Baby Kingdom - 親子王國 香港 討論區 › 首頁 › 單親天地› 分居 不離婚

單親天地

收藏本版
發帖
返回列表
跳至頁
分居 不離婚 [複製鏈接]

首頁
1

尾頁
   0
soniyaB~＊


洋房

積分: 183


1#
發表於 09-7-9 02:09 |只看該作者
我想問 我自己本人 好想同隻佬分居(即係意思係分開住 俾個空間大家諗清楚係咪需要同珍惜對方) 而佢又唔願意離婚 手續可以點做
我有一個女 差唔多4歲 佢講過個女跟我
同佢分居原因係佢做唔到屋企果個責任 唔俾錢交學費 一問佢拎錢佢就會鬧到我痴肺 問佢拎錢買餸都一樣 總知講錢就唔得 可能佢自己都還緊債 成份糧8000蚊 全部冇晒 <~~佢講係冇晒 實際我唔知

最近呢幾個月就根本冇點俾過錢我同個女
學費仍然俾老師追到甩肺 雜費都係未交 (不知幾唔好意思 個個月人地最後10號 我就推到廿幾號)
我只靠我爸媽每星期俾100蚊我頂住
點知俾自己大家姐知道亞媽佢地咁幫我
d家姐就命令亞媽佢地唔可以再俾錢我 即係叫我食c咁過活
我真係頂唔順而家既生活 就連亞女返學都成問題 我只好帶個女走
所以我剩係想只分居 唔離婚 俾大家一段時間諗清楚(幾年或以上 我有同佢傾過只少分開兩年)
雖然心裡仲俾一次又一次既機會佢 但自問真係想暫時離開 又唔可以返亞媽度 幾個家姐都下左命令一般 唔可以接濟我 叫我自己去搵辦法有錢去搬開
請問我又冇地方住 又想分居 雖然我知有個條例咁既野 可以同一間屋分居 但我知佢實會想搞我 同埋屋企 屋小人多 根本冇位可以訓去第2度 我老爺突然再婚再生埋個bb 一 家4口(有個小學2年班既哎呀女) 落晒黎 佢地都係訓廳
我知條例講明唔可以為佢煮飯 唔可以洗衫 唔可以有性行為 唔可以同床 但問題係 屋企冇位 我可以點做到呢幾樣野 ..... 煮飯 洗衫 我當然做到
但一同床就會有可能有性行為
最主要一樣野 我好坦白 我有打算去拎綜援 過自己同個女既生活 亦即係我同個女離開左 咁可以一石二鳥地俾個時間大家諗清楚係咪仲想一齊 而家根本日日對住 佢冇啦啦又突然發癲鬧我 我只有唔開心 唔只一次 已經係呢種態度 由上年11月開始 我精神好受壓力 每次突然下午佢返返下工會打黎 一知佢打黎 我內心就有驚 驚唔知又做錯d咩俾佢鬧 我每個朋友同屋企人都有種睇法 係我唔應該再俾佢呢種發窮惡態度對待 佢自己鍾意買咩就買 買到d卡爆晒 又借錢 總知而家欠人十幾萬 佢曾經逼我去搵野做 大前題係我個女冇人湊 由出世到而家都係我自己一手一腳湊出黎
我曾經搵到一份工作 返工前兩日 個女情緒唔穩定 成日發惡夢 又叫媽咪唔好走 我只好推左份工 因為冇野緊要得個女 我只係同佢提過一次 我要去返工 點知佢就發惡夢好幾晚 真係好心痛
或者各位兄弟姊妹 如果有好意見 可以同我傾下 因為我自己都好亂 想走 正因為想個女有啖好食 有錢返學 我唔洗再受呢種"鬧"既精神壓力 以後自己有能力去湊好個女 雖然錢唔係自己搵 都會知道實俾人睇低 但我唔介意 只想有錢交學費同個女有啖好食
個衰佬佢份糧 呢兩個月都俾唔夠500蚊我(早上 下午同個女都係食麥皮 包 或者係公仔麵) 咁我分左居 我只少可以食少d 全部好既都留俾個女 我就真係唔理佢d錢再洗去邊 還債定唔還都好 都唔關我事 只想佢有日改過 重視返個屋企(如果佢諗通了) 我亦做好心理準備 我同佢將會從此分開 任何一方面我都諗好晒 只要堅強 個女就得到好生活 我2家姐有日對我講:你睇 你個女愈黎愈瘦啦 ..... 果刻 我真係好心痛 望住個女既背影 心都痛了 哭了...
雖然就連自己都覺得打呢篇野都好亂 但希望大家明白我用意 亦都可以幫下我搵個條例既條件 如果真係做唔到分房訓 但可以做到冇性行為又如何呢? 我究竟可唔可以係呢間屋內住 住先 之後若果可以得到綜援首筆錢 之後就搬走呢?分居要有什麼證明 會有人家訪? 我想知更清楚 希望大家幫到我 唔該 多謝晒大家 求求大家幫幫我 我諗左4日了 哭了3日 打算點做 做邊一步先 我真係愈諗就愈亂了.只知道自己要走 俾個女有學返同有啖好食
私人傳訊

