Baby Kingdom - 親子王國 香港 討論區 › 首頁 › 夫婦情感› 請容許我發洩一下...

夫婦情感

收藏本版
發帖
返回列表
跳至頁
請容許我發洩一下... [複製鏈接]

首頁
1

尾頁
   0
newcastle


民房

積分: 34


1#
發表於 05-11-14 12:06 |只看該作者

請容許我發洩一下...

我真係好
7月頭先至送左男友個女去佢前妻果度(加拿大)
條八婆過一陣就打黎投訴個女唔聽佢話，都算
宜家打黎話唔要個女!!!!
仲要講埋d無聊既藉口!
話自己間舖頭同人拆夥(佢話間舖係佢同另一個女人合夥既)
自己要番黎香港搵野做
所以個女要送去我男友個阿哥度讀書(都係加拿大不過唔同省)(宜家個撫養權已經轉番俾個老母)
我覺得佢係o係度講大話
間舖頭我查過係佢男友既(我指係個舖位，我男友話佢同條仔無問題)
佢男友仲有成三間舖
o係加拿大住大屋仲有前後大花園!
佢前妻之前o係個女一歲幾已經跟佬走連個女都唔理
宜家又肯接個女去佢度讀書
只係四個月，就話自己唔掂要番黎香港
又唔要個女....
我覺得如果佢真係對個女有心
就會帶埋個女番香港(如果佢係真係番黎)
駛乜又話要俾我男友既阿哥呢
都唔知點做人老母(唔好意思，好似好粗脾咁)
佢仲要係好多年已經無比過教育費我男友
我男友都無告佢(我男友話舊時追左佢好多次佢都話遲d俾)
佢走佬時已經攞左我男友好多個百萬...(我男友講)
我男友話等個女去左佢阿哥度
佢就會要佢前妻俾錢佢阿哥
但係我諗佢要俾既晨早就俾左啦....仲駛等個女去左果邊先
不過最 都係我...我頂我男友唔順
佢對佢前妻咁做一d 都無
仲完全無罵個佢前妻一句(佢話已經當佢係外人，最緊要係佢個女點安排，前妻講乜佢唔會理真定假)
我諗要我男友告佢前妻追番之前d教育費(@mth $2,000)
等第二世啦
佢d EQ勁到我五體投地
我真係唔想再理佢地咁多
因為我男友近排日日都好大聲咁罵我(日日都為左D好無謂既野搵我發洩.....佢話佢壓力好大....又要加息等等等等)
我覺得佢既EQ真係好有選擇性囉
我真係好唔想再同佢一齊喇....
私人傳訊

ringoivy


翡翠宮

積分: 76971


2#
發表於 05-11-14 12:15 |只看該作者

Re: 請容許我發洩一下...

哎呢d就係男女觀點角度唔同既問題啦 你都無謂咁 你唔好介意其實我都認同你男友做法, 因為換轉係我, 大前堤都係攪掂個女先 老實講你要搵追數佬又好循法律途徑又好都係要攪一大餐 若然自己攪得掂我都唔想煩攪咁多野 一陣比個女知道盞佢唔開心, 以為佢係爹地或媽咪既負慮 :-( 不過我都好明白你係佢女友, 你梗係會尺d錢啦, 好似益左個前妻咁唔使湊女連養都唔使養 佢個前妻的而且確好乞人憎但我相信呢頂人等天收的 若果你男人真係攪得掂的話無謂再為呢件事而傷左你地和氣啦 我相信你男人個心態應該係同我一樣唔想煩而並非對個前妻好囉
私人傳訊

beauty_man


民房

積分: 6


3#
發表於 05-11-14 12:18 |只看該作者

Re: 請容許我發洩一下...

我覺得妳唔需要做妳男友既出氣袋囉, 而家妳又唔係佢老婆, 如果妳係佢老婆咁咪仲慘, 可以既話離開佢一排, 等佢攪清楚佢既事先啦, 佢以前既事到而家都未攪得掂, 第時輪到妳0地有新既問題, 佢更加應付唔黎, 等佢攪掂先啦, 無謂為左佢0個啲沒完沒了既事而浪費自己既青春, 時間, 精神...
:mrgreen:
私人傳訊

ringoivy


翡翠宮

積分: 76971


4#
發表於 05-11-14 12:22 |只看該作者

Re: 請容許我發洩一下...

