我係咪好唔岩？
我成日唔妥我99，好多時佢0係照顧bb既事上自己亂咁黎，佢試過一0係我面前一舊提子塞入我女女個口，我果次終於忍唔住第一次鬧佢！(初時老公都話我，提子有咩咁驚，直到有一次我老公自己俾女女食提子，我叫佢俾細粒d，佢唔信女女分分鍾會咬到大舊既提子出黎，好啦，女女果次真係咬左舊大既出黎，亦差d吞落去，果次之後，老公再無聲出，唔敢話我錯。)
有次我99天無常識到想公仔麵我7個月大既女女食…真係好火爆！
每次我99同女女玩我都好怕佢會亂咁黎…佢真係好無腦…唔識湊bb又要扮晒代表！
最嬲係前日，我同老公整緊房d野，佢入黎對女女講，「係咪好想「女麻女麻」抱呀？」我個女都無出過聲，剩係望住佢，佢跟住就話，「係呢~想我抱你呢~」我果刻已經覺得佢唔知醜…之後聽到一句我真係眼火爆，佢抱住女女，女女對佢「咩」咀，佢話︰「哎呀~對媽咪"咩"咀呀？」(佢指緊佢自己係佢媽咪，點解我知？因為之後佢咁講)之後我望住佢，「哎……對"女麻女麻""咩"咀呀？」(即刻改口)
佢個細仔有次抱女女，女女叫左2聲，我99就當正自己係佢阿媽咁，搶番女女番黎，之後話女女唔俾佢細仔抱~之後佢細仔掂佢，99都拎轉身唔俾佢搞，死都話係女女唔俾佢搞
但調番轉如果99抱女女，女女喊，佢又賴呢樣賴果樣，咩肚餓，想玩，眼訓~
我發覺得無辦法控制自己，越黎越憎佢！覺得佢好唔知醜，bb係我湊既，又係我生，你憑咩做佢媽咪呀？成日剩係自己諗咩就塞落佢度，你知點樣去了解bb要甚麼嗎？佢又成日0係我同老公傾緊計既時候插咀，係咁不停叫我老公，叫到佢應為止，我真係覺得呢d人好無禮貌！其實我咁樣憎99法，大家以第3者角度話俾我知我咁係咪好唔岩？
呼，打晒d嬲野出黎好d啦~雖然我唔未知咁樣憎99法岩唔岩，但d野屈住左0係心好辛苦！依家好d啦！
浦浦既小寶貝，子靈女女，於８月２２日ＱＥ出世∼
:-D
[url=http://lilypie.com][img]
發表於 
返回列表