sin2ling


大宅

積分: 1070


2#
發表於 09-7-9 06:11 |只看該作者
其實我問過單方便離婚先分居2年.係呢2年比大家想清楚.正唔正式離婚.但係分居個..社工竟然同我講..係一齊住的分居.....
要分開住的話要2500元留下的屋.
http://us.f6.yahoofs.com/hkblog/sdS7Tu6BGRmFS7FR27g05Q--_1/blog/20070418020436349.jpg?ib_____DK7gKK5zp
私人傳訊

sdbus


大宅

積分: 4444


3#
發表於 09-7-9 09:18 |只看該作者
不如你先去社署問下申請綜援先, 又或者打去一些有暫住機構問下有冇位可以住一排, 然後再打算下一步點樣找住宿同錢.

原帖由 soniyaB~＊ 於 09-7-9 02:09 發表
我想問 我自己本人 好想同隻佬分居(即係意思係分開住 俾個空間大家諗清楚係咪需要同珍惜對方) 而佢又唔願意離婚 手續可以點做
我有一個女 差唔多4歲 佢講過個女跟我
同佢分居原因係佢做唔到屋企果個責任 唔 ...
私人傳訊

newbiee


珍珠宮

積分: 45787

好媽媽勳章


4#
發表於 09-7-9 17:28 |只看該作者
個d機構, 你唔係家暴或窮到無屋住, d社工通常都唔會幫你攪.

[ 本帖最後由 newbiee 於 09-7-9 17:30 編輯 ]

私人傳訊

wingwingxxx


複式洋房

積分: 360


5#
發表於 09-7-9 18:18 |只看該作者
試下去找個社工傾下先,社工多數都會教你應該點做架....問題係你自己願唔願意行出呢一步,我當初都好似你甘...成日淨係諗自己應該點做,又好想有自己屋企,一拖就拖左幾年...年頭我就決心行出第一步,去申請離婚,而家婚已經離左,再多個半月屋都有喇...其實你話想分開諗清楚,不過最少兩年,講真啦..分開得兩年.真的還有可能一起嗎?如果有咪再結過lor....我唔係梭擺你去離婚,但一直甘樣落去有用嗎?時間就一日一日甘過...
^^wingwing^^
私人傳訊

YLANDVIVIAN


大宅

積分: 3955


6#
發表於 09-7-11 00:20 |只看該作者
原帖由 wingwingxxx 於 09-7-9 18:18 發表
試下去找個社工傾下先,社工多數都會教你應該點做架....問題係你自己願唔願意行出呢一步,我當初都好似你甘...成日淨係諗自己應該點做,又好想有自己屋企,一拖就拖左幾年...年頭我就決心行出第一步,去申請離婚,而家婚已 ...



同意！還有５個月我和他分居２年了,可離婚
私人傳訊

soniyaB~＊


洋房

積分: 183


7#
發表於 09-7-11 08:33 |只看該作者
我已經尋日2去搵左社工了 今次係第2次 尋日係唔係同一個社工 呢個態度非常強硬 佢就教我做左好多野 佢可以話一針見血 亦再多謝我2家姐話左我 因為我一味驚 尋晚同左佢傾了 佢都話可以 為左真係諗清楚 決定分居兩年 尋晚係一個好和平底下傾左 佢好傻咁問個女點 我緊係話亞女跟我啦 佢都話好...不過發現原來有多好事 唔驚得去邊 就好似當初生仔時 突然覆診要入院 突然話要穿我羊水 但其實都生入到去果刻先知唔係好驚姐...亦都估唔到平時脾氣爆燥既佢 可以咁靜同我傾 我星期一去辦分居手續啦 社工話我只要去辦左呢個手續 咁我就可以做到俾保障署果邊d人睇 我真係走左 不過亦都要我媽咪簽名作實佢冇乜點接濟我 同埋我真係有係佢度訓 同埋果度真係住唔落我同個女...雖然有時諗起 心真係有d痛 因為可能兩年後 我會加入左單親家庭..但真係如我朋友所講 你俾唔俾你走左 佢真係會更加更加去著緊同珍惜你架 所以你一定要博呢一鋪 (朋友喔~~呢一鋪真係幾大下..)
多謝你地我先可以再加多點點勇氣 多謝你地 有時諗亂左 我又會睇返呢個post 再睇清楚你地留俾我既每一隻字..多謝你地
私人傳訊

