吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 我阿媽yesterday 真係激到我噴晒火

心聲留言今日: 10|主題: 17494

收藏本版

發帖

返回列表

跳至頁

樓主: 可可2003

我阿媽yesterday 真係激到我噴晒火 [複製鏈接]

Mummy

男爵府

積分: 5874

21^#

發表於 05-3-22 17:45 |只看該作者

Re: 我阿媽yesterday 真係激到我噴晒火

開頭係我大家姐煮飯洗衫, 跟住我就做洗碗, 掃地拖地。跟住, 大家姐17歲就頂唔順走左出去住, 家姐做既野加埋本身我做既野就一次過由我承受, 洗衫煮飯洗碗執屋清潔, 到我出去返工勒, 煮飯洗衫呢d功夫就由我對落果個細妹做, 我放工返到去就要洗碗, 因為我細妹話佢對手敏感洗唔到碗 (呢d咪貴婦手囉!), 所以我放左工返到屋企都仲要做。到我嫁左之後, 我細妹就煮飯洗衫, 跟住我老豆就洗碗, 我最細果個妹係唔使做的 (家有4姊妹, 1, 2走左, 阿3就做煮飯婆,4妹就乜都唔做)。到阿3出去返埋工, 所有家務我老豆做曬, 適逢果時老豆將生意賣盤, 跟住冇做野, 所以我阿媽又有個阿4用。

我阿媽好鐘意人地奉承佢, 最好話佢最靚, 身材最好, 你有錢就最好比曬佢, 鐘意好似電視劇裡面果d女主角咁受盡萬千寵愛。成日話人對佢唔夠好, 但自己永遠都唔會檢討下自己又有對人幾好。仲有, 鐘意知道你另一半既所有野, 例如搵幾錢一個月, 有幾多身家等。結婚時, 我地唔知道佢請既朋友親戚封既禮佢要囉番, 我地話唔比就即時話, "我唔會黎你既婚禮"。

佢d野總之講足幾日幾夜都講唔完!

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

伊華

洋房

積分: 454

22^#

發表於 05-3-22 18:05 |只看該作者

Re: 我阿媽yesterday 真係激到我噴晒火

~好多亞媽的通病:要知道兒女和配偶的收入~

~堂姐夫(當時未婚)第一次家訪,當時近中秋,月餅+朱古力,伯娘哦足一個禮拜,嫌無海味唔夠體面,又第一時間問人有無樓~

~傾親事女家唔擺酒,但酒席要折現,講明婚後家用照付~

私人傳訊

milka

大宅

積分: 2708

23^#

發表於 05-3-22 22:27 |只看該作者

Re: 我阿媽yesterday 真係激到我噴晒火

mummy,
Really pity u! :-( I always quarrel with my mom but after I read the one you wrote, I think I need to stop my complain to her. Your mom really......

. Hope she will change la one day! :wink:

私人傳訊

Mummy

男爵府

積分: 5874

24^#

發表於 05-3-23 11:37 |只看該作者

Re: 我阿媽yesterday 真係激到我噴晒火

做女人一生之中既大事都離唔開結婚生仔啦, 結婚時佢就比左一個好壞既經驗我, 當我老公好似發左達咁, 剩係佢都想要24圍喎, 當我個婚禮好似佢既賺錢工具咁! 大佬, 結婚又要買樓又裝修, 仲有錢結婚都真係偷笑啦, 從來都冇問過我地夠唔夠錢攪咁多野, 剩係識收禮金, 有咁多up咁多, 收尾同佢反過幾次台, 終於傾到10圍剩係比佢 (未計我果d)。有句而家都仲記得: 阿陳生剩係佢都一圍啦! (姐係除左陳生之外, 其餘11個你都唔識架啦, 預一圍比人?) 唔係想賺錢?! 你仲諗到有咩理由? 仲話　，　你老公又唔係比唔起!

好勒, 到生仔, 我寧願洗萬幾銀請個陪月, 都唔要佢黎我屋企, 佢話, 不如將果萬幾銀比左佢喎! 你諗下, 個女寧願洗咁多錢都唔願意你黎, 咁你諗到佢有幾惡頂啦。

總之我一踏出呢個社會做野之後, 未洗過娘家一毫子, 免得佢有話柄唱足我一世!

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

可可2003

別墅

積分: 547

25^#

發表於 05-3-23 13:03 |只看該作者

Re: 我阿媽yesterday 真係激到我噴晒火

Mummy

睇完你阿媽o既作為, 我終於都下左啖氣, 因為同你阿媽相比之下, 我阿媽無疑點都有八十分, 我應該知足了. 我阿媽係把口衰, 但佢從來冇問我拎過一個仙, 仲成日買野俾我同個女, 就係呢一點, 佢就已經好過好多阿媽.