都係架, 若然你真係接受唔到佢一面倒咁去support個女, 都係時候諗下是否應該抽身, 免得成日鬧交 你知呢個女係跟佢姓的, 呢個係呢一世都改變唔到既事實黎 :cry:

私人傳訊

moncatw


大宅

積分: 1376


5#
發表於 05-11-14 12:25 |只看該作者

Re: 請容許我發洩一下...

呢件事上, 最慘個主角係個小朋友, 俾你地當人肉球咁. (純粹個人意見) :-(
私人傳訊

麟媽媽


王國長老

積分: 87140

好媽媽勳章 王國長老


6#
發表於 05-11-14 12:43 |只看該作者

Re: 請容許我發洩一下...

你男友只係做番一個盡責既爸爸啫，
唔通好似個女人咁，唔理個女咩？
個女人唔比錢，都耐佢唔何的。
佢鍚個女既就唔會個女細細個唔要佢喇。
個女唔跟佢人知常情，同個咁既亞媽好熟咩？！
呢個時候你應安慰男友先係吖，
如果我個仔無人無物係外國，
仲要個老豆唔理佢，去唔知邊個親戚度，
真係會好憂心架….你未有仔女你未感受到啫。
私人傳訊

臭bb媽咪


男爵府

積分: 8696

大廚勳章


7#
發表於 05-11-14 13:39 |只看該作者

Re: 請容許我發洩一下...

最終受害既都係佢地個女．．
個細路女好無辜喎．．
咁細個就比人掟嚟掟去
私人傳訊

newcastle


民房

積分: 34


8#
發表於 05-11-14 13:58 |只看該作者

Re: 請容許我發洩一下...

係，個女真係好慘
細細個佢阿媽就唔要佢走佬
宜家俾佢攞番個撫養權玩左四個月又話唔要佢
佢都無人性既
番黎香港咪帶埋個女番黎囉
做乜要俾前夫個大佬照顧要佢寄人籬下呢
一d老母既責任都無
我男友又係有d豬
真係要個女細細個去左親戚度個女會好開心咩
佢話個女覺得係加拿大讀書開心d
無咁大壓力
我都明，地方大d又唔駛做功課乜滯
對香港既小朋友黎講仲唔係人間天堂咩
但係無左老豆老母係身邊
一個小朋友又點會識諗咁多野丫...
我男友近排d錢銀好緊
如果佢真係俾佢阿哥照顧既話就要駛更多
我都擔心佢俾唔到咁多
唔通要個阿哥貼錢幫佢養女咩
加拿大既奶粉金就佢阿媽袋袋平安.....
私人傳訊

moncatw


大宅

積分: 1376


9#
發表於 05-11-14 15:19 |只看該作者

Re: 請容許我發洩一下...

既然你都睇唔過見, 咁你點解你老公同你唔爭番個小朋友?
私人傳訊

newcastle


民房

積分: 34


10#
發表於 05-11-14 15:49 |只看該作者

Re: 請容許我發洩一下...

moncatw 寫道:
既然你都睇唔過見, 咁你點解你老公同你唔爭番個小朋友?

呢d係佢屋企既事，我出聲又有咩用
佢送個女過去俾番個老母之前我已經warn過佢呢個阿媽唔係好人，俾番佢都唔知對個女好唔好
果然不出所料，真係又搵d藉口唔要個女
我同男友其實近排好唔穩定
我屋企人同朋友無一個支持我同佢一齊
個個都睇我唔起
佢結過婚又有個女
無讀過大學但我就讀碩士
人人都話我傻
而我都唔知做後母會點
宜家淨係日日俾男朋友罵
好辛苦
我睇左醫生佢話我有抑鬱症同焦慮症
我日日要食鎮靜劑
抗抑鬱果隻我就唔敢食
因為check過隻藥bbc news同times已經佈導過話會令自殺率高3成，有人就係食左兩次就殺曬全家兼自殺
連我個醫生都叫我食藥要屋企人睇住我
有乜事就要打去撤瑪利亞
同埋隻藥一唔食就會好辛苦
我個朋友食過後一唔食都頂唔順，同bbc講既一樣
我宜家仲要成日俾男友罵
有病又唔同得屋企人講
每日都好唔開心
私人傳訊

麟媽媽


王國長老

積分: 87140

好媽媽勳章 王國長老


11#
發表於 05-11-14 15:59 |只看該作者

Re: 請容許我發洩一下...