wingwingxxx


複式洋房

積分: 360


8#
發表於 09-7-11 12:49 |只看該作者
原帖由 soniyaB~＊ 於 09-7-11 08:33 發表
我已經尋日2去搵左社工了 今次係第2次 尋日係唔係同一個社工 呢個態度非常強硬 佢就教我做左好多野 佢可以話一針見血 亦再多謝我2家姐話左我 因為我一味驚 尋晚同左佢傾了 佢都話可以 為左真係諗清楚 決 ...


努力呀....支持你,始終自己家人先會係最親,一定會幫你,雖然同先生分開左,但一樣可以生活得好開心架..
^^wingwing^^
私人傳訊

soniyaB~＊


洋房

積分: 183


9#
發表於 09-7-16 15:05 |只看該作者
我而家真係又煩又急 我前日去左保障處 同我開檔案果個人 佢話我好大機會係申請唔到 佢話我而家係亞媽度住 佢地有義務照顧我 咩就好似我有義務照顧我個女 又話而家有3餐俾你食 有少少位俾你訓咪得囉 我媽同我爸有做野 但佢地仲要還銀行錢同仲欠我亞婆錢 加加埋埋最少都有成十幾萬 同埋佢地冇義務幫我養個女 教學費 , 佢就係咁 逼左寫左亞媽亞爸個名 佢地而家住既地方真係冇位俾我訓 佢地得一間房 電視都要放係房 個廳已經係廚房 開張細既4方檯就已經冇位 廁所就更加唔洗講 細到去vv都差唔多頂牆 佢又問 又要話我唔得 我朋友都話我好大機會唔得(佢都係單親人仕 已經好早時申請到) 但係我已經走左出去 我d家姐又唔俾我打搞亞媽佢地咁耐 話我會拖慢佢地還錢 想儲錢養老都唔得..我愈諗就愈煩 學校又急要我教出6月份既學費 雜費都未俾 9月都唔知點算 佢仲話我 唔係走左出去就有用 大佬呀 個社工教我做既野 我已經做左 去法援登記 之後去拎個檔案no.去排綜援
好啦~~我而家等死啦 真係唔死都冇用啦 隻佬又死唔出錢 又郁d講錢就鬧 一鬧就cut線 真係好煩
果個人仲話 除非你自己搬開左 咁就會批 大佬呀 我有錢搬左 係人都知會批 但我錢都唔錢下 1蚊都冇儲落 仲叫我點搬 我有話真係衰衰地問亞爸借住先 點知3個家姐都反對反對反對 話到我好似會累死佢地咁款 ,住 ..我真係已經勁介意 介意亞爸爬上個"各"仔度訓 佢60歲架喇 真係大吉利是講句 跌親咁點算 我問亞爸借錢 之後慢慢還俾佢 但係d家姐唔信我就係唔信 我會慢慢還 一講到 "你咪問老豆囉 你估老豆唔幫咩 但係你諗囉 你仲好唔好意思去問" 我真係好苦惱 點解咁肯定講到我真係唔得...唔可以靠自己 我係咪呢世都唔可以走得出我隻佬 又冇人幫我湊女 有人湊女 我又冇乜工作經驗 又咁耐冇返工 又學歷低 得中3 我怕搵得5000蚊 都大半份糧俾左工人啦 仲洗咩要錢 要錢黎做咩 俾得屋租定係俾得個女學費 我真係好煩 點解個個都為難我
私人傳訊

newbiee


珍珠宮

積分: 45787

好媽媽勳章


10#
發表於 09-7-16 15:46 |只看該作者
樓主,
政府d野係咁, 佢地都係按規定做野, 唔會幫你考慮咁多.
你唔好諗咁多, 衰就衰一次, 去問亞爸借錢搬喇. 由得d家姐話你囉.
再拖落去, 你只會愈來愈窮, 愈來愈煩, 快d去租屋, 到時一定會批架, 批出左仲會連女女開學都有一筆約3000元費用.
不過, 實際每個月嘅錢就唔會多, 真係剛好夠你同女女生活, 唔會好似d人以為拎綜援會有錢去旅行個隻.
但係點都好過你出去打工, 得個5000個月, 食飯搭車都用左一大半, 仲要搵人湊女女.

