PINKAVA 寫道:
你係咪商業區返工架? 不如你pm office地址比我丫, 我送件公司辦比你丫, 不過係長袖cotton 針織次貨 (當然唔係爛啦), 你可能要等下先著得。
大家努力啦!
真係火都黎!!
李吳知道 寫道:
[size=large]我又要再呻呻呻啦!!!!
今日清明(公眾假期)我放假, 老公要返工, 不過聽日佢放假~~ 我已經安排好我今日的"節目"：
上午：買地拖-------尋晚佢問我聽日(今日)打算去邊度行街, 我忍無可忍話：『聽日最緊要買地拖先!』佢仲話：『又買?! 屋企有地拖啦..........』個地拖兩星期前比我拖爛左, 個死佬都未發覺!!
下午：執衫(衣櫃換季)---------尋晚叫佢係衣櫃頂、床下底幫我抽出大大個的紅白藍出黎, 又唔多高興啦, 因為佢果陣打緊機, 阻住佢丫嘛!! 阿大帝! 我仲要幫你換埋季執埋衣櫃, 你仲想點呀! 你有本事咪繼續著樽領冷衫囉!!
晚上：百佳送貨---------洗衣液"佢"用埋最後一滴才出聲同我講, 好彩我果次知道, 如果唔係唔洗洗衫啦!!!
*
今朝我仲未起身, 佢返工前用埋最後一滴洗衣液開佢果機衫洗, 跟住走黎同我講：『老婆呀, 洗衣液無哂啦, 你記得買啦.........我開左洗衣機呀, 你起身幫我晾丫........』我無出聲! 我"唔"一聲就算!!
幫你晾埋d衫唔係一個動作黎架! 仲有好多關連動作架!! 上次佢洗、又係我晾果d衫呢? 咪又係我收囉! 我唔收的話, 又點幫佢晾呢機衫呀! 收完仲要叠架!!
重有呀!! 剛剛同佢講電話, 佢臨尾仲加多句：『你今日都好多家務要做架啦, 有時間你先拖埋地啦, 如果無時間, 留番我聽日放假拖啦.............』x#yz%@xy&z.......
發表於 
錢呢? 
返回列表
