香港18區媽媽會今日: 0|主題: 156964

收藏本版

發帖

返回列表

跳至頁

查看: 1003 | 回覆: 4

[屯門區] 好嬲呀~居然有個噤既泳會 [複製鏈接]

Funnyma

民房

積分: 75

1^#

發表於 06-9-16 23:41 |只看該作者

好嬲呀~居然有個噤既泳會

今日係屯門水運會，我同埋大仔(7 yr)、細仔(4 yr)、仔仔既婆婆去到屯門泳池既看台觀看比賽，不過看台上有好多人，我發現在第三行有幾個吉位(無放任何物件既吉位)，於是我地一行四人就坐在嗰幾個吉位上，坐唔夠1分鐘有個「自私精」行個離同我講--

「自私精」=自
我=我

自：你地係乜野泳會嫁？
我：我係xx泳會，今日係離睇吓其他人比賽，唔係離比賽嫁。
自：你地坐既位係我地「海屎泳會」霸咗嫁(制服黃色，件衫有個「海屎頭」嗰間)，你地唔可以坐嫁。

我：乜可以霸位嫁？(泳池寫明唔可以霸位，就算用物件都唔可以霸)你用乜野霸位呀？我見到張櫈都無野，所以我唔知道張櫈係你地「海屎泳會」喎。
自：你地坐緊既3、4、5、6行都係我地「海屎泳會」嫁，你地去第2度坐啦，正一八婆，你離個女人..................(删了好多好多好多既責罵)

我：你做乜罵我，我都無罵你。(後來我無出聲)

「自私精」一路係我後面兩行同佢D「海屎泳會」既家長講我地霸咗佢地既位，又比埋一D好難聽既說話我聽

，我好嬲走去泳池辦事處找個泳池職員離同佢地理論，佢地當堂無聲出，只係「自私精」同「自私精2号」(2号事發唔係現場)係度同泳池職員解釋。(我終於個心舒服D啦)

之後有個男人同我講規矩係唔可以霸位嫁，我見佢貌似教練，就問佢係唔係教練，佢話係，我再問佢事發係唔係現場，佢指住最上嗰行話佢一直坐係個度，咁~佢一直無出聲咪=默認嗰3、4、5、6行係佢地霸既。

咁既泳會，同埋D咁既泳會家長，又自私、又霸道、又橫蠻無理，重點教D小朋友呀。