Newcastle,

我記得之前你係咪講過做後母的問題？
其實你接受唔接受到做人後母，
同男友個女一齊生活先？

你男友比個女去到咁遠，
都係為個女可以得到更好既教育，
同埋避免你同佢個女一齊生活起衝突啫。
至於佢前妻以公民身份做佢個女既sponsor(去外國留學)，
如果以呢個身份去的話，個女讀書當local人喎，
比起我地用student visa去讀書平好多架喇，
咁呢度平左咁多，你咪當個女人有出一點力，
唔好同佢計較咁多喇，牛奶金有幾多吖。

你真係要諗清楚，佢有個女係不改既事實，
如果真係接受唔黎，無謂夾硬忍呢！
如果你跟本做唔到對佢個女如己出，
日後結左婚日日嘈咩？！
他日你地有自己既小朋友時，仲更多衝突喎…..
私人傳訊

亦風


洋房

積分: 159


12#
發表於 05-11-14 16:07 |只看該作者

Re: 請容許我發洩一下...

既然情況如此不配合，我的意見是分開冷靜一下。

男的始終是小朋友的親爸爸，他放不開是有人性，做他女友應加以安慰和協助，愛屋及烏也是人性之一。如果你不能接受這負擔，相信你其實愛他愛得有保留，趁早離開應不會太難過。
在這情況下把女兒寄養在親戚家，無論如何講不通，對他哥哥也不公平，這已不是錢不錢的問題。

那個做人媽媽的如何不理女兒，應是一早估計之事。

可憐的小人球，是這故事中最無助的一個！
私人傳訊

talkative


禁止訪問

積分: 205825

畀面勳章 環保接龍勳章


13#
發表於 05-11-14 16:09 |只看該作者

Re: 請容許我發洩一下...

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

Alanhoky


大宅

積分: 1507


14#
發表於 05-11-14 16:15 |只看該作者

Re: 請容許我發洩一下...

做女人難,
做做人後母嘅女人最難!
妳有冇咁叻呀?

做人新抱甚艱難, 做人後母仲艱難!

吾好勉强.
私人傳訊

newcastle


民房

積分: 34


15#
發表於 05-11-16 21:23 |只看該作者

Re: 請容許我發洩一下...

你地捨得俾仔女長期唔o係身邊呢?

我男友諗住個前妻唔要個女(俾個前妻攞番黎陪左4個月)，佢就打算將佢送去佢阿哥o個度，都係加拿大，度繼續讀書，攞綠咭(3年)，再讀完曬書先番黎。
你地覺得佢咁樣做岩唔岩呢?
個女宜家先9歲，咪成十幾年無老豆老母係身邊? 會唔會太慘呢?
綠咭真係咁重要嗎?
係外國讀書真係咁重要?
大個左先去會唔會好d?
我男友諗住要等佢讀曬d書先番黎(但可能個女已經大個係個邊做野，鬼會番黎)，但係我就好擔心佢同大伯係一齊，無左母愛父愛，但有左綠咭同浸咸水，係好定壞呢?
我怕我男友第時後悔.....個女大左唔會痴佢...
私人傳訊

方鍾SIR


洋房

積分: 403


16#
發表於 05-11-16 22:45 |只看該作者

Re: 請容許我發洩一下...

無論點樣, 呢個都係佢自己既選擇, 作為佢既女朋友, 只可以精神上支持佢同埋對個女孩子寄予無限既祝福啦!!!
係咁多啦, 至於男友第時點樣點樣都唔係你可控制到架啦, 既然係咁, 順其自然囉!!!!
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見