為左女女快d去攪, 因為等批要成個月架.

[ 本帖最後由 newbiee 於 09-7-16 16:13 編輯 ]
私人傳訊

wingmonly


子爵府

積分: 10073


11#
發表於 09-7-16 16:47 |只看該作者
社署職員最怕一哭二鬧...唸唸啦

唔係叫你無理取鬧，而係必要時"真情流露"
私人傳訊

chowky


複式洋房

積分: 381


12#
發表於 09-7-16 17:23 |只看該作者
照你所言,我諗你啲家姐當初一定好反對你哋一齊,但你唔理,一於戀愛大過天,所以今時今日,你啲家姐先會俾啲咁既反應你...

社署...講真喇,喊俾佢睇,要生要死,到時一定心軟架~

跟手搵埋區議員幫你,申請公屋會快d架~
私人傳訊

soniyaB~＊


洋房

積分: 183


13#
發表於 09-7-16 18:09 |只看該作者
佢地當時冇反對我地一齊架啵 仲幾好咁 只係我老公係個唔多出聲既人 唔同佢地點吹水之嘛 亞爸亞媽都真係當佢半邊仔 到佢而家搵到呢份長工 做左成半啦 佢個人愈有錢 佢就愈自私 買呢樣買果樣 買車 全部都唔係我話好想要 我想要既只係一間屋 一個地方 名牌咩野我都唔"好" 俾夠錢我同個女食用返學就可以
真係就係咁 日久見人心 漸漸佢所做既野都令人唔鍾意佢 但我媽仲對佢好好 爸爸每次同佢食飯 都係由我爸俾 仲問佢飽唔飽 嗌多碟餸... 我d家姐 講真 真係自己顧自己 就好似朋友一樣 即係你有野就唔好搞我 講就可以 叫我出手幫你 ?好難啦
我有朋友都覺得 唔係一家人咩?點解講就可以 一家人 唔係唔計較咁多 幫你就你幫你架咩?唔係話因為我老公衰 所以要我自己去承擔一切 ...屋企人 唔係互相扶持嗎?係我最慘時 踩多兩腳? 咩道理 ..同埋喊 我到而家真係喊唔出 或者到時真係好急 急到喊 就可能就喊得出 可能我自己都堅強 個人都硬起來 冇咁容易喊了....

多謝你地明白我 只係個心好似俾佢地講到我唔應該搵爸爸幫 自己個心都好唔舒服..我都唔知開口唔開口好...
咩時候開口好 點樣開口好 可能真係我個人太在意人地點講我 我朋友講左好多次 叫我唔好理佢地 但可能佢地係我屋企人 真係好在意 做唔到...
私人傳訊

