吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 講錢傷感情

心聲留言今日: 0|主題: 17501

收藏本版

發帖

返回列表

跳至頁

查看: 1970 | 回覆: 13

講錢傷感情 [複製鏈接]

peaceworld

複式洋房

積分: 186

1^#

發表於 06-9-26 13:45 |只看該作者

講錢傷感情

其實呢個年代, 好多人都係公一份, 婆一份。但有時候, 講起錢, 真係傷感情。

話說我老公, 每個月會將佢人工既1/3 比老爺奶奶, 另外我老公半強逼下, 要我另外每月比3k比佢父母, 話叫我比佢地買野食, 我間中都會問我老公, 點解你又無比過錢我父母, 又要我比錢老爺奶奶喎。佢話我父母仲後生, 又有野做, 老爺奶奶退左休, 叫我逗下老人家開心。仲埋姑奶果份, 老爺奶奶就每月收入真係仲好過我。

但佢地兩老成日去埋果d 專"騙"老人家的講座, 又會幾千蚊一樽的鯊魚丸, 一買就買好多樽, 又會幾萬蚊一部既靜電機, 有時候見到d 錢咁"side" 都好鬼肉赤。話佢地比人騙, 佢地又唔信, 叫佢地睇"警訊", 佢地就發嬲。

咁結婚初期都無乜問題, 但有時候我比錢佢地, 佢地好似老馮咁, 好似欠左佢地咁。一直條氣都唔係好順, 仲有, 其實係我cut 左我亞媽d 家用, 比左佢地兩老, 我一直覺得好內疚。
直至我生左小朋友之後, 我老爺奶奶對我唔好, 所以我無再每月比錢佢地. 一來我又唔係同佢地一齊住, 佢地又對我唔好,
我想極都想唔明, 點解當初我咁蠢, 每個月要比錢d 咁既人。

至於老公每個月比1/3人工比佢屋企人, 我一直都無出聲。
但小朋友又開始讀書, 又要參加課外活動, 樣樣都係錢, 我尋晚同佢傾, 可唔可以比少d 你屋企人呀, 佢竟然同我講, 要cut 點解你cut 你屋企人果d 先。

佢同我講, 你留返多d 錢, 咪又係想去下旅行, 去洗埋, 咁點解唔比老人家喎。
我老公話我好不孝, 到底係咪好錯! :-( :-( :-(

私人傳訊

YanYan0116

珍珠宮

積分: 36319

好媽媽勳章

2^#

發表於 06-9-26 14:50 |只看該作者

Re: 講錢傷感情

你真係好媳婦, 每月比$3000 62及99, 如果換著我, 佢地又唔係生活有困難, 最多咪過時過節比.

不過比

私人傳訊

jojokwan02

男爵府

積分: 5259

3^#

發表於 06-9-26 15:04 |只看該作者

Re: 講錢傷感情

我都係咁話講錢傷感情...
我62 99 都好好知我地要供flat 冇話要我地一定要比幾錢佢做家用.,..反而我自己ma 咪有....唔係話我ma 咪唔好..而家我屋企情況同佢屋企唔同....
so 我老公都有微言一下..但又冇好大反應,,叫我相議下比少d
咁講真比得出都想比既...如果真係冇計..咁sin 會cut 家用...

不過我同我老公講好d 錢銀問題sin 結婚..
so 好dd
我地講好左佢比錢供flat .我係雜費..so 冇lee 個問題..
而家事情發生左..你只好同佢相議..話你家庭情況比佢知.
你唔可以cut law>..
一係把心一橫話冇錢..
唔比會仔學野law..
佢係鍚佢..佢都會再law d 錢出來..

私人傳訊

bluemouse

別墅

積分: 859

4^#

發表於 06-9-26 15:58 |只看該作者

Re: 講錢傷感情

peaceworld,

你比左個D咪算囉，無話蠢唔蠢既，你都係錫你老公先咁做啫！至於你老公比幾多屋企，咪由佢囉！你老公份糧除咗比6299家用，仲會出咩錢？比多D野佢負責出，等佢無錢洗，到時佢有需要咪自然會cut囉！
我本人從未試過比錢我6299，因老公一路都有比家用，6299自己又有少少錢。我話，老人家點解要多D$傍身？係因為驚有起事上嚟，無錢去醫。咁我地到時都唔會睇住佢死，到時我地一定會囉錢出嚟醫佢，咁D錢放係佢度同放係我度，有咩分別！

私人傳訊

ringoivy

翡翠宮

積分: 76971

5^#

發表於 06-9-26 16:13 |只看該作者

Re: 講錢傷感情

唔係你錯, 只係你老公愚孝左所以先睇唔清自己既路向, 但老實講比得起既當然無問題啦, 雖然你父母都有收入但你比錢佢地都係一片孝心, 姑勿論多少都好, 正如你比兩老一樣唔應該set個金額出黎, 有就比無就唔比, 我都好耐無比錢我62, 99了 :cