母乳餵哺 今日: 0 | 主題: 85709

積分: 557

1^#

發表於 09-12-4 23:49 |只看該作者 |倒序瀏覽 |打印

同大家一樣, 我好努力想餵人奶。

一開始, 因為在法國醫院開刀生, 佢地唔俾BB返房俾我餵, 嚮醫院時, 佢地俾BB食乳膠奶樽; 唔知關唔關事, BB返屋企後, 一埋身就:（以下是但一樣）
1) 發脾氣, 唔食, 放入BB 口, 佢大大力咬我乳頭... 我唔明點解BB冇牙都可以咬到個乳頭成個歪咗... 痛到我以為個乳頭會斷....
2) 食幾啖就瞓, 點都唔醒, EVEN 彈BB腳仔(好大力) 都唔醒.

BB可以一路瞓都唔醒... 我初時好天真咁想令佢好餓, 然後等BB屈服可以埋身, 但佢竟然5個鐘都唔醒; 我怕佢血糖太低會有事, 唯有PUMP 出來...

佢用CHUCHU人奶奶咀食PUMP 出來D奶, 食10分鐘已食晒... 但埋身就...

我條路同大部分媽媽一樣... 好難行.... 因為初初冇奶, 陪月同兒科醫生都不停叫我補奶粉, 話BB血糖低有危險.... 我死都唔肯... 終於皇天不負有心人... 我有奶... 但代價係個BREASTS 上一個又一個手指瘀痕, 同兩邊大半個乳頭損咗 (仲損過母乳雜誌果D損乳頭既相!!!) .... 但我覺得值... 因為同大家一樣, 我好愛好愛我既BB...

而家... 我覺得BB好憎我.... 我可以點? 真係冇得埋身? 我會唔會冇奶?　我好大壓力... 唔知可以點做... 請俾意見... 謝謝...

0 0 0

私人傳訊回覆引用

bosch

瑪瑙宮

積分: 128510

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

2^#

發表於 09-12-5 09:00 |只看該作者

首先你唔好亂諗野先. BB 咁細個, 唔識憎人, 佢咬你可能係個咀仔再始有力, 埋食餵時仲未識得就力, 又或者你自己根本損晒, bb 大力少少就痛到好似咬你咁.

我個仔咬我果陣, 我用手指輕輕彈佢又鬧佢幾句. 教得佢幾次佢就唔會再咬.

你有冇搵健康院姑娘, 睇下餵既姿勢正唔正確? 正確既話唔會損得咁犀害.

用奶樽飲奶又易又唔駛點出力, bb 梗鍾意又飲得快.

仲有係bb 仲係好細個, 肚餓未必會喊架, 你要定時去餵, 而唔係等佢餓到喊.

你係好愛好愛你個bb, 但都要客觀d, 如果真係唔夠奶, 就要去補奶粉, 佢個身體好緊要, bb 萬一缺水就會損害身體器官, 咁你既愛同堅持就變左害左佢.

我覺得你要放鬆d, 頂硬上唔一定好. 如果真係太痛, 泵出黎又會好d, 不如轉去全泵或者半泵啦. 或者夜晚轉補奶粉, 咁你自己都要時間去休息同令傷口復原. 你埋身餵完之後, 唔駛抹就可以著番衫, 人奶可以幫助傷口埋口.

私人傳訊回覆引用

積分: 557

3^#

發表於 09-12-5 09:56 |只看該作者

謝謝你。睇完你所寫既，覺得好好多...
我好番d啦.....尋日真係好沮喪，因為咁辛苦令自己有奶但bb refused my nipples...

我傷口係用pump 用不停所以磨損.....

多謝你意見呀！如果下次都叫佢唔醒，我會pump出黎用樽餵，有時自己一個人諗埋一邊真係會癲。

私人傳訊回覆引用

kristinecheng

積分: 1805

4^#

發表於 09-12-5 18:11 |只看該作者

傻瓜，bb咁細個仲未有憎人咁複雜既情緒架，更何況你係佢媽咪，係佢最親蜜既partner，鍾意你都黎唔切啦﹗

bb咬奶奶係好痛架，佢地雖然未出牙，但所有牙仔都經已生長好晒藏係牙肉裡面，所以俾佢一咬都好具殺傷力。唔好硬忍俾佢哎，唔好俾佢養成習慣，大啲好難改，趁佢宜家仲細，返健康院糾正正確既吸啜方法，唔單止食得好幫你上奶，仲可以避免好多嚴重既問題（e.g.乳線炎，真菌感染，食唔到後奶等等），好緊要，唔好拖﹗

而且bb咁細個，會成日瞓，不過唔可以由得佢瞓，健康院啲小冊子都有講瞓超過４小時就要整醒佢食，而且每餐食唔夠都唔可以俾佢瞓，整醒佢既方法有：
換片，按摩，抹面，捽背肩／腳板底／耳珠仔，或者埋身食時用手擠乳房射啲奶落佢既口到刺激佢再啜。

有啲情況如果你太谷俾bb食啲奶去得太快俗親佢or啲奶流得太慢佢心急食唔到都會發脾氣罷食。

加油﹗有問題再上黎交流，條路唔係你一個人行﹗

[ 本帖最後由 kristinecheng 於 09-12-5 18:13 編輯 ]