soniyaB~＊


洋房

積分: 183


14#
發表於 09-7-16 18:45 |只看該作者
仲有 講d好笑既野你地知
注意 我老公之前係做冷氣
事件1: 4年半前 我大家姐打俾我 話佢搬左去我3家姐果條村度住 咁佢有部冷氣 咁岩買左 租屋個人要佢地搬 咁搬新個地方就有冷氣機 所以冇做 問我要唔要 因為我房係冇 跟住我話 俾返2 3百蚊你啦 佢話 咩話 5百蚊啦 跟住我同2家姐講返呢件事 佢話 點解會要500呢 就係因為大家姐見到你老公咁黑人憎 所以先收你500 本來係唔洗錢俾你架 就係因為你老公 ...
但當時我老公仲未變成咁 當時仲好恩愛 散工 但係真係日日清錢 但係好開心 根本冇問人借錢 又冇話唔開心 即係咁 係咪見個妹咁慘 冷氣機都買唔起 你既然有部唔要既 送俾我 唔好計較 係咪好d呢?2 3百都嫌少?
事件2:又係冷氣機 幾個月前 佢又搬屋 搬去另一度 又問我要唔要 我話 諗下先 問下我隻佬 跟住我隻佬話 佢放左部冷氣機咁耐 除時會係冇左雪種 一係就會唔係咁凍 ...最搞笑既係 上次我話有冇壞 插黎睇下凍唔凍時 佢大大聲聲話唔洗試 到隔左咁多年 都係唔洗試?
試問你地買野 都會試下啦 就係咁 佢地又要我俾500 今次我就借d意推左 冇答佢要唔要..
事件3:今年 我大家姐結婚 我兩個姐家可以做姊妹 佢地著靚靚 亞媽就好奇怪 點解我唔可以著靚 就算我唔係做姊妹 大家可以諗下 一家人 只有我著肉酸咁 企埋去影相?主人家? 跟住可能我媽反影過 咁好啦 上兩個星期我媽同我2家姐都去試衫 佢叫埋我 我個女做花女 ok 我冇問題 佢叫我試裙 到我試岩左 先知 原本我要俾錢 佢就"好大方"咁話俾我2家姐知 佢幫我俾左錢 原本係要我自己俾錢 但又係話見到我老公坐係度喎 所以就更加要我俾錢 跟住又話見我咁慘 所以佢自己先幫我俾左錢 唔係我話我小氣 而係 如果你開口話我自己俾 ok 我最多咪問我隻佬拎囉 我有同我隻佬提過 佢話 200 我俾唔起咩 更可況條裙麻麻地 (朋友)亞堅老婆做婚紗 100租6日呀 慢慢試到岩 洗唔洗咁急要俾200蚊去租兩日1夜呀..如果我自己要俾錢 我洗咩係度揀d唔岩心水既裙...就係咁 又係咩心態呢? 我真係唔多明...但呢d我都由佢 但我想知 呢d叫一家人咩?
兩個家姐可以唔洗錢(因為係佢包) 我就要?
事件4:我大家姐做d野食批發 咁佢有麥皮賣 定期有d員工買野果d咁 佢就打俾我 問我要唔要 係大罐果d 咁我又唔係食得好多 我就話要1罐先啦 我屋企仲有好多 跟住佢就大大聲話 咩話 你咪咁"古寒"啦 1罐 我就話 咁3罐囉 跟住第2日我2家姐拎俾我 係兩罐 咁就係因為幾次既氣 今次 我一定要俾返錢佢 我2家姐話 家姐話唔洗俾咪唔洗俾囉 你咁小氣做咩野呢 我話而家唔係小氣問題 係面子問題 佢講到我咁樣 算咩 而家又唔係俾唔係40蚊 我俾左你 你要定俾返佢 你自己決定 佢初時死都唔收 我就扮晒野話 我係拎我隻佬d錢 又唔係用我自己d錢 佢先肯收左去
呢個過程 我隻佬都知道 佢都話我做得好 因為呢d係唔俾佢地睇死既面子問題
可能你地覺得好奇怪 點解我仲會同我隻佬咁多野講 只係一來唔想做到咁絕 個女仲好鍾意佢 佢有權見佢爸爸 所以無謂做到絕 所以之前既事 都會有同佢講 到而家呢個幾星期 我同佢講既野 只有分居既事 所以希望你地唔好誤會
就此希望大家明白 點解我既所謂屋企人 要咁樣"幫"我...愈來愈唔明白 咩叫屋企人了 咩野係屋企了,,.,
私人傳訊

newbiee


珍珠宮

積分: 45787

好媽媽勳章


15#
發表於 09-7-16 21:41 |只看該作者
soniya,
你d家姐都好得意.........不過, 雖然話係親人, 但都要講緣份, 係唔夾就唔夾, 無得講.
我家姐以前都係咁對我, 佢有電話/電器唔要, 情願比朋友, 明知我欠缺, 都唔比我, 從來無考慮過我. 我有唔開心, 有嬲, 但一直都係扮無野, 我係一個好易忘記事嘅人, 隔左十幾年, 佢開始轉變, 對我好好, 我有事一定幫我.
唔知係佢比我呢個傻人感動左, 定係年紀大而改變, 點都好, 至少我地仲係好姊妹.

佢地咁同你計較, 係會好唔開心, 但係, 一世人幾姊妹, 算喇! 反正你嬲死都改變唔到佢地, 不如, 大方d, 唔好理佢地.
快快手同爸爸借錢, 開始新生活喇!
你女女咁可愛, 我見到都心軟, 為左佢有較好嘅地方, 瘀咪瘀囉.

[ 本帖最後由 newbiee 於 09-7-17 00:40 編輯 ]
私人傳訊

cy_winny


伯爵府

積分: 15234

畀面勳章


16#
發表於 09-7-17 00:33 |只看該作者
其實,你聽到隻c6既電話就覺得驚,都算係精神虐待既一種...你有無搵過d機構幫助下呀

你試下打去芷若園,睇下佢地有無野可以幫到你呀.....http://ceasecrisis.tungwahcsd.org/intro.html

仲有香港家庭福利會呀....http://www.hkfws.org.hk/program/index.php?&lang=hk

有呢d團體轉介,應該會快d幫你解決到問題架.
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見