論盡家傭今日: 3|主題: 133998

收藏本版

發帖

返回列表

跳至頁

查看: 679 | 回覆: 5

發現工人前言不對後語，仲留唔留佢好呀？ [複製鏈接]

Lydia_Yan

大宅

積分: 1816

1^#

發表於 11-8-5 16:45 |只看該作者 |倒序瀏覽 |打印

今個月係佢地齋戒月，星期二中午姐姐突然同我話，佢要星期三開始放假到星期日，夜晚會返來。我問佢搞咩，佢話要去拜神，要去煮飯。我話，為何以家先同我講？佢答，剛剛有朋友CALL佢。我話，我地要返工, 你日頭要照顧小朋友喎﹗未計星期日, 有4日咁多喎﹗佢仲問我OK嗎？我話俾左老公知啦﹗夜晚返到屋企, 再當面問姐姐。佢話要去尖咀去拜神並要負責煮飯，我地REJECT左，話可以星期六俾佢請。佢話唔駛啦。咁我地問佢既朋友都係咁嗎？(佢個個星期/假日都去尖咀廟，成日都留係果度)佢話，得表妹顧主去TRAVL，可以俾佢請。其他都唔得。

星期三晚, 佢做滿一年，我地出糧俾佢並先計回一年大假俾佢，佢突然話想10月3日及4日要請假，加埋紅假既1號同2號, 共4日，並夜晚唔返來訓，會留係尖咀既廟房內溫書喎，有TESTING ETC. 佢老公(係KOREA打工)都會咁做。我地話, 我地安排唔到，若佢要係外面過夜就更加唔得啦﹗咁又告一段落。

昨晚我地想俾佢放星期六(心諗，話哂人地既宗教假日)，點知, 佢好激動話唔駛。後來問下問下，先知一個驚人既真相。原來佢老公今個WEEK放假，佢原本諗住同老公見面，佢老公飛來香港見佢OR佢飛返去印尼。咁我地星期二REJECT左佢. 佢就想10月, 佢老公放一個月假回印尼, 就乘10月咁果4日飛回印尼，所以話唔返來訓。:

呢一年，佢平日都經常有前言不對後語既情況，加上剛開始佢廣東話唔好，有時都費時追究。上個月仲將我囡囡放係興趣班，無老師點名既情況下，留佢一個人係度玩左1個鐘，即係無老師留意到我囡囡係度2HRS。到以家我都未搞清楚咩回事。問佢幾次，都唔係太明，太多疑點。佢以家既廣東話好左好多，溝通係無問題，主要係佢成日唔知邊句真、邊句假。

你地話，我仲留唔留佢做多一年呢？佢剛來既表現都麻麻, 但怕再搵既人仲差，所以就勉強用。諗住捱完2年就算，但以家真係怕怕。