私人傳訊回覆引用

prisyan

子爵府

積分: 11447

大廚勳章 wyeth冷知識勳章畀面勳章 BK Milk勳章

5^#

發表於 09-12-5 18:37 |只看該作者

BB最熟悉嘅人係你，痴你都痴唔切啦，又點會憎你。佢唔識啜，唔識用力咋。

方法以上兩位媽媽講咗好多啦，我果時又係損到姑娘見到都嘩一聲果Ｄ(BB啜損+泵奶扯損)

建議真係快Ｄ返健康院睇睇BB Ｄ啜奶姿勢同聽吓佢哋意見啦，又或者當出街行吓，鬆一鬆，再嚟過。

你同BB曾經連成一體成十個月，佢愛你都愛唔切呀，俾心機，加油，你有好多同路人。

PS:如果想全人奶記住唔好喺補奶粉(只是輔助)時用奶咀餵，可用杯或匙羹，如果唔係BB會學唔番埋身

私人傳訊回覆引用

積分: 557

6^#

發表於 09-12-6 05:00 |只看該作者

睇完覺得妊warm..

我會同大家一齊努力...

私人傳訊回覆引用

hkrosetw

積分: 1396

7^#

發表於 09-12-6 05:06 |只看該作者

你既情況同我都差唔多. 果時我生阿女時,唔係香港,外國既醫院係主張餵人奶,會有專人幫, 剛剛阿女既情況都係同你一樣, bb吸奶要用好大刀, 所以,有d脾氣好小小既bb就會飲飲下累到訓左, 有d bb就好似我阿女咁, 如果吸出黎係奶樽比佢飲, 唔駛十分鐘, 方死飲唔切咁飲晒, 要佢直接飲, 佢可能肚仔餓, 又好心急,就會大刀比佢咬, 冇牙仔都好鬼痛.

bb訓多d仲好嫁, 果時阿女又食得又訓得, 一訓叫極都唔肯醒, 就算放佢係床仔好似當佢麵團咁猜都唔醒嫁, 保母同我講,bb訓多d尤得佢,叫唔醒就遲小小先食,等佢個腦部發展仲好. 阿女一直都非常健康, 剛開始餵人奶大家都會好累, 總之, 好似一日到黑對胸都係成日打開咁, 慢慢, 阿b d 飲奶力大左, 佢有改善, 所以, 你唔駛太擔心嫁.

[ 本帖最後由 hkrosetw 於 09-12-6 05:08 編輯 ]

私人傳訊回覆引用

Sam小姐

洋房

積分: 99

8^#

發表於 09-12-17 20:28 |只看該作者

一定要俾BB咬住成個乳暈，齋咬NIP就會咁...要用下嘴脣含住成個乳暈啊..

私人傳訊回覆引用

mixmelody

別墅

積分: 876

9^#

發表於 09-12-18 10:14 |只看該作者

我個bb初初出生時都係咁, 一埋身就發忟憎加大喊, 令開塊面唔肯食. 於是我咪轉型做全泵囉, 起碼都係食緊人奶嘛. 而家佢4個月, 我上星期試下比佢埋身食, 初時都驚佢會咬我, 點知一埋身已食得好好. 我而家除左返工要用奶樽之外, 會keep住1日1-2次埋身.

你要耐心, 到佢大小小, 一定得嫁.

私人傳訊回覆引用

nikitac

積分: 2466

10^#

發表於 09-12-18 11:26 |只看該作者

奶樽設計是自動滴奶出來，而埋身吃奶，BB 要吸吮才有，所以吃過奶樽的BB 會懶同唔耐煩埋身餵。

補奶時唔好用樽，用消毒過的杯仔或奶樽蓋慢慢倒入，又或是用餵藥針筒沿嘴角慢慢"吱" 入去，BB 天生好鐘意吸吮呢個動作，只要無奶樽比佢吮，佢會好鐘意埋身餵。

加油！

私人傳訊回覆引用

積分: 557

11^#

發表於 09-12-18 17:26 |只看該作者

Thanks a lot... 多謝鼓勵... 努力中....

我今日泵出來只有2ONZ, 昨日有3ONZ... 唔知有咩問題... 好驚埋身佢又咬我... 好傷心的....

私人傳訊回覆引用

miumiu3

積分: 4255

12^#

發表於 09-12-18 22:01 |只看該作者

原帖由 PizzaFace 於 09-12-18 17:26 發表
Thanks a lot... 多謝鼓勵... 努力中....

我今日泵出來只有2ONZ, 昨日有3ONZ... 唔知有咩問題... 好驚埋身佢又咬我... 好傷心的....

是全日泵出來2-3oz還是一次泵出來有2-3oz呢?
如果一次泵出來已經有2-3oz, 係好好的成積,繼續努力,只要有信心,個個都可以餵到人奶.

我BB依家10.5個月,由始到終到係全泵,前9.5個月都可以做到全人奶添,係近呢一個月先開始要補奶粉.

如果堅持到, 可以埋身餵係最好的, 但如果實在太辛苦, 泵出來餵也未嘗不可.

你泵奶時要放鬆心情, 再用一個裝了暖水的細奶樽來碌個胸,一路碌一路泵,D奶會出得順D.

如果有問題,你可以打去衛生署的母乳熱線去問, 佢地D姑娘好有心機去教你的. 再唔明就抱埋BB去母嬰健康院叫姑娘教你.

私人傳訊回覆引用