傳訊回覆引用

CathyLss

男爵府

積分: 5687

75^#

發表於前天 23:01 |只看該作者

平平常常發表於 25-7-8 21:32
佢根本就無能力獨處而泰然自若，適應能力低，有d敏感又好介意人地睇法，之前去日本靠「癡」其他單身同類遊 ...

你話“適合獨遊的人本身會比較健談”，其實唔一定的。我唔健談、唔主動、喜靜怕社交，我自覺我好適合獨遊。相信全程唔同人講野我都可以好自在，不過好似未試過咁，旅程中總有人主動同我閒聊，短暫交流我又唔介意既，一齊玩就免了。

喜熱鬧既獨遊人士，就可能真係健談主動會比較好。唔適合獨遊既，係唔健談唔主動但又怕孤獨既人，想加入人地但自己唔主動、人地又唔邀請，可能會有失落/孤獨感。