論盡家傭今日: 3|主題: 134063

收藏本版

回覆發帖

返回列表

跳至頁

查看: 547 | 回覆: 2

買維他命比工人 [複製鏈接]

Rabbit_cat

大宅

積分: 1033

1^#

發表於 4 天前 |只看該作者 |倒序瀏覽 |打印

工人姐姐來了就快7年，做得算好，但身體麻麻，同間中要借錢比佢（佢阿媽病）。姐姐同大部份菲律賓姐姐一樣，鍾意食甜嘢炸嘢，咖啡奶茶之類。

除左每個月有幾日唔舒服之外，仲間中會頭暈。我問過幾次她有無食雜錦維他命，她說沒有，我說年紀開始大，要食下，由其是身體麻麻。我見她始終都不肯自己買，唯有間中比一些我自己食開的給她。

前天，又暈了大半天，做唔到嘢，但血壓又正常。我說飲太多咖啡奶茶可能會缺鐵，可能貧血引致暈，可能要睇醫生，她說今天又無咁暈了，奶茶咖啡飲少d啦。之後，我忍唔住，又比了我食緊那樽維他命給她，她好開心說多謝。

其實她常常放假就去買衫買袋，我又唔覺她真是窮到維他命都買唔起，我住的地方附近有幾間藥房，d 維他命都唔算貴。但現在她，就好像想我長期供應埋比她咁。

唉，條氣其實唔喺好順，但佢健康唔好我都慘。我唯有用買佢奶茶咖啡的錢去買維他命，但她十分愛的阿華田都仍然要買比佢早餐飲。

其實唔喺好多錢，都只是大約$200一個月，只是有些唔順氣她旨意我買，在此呻下。