上 bk 真係好, 一比較就知自己唔係噴最多血果個.

Always happy!

枯藤老樹昏鴉, 小橋流水人家, 夕陽西下, 斷腸人在天涯.

私人傳訊

angeline

大宅

積分: 1164

26^#

發表於 05-3-23 14:47 |只看該作者

Re: 我阿媽yesterday 真係激到我噴晒火

小路寫道:
真係家家有本難唸的經！

絕對同意!

私人傳訊

Gisele

大宅

積分: 2636

27^#

發表於 05-3-23 17:45 |只看該作者

Re: 我阿媽yesterday 真係激到我噴晒火

請不要怪我，有

Xxxxxxxxcc

私人傳訊

Meli

別墅

積分: 877

28^#

發表於 05-3-23 23:58 |只看該作者

Re: 我阿媽yesterday 真係激到我噴晒火

:-| 真的有這樣的人嗎?

私人傳訊

唐老鴨

洋房

積分: 207

29^#

發表於 05-3-24 08:29 |只看該作者

Re: 我阿媽yesterday 真係激到我噴晒火

其實阿媽好唔好~~係自己仔女先覺架啫~
我阿媽對於好多人眼中,絕對係一個好媽媽~~又後生,又本事(不過唔係做阿媽應有的本事)講到做媽媽,佢一樣優點我都搵唔到~我當佢只係我老豆老婆,同埋朋友,如果我唔係咁諗,我真係唔識同佢相處..

我媽媽17y生我,之後仲為我帶黎三個細佬,24y己經係四子之母~~我老豆大我媽媽11y,係相睇阿婆迫婚果隻黎~~
其實有時好芧盾,我阿婆鐘意我老豆先迫我阿媽婚,我阿媽話唔鐘意我老豆但係又有左我先結婚...

唔知佢諗乜...冇乜腦!!!從少佢地兩公婆都出舖頭工作,所以阿婆湊我地,(婚後阿婆又好憎我老豆,由我出世開始日日都聽佢數臭我老豆,數到我24y,佢數唔到了....)我阿媽唔駛做家務,湊仔,煮飯,乜都唔駛做,我阿婆好似多左四個仔女咁~!!!!仲要湊埋我阿媽.細個時覺得我阿媽好錫我,因為我係女仔,乜都買比我,大左先發覺佢係將佢鐘意的買比我,佢想做的要我做,(包括又學彈鋼琴,又跳芭蕾舞,又學畫畫,又學唱歌,忡未計學校興趣組)真係學到我c線咁制~!!!!
我12y時,佢終於同我老豆分開,佢識左第二個男人(我老豆唔知)當時我地好憎我老豆,因為以為佢對我阿媽唔好,所以佢離開呢個家庭,後來我老豆用左八年時間去挽救呢段感情,又氹又唉,乜都識過...後尾因為老豆發生意外,要做好大的手術,佢終於番番佢身邊...喺呢八年裡面我後來知我阿媽原來有第二個男人,但佢當年出走理由是佢要見識呢個世界,唔可以成日喺舖頭幫我老豆手,佢仲後生,佢要創一番事業.誰不知呢番事業係佢同第二個男人去創,我到而家為止都冇怪佢,(個男人我都識,我同個男人都有來往的.)每個人都有權選擇.果次意外後我阿媽同番我老豆一齊,仲搬番番屋企住,但佢冇離開個男人,佢話同個男人仲有生意,但係果陣時己經蝕緊錢,仲係越蝕越多,佢將之前搵埋的都蝕埋,我老豆比佢的,都蝕埋,我老豆送比佢d舖同埋樓全部按晒.仲染左舖賭穩....仲係賭得好勁,輸好多人呢世都唔會搵到的錢,我老豆幫佢還晒d錢,犢番晒層樓同d舖.佢果次醒覺,終於決定離開個男人,但係個男人對佢死纏,佢又成日同我講點身不由己,個男人仲搵我老豆,話佢同我阿媽有野,仲同埋證人去,要收我老豆掟煲費,但係老豆唔比,我老豆死話我老婆晚晚都喺屋企,佢日頭去邊做乜我唔理,佢番到屋企係我老婆就得,你唔駛話住挾我水,我有錢都攞黎同我老婆還晒錢,我淨係要番個老婆,我而家仲要我個女接濟丫...於是打發左個男人同埋佢的證人..我老豆番屋企問我,我話我識個男人,但我只知佢係媽媽生意上的partner,我寧死都不講真相,我老豆都仲可以自己扼自己(唔通我老豆真係豬咩)由當時起我咪當我阿媽係朋友咁開導佢囉~~如果我當佢係我阿媽,我同佢一早唔會有計傾.

