本帖最後由 my005 於 25-8-15 16:42 編輯
SandyKL 發表於 25-8-15 14:46 
咁或者係我好彩,識一個嫁咗香港人,拎住單程證的女士,佢老公係香港住私樓,我同佢講不妨係內地買層樓兩 ...
我初頭就係以為理應係咁架嘛﹗
咁當佢地問我時,我咪好似條條例咁直說囉﹗
點知原來佢地係有群組既,知原來唔使跟條例,唔使住滿幾多,只要夠7年,就可以攞永居﹗N咁多人已攞到左﹗
為左呢單野,加上我曾力勸佢地內地有樓有地,唔應申請公屋既,老公嗰面有啲相關既內地親戚,話我手指向出呀,黑左我幾年面﹗
有個係來港幾年時,因聽我勸,响佢內地有幾層商品樓,唔會合資格申請到公屋既,佢地當時已講, 佢啲落香港朋友個個申請到,點解我會咁講,質疑我架喇﹗
其後佢老公因佢又申請到落香港,當住我面打電話去房署度, 開住電話喇叭,問個職員,內地有樓可唔可以申請公屋,個職員回應係只計香港﹗
即係佢係借打電話問房署黎打我面﹗話我好教錯﹗(呢啲經歷,早年我都响BK呢個平台分享過出黎既﹗)
好喇,而家政府至後知後覺,話全世界物業都計喇,而家至知問題既嚴重性咋
這個世界上所有的愛都是以聚合為最終目的,只有一種愛以分離為目的,那就是父母對孩子的愛。 父母真正成功的愛,就是讓孩子盡早成為一個獨立的分個體﹗