自由講場今日: 158|主題: 1341467

收藏本版

發帖

返回列表

跳至頁

查看: 372 | 回覆: 3

Bom City 的生日會 [複製鏈接]

ETHome

大宅

積分: 1451

1^#

發表於 13-1-15 22:30 |只看該作者 |倒序瀏覽 |打印

一月六日，我為囡囡Genie在Bom City安排了一個生日會。因要read剛出世的囝囝，同去攞蛋糕，好趕！近3點去到已有家長來到，但Bom City 唔比佢哋入去開生日會的地方先！我從來未黎過，問門口個receptionist cafe area 係邊，佢仲話我book 咗3點，3點至入得，結果同佢argue話訂果時話2點半可入去set up ，D家長又已到，佢先比我入！問佢個場係邊度, 帶都唔帶，只是叫我直行, 話入到去就見到!

自己行入去見到個場，係open area，得幾張枱櫈，冇職員招呼。想雪住個蛋糕或問下預先安排咗的東西也要行返出reception問！結果在家長幫手之下，終於set好個場！個open area 連繩都冇圍住，D小朋友同有D家長放低野就出咗去睇野，想開始也難！最荒塘是無端端有個男人入黎坐咗係其中一張sofa! 我上前問佢係邊位小朋友既家長，佢話只是倦入黎坐下，冇留意到我地原來開緊生日會！緊係啦，冇用圍欄不在講，連牌都冇個指示那個cafe area 開囡囡的生日會！若果唔係自費做咗個banner，情況會更壞！可能連D家長都唔知係咪係果度開生日會！等咗一陣都未見其他家長出現，原來佢地在門口等緊，門口沒有指示那天囡囡在那開生日會，職員亦懶理！我比咗$2500租個場，點解一D support 都冇！

終於在其他家長協助出門口帶其他家長入黎後才可正式開始個party! 之前花了好多時間同個manager 安排好party既流程亦白費心機！因個manager在生日會當天冇當值返工，安排好的亦沒有交帶當天的職員！講明會在生日會開始時派個site map 比D家長了解小朋友在生日會玩既games,但又係要我自己出去reception問，仲要話唔比得！又要我解釋同個manager 安排好才肯比！

生日會時間很緊湊。因有2個小時係玩game既, 要在玩game前切蛋糕。一早安排好3:30pm切蛋糕，到3:40pm都未攞蛋糕出來，又要我自己行出reception 問！弄得切完蛋糕都冇時間比D小朋友食埋先玩！之後個guided tour 開始, 職完先問有幾多個小朋友！個bulk purchase package 包咗15個小朋友,之前已同個manager講已有多過15個小朋友join! 佢話到時職員會點人, 但當天職員冇點人就派手帶,弄得有D小朋友因為攞唔到手帶即場喊! 之後個guided tour 正式開始才知道個職員會用中文! 因囡囡讀國際學校，之前安排好個tour 用英文，個導賞既職員亦好驚訝同我講:「唔係吖！我講中文𠺢！」安排極混亂！我妹妹也有參加我囡囡的生日會,佢同我講個職員行得極快，條隊長亦不會等埋佢地，根本聽唔到個介紹！

再者，cafe area 放了一個大電視，原來是用來播其中一個天氣報告員角色的片既！所以亦有唔係開生日會的陌生人入來我地個場看自己小朋友的表現！那天才知Bom City 只是隨便劃了一個平時比家長小朋友休息的地方我們開生日會！

當天才發現原來有另一房間有另一個家庭開緊生日會。訂的時候職員從來沒有跟我提過有間房可以book! 亦沒我提過個場按小時收費！1小時$1000，2小時$1800, 而3小時就$2500! 淨係話若玩2個professions 就可用個場2個小時！3個professions 先可用個場3個小時！我不想D時間咁緊張,結果選了貴成$1500個package! 我想，Bom City 一早知道當天開生日會間房已有人book 咗，又唔想做唔成單生意才隨便間一個地方給我！我有被有欺騙的感覺！

成個生日會用咗成$10,000! 但換來是一個不愉快及受批評的經驗！不過希望最少帶到比D小朋友難忘的一天！