後尾個男人比人告話濫用信用狀,於是著左草番大陸,之後就再冇見過佢了!!
我阿媽又話因為佢去求唔知乜仙姑,阿仙姑幫佢燒完唔知乜之後就靈驗左啦喎~~(費事啋佢!!

幾十out都係咁冇腦)
不過佢舖賭性難馴,之後又輸好多錢,佢好錫我細佬,可能大家志同道合卦,一齊賭,一齊渡過冇錢冇飯開的日子,因為佢地為左賭錢,三母子又離家出走~~仲好同舟共濟添!!!!

直至我識左我而家老公,我阿媽輸到要著草去大陸,又兩年音訊全無,係三兩月打個電話黎叫我匯錢比佢,阿婆身體又唔好,,我要成日同佢睇e生,兩年後,有一日我阿媽突然番左黎,兩個月後的年三十晚,我阿婆就去左了~年廿八我阿婆仲同工人去銀行昌錢封利是,果年年三十晚好凍,我阿婆在廁所訓底就去了~~我阿婆係同我最大的細佬一齊住的(因我細佬被我老豆踢走了)果晚本來我細佬收工應該回去的,不過佢去了賭錢,(事後朋友告訴我果晚在澳門賭場見到我細佬)後來我阿媽都仲係咁爛賭,仲按埋我阿婆層樓,之後斷斷續續三母子包括我細佬女朋友都係咁,冇工做得長,我細佬女朋友14y冇讀書,一直冇做野,淨係賭,賭到23y,即係前年,老豆小中風,我阿媽終於修心養性,加上因為為左我細佬,佢將老豆送比我間舖比我細佬開小食店,我阿媽從北絕跡澳門賭場.但我兩個細佬同佢女朋友好唔生性,仲成日去賭,我阿媽仲苦口婆心咁教佢地,我阿媽對我細佬女朋友仲好過對我,買野比我細佬女朋友都唔會買比我(在我同我老公一齊之後)佢唔係咁鐘意我老公..但係永遠諸多籍口,平又話我唔會鐘意,貴又話果款唔襯我etc.....總之就句句頂住我..成日話我有錢人唔知窮人艱難,唔好同佢地比,其實我細佬間小食店日日都搵成兩三千蚊,不過佢鐘意攞去輸晒之麻,佢層樓係阿媽當年諗住轉佢名可以按高d銀行,(點知轉左佢名按左之後佢一個仙都冇比番我阿媽..呢d同舟共濟囉~~)佢有錢都唔肯攞黎供樓,淨係供息,舖頭水電雜電話費又唔交,我阿媽又為左um住我把口,個個月幫佢交....我阿媽怕我發爛咋唔肯比間舖我細佬用,所以又做一個慈母.!!!!

可能其他人心中我媽媽係一個好媽媽,又錫我,對d仔又好,簡真係一個慈母,所以佢有兩個敗兒!!!不知內情的,會覺得我同媽媽感情好好,好似兩姐妹咁.....但係我心目中,佢完全唔可以話做人媽媽,什至做老婆都不如理想!!!

:wave:

我來自迪士尼

私人傳訊

肥tam

大宅

積分: 4597

30^#

發表於 05-3-24 12:32 |只看該作者

Re: 我阿媽yesterday 真係激到我噴晒火

唐老鴨
點解你可以咁高EQ,我亞媽都很鐘意賭,我地細時我亞媽係家庭主婦,我家屬小康之家,亞媽有多餘錢都拎去打牌,一次都輸幾百(二十幾年前)永遠唔會有課外活動,靚衫更加無,成日比人睇唔起(親戚),我以前以為因為爸爸番工唔得閒陪佢,佢先去打牌,但有時爸爸響屋企,佢都去打牌,有時我爸爸仲發脾氣叫我地去找亞媽番來,我當時覺得又驚爸爸發怒,但如果我去搵亞媽又覺得肉酸(因為有其宅麻雀友望住),其實佢依家都仲係,我見到佢真係唔開心,我覺得佢為左賭,無晒d錢好可憐,但佢唔鐘意人話佢,所以我地好少見面,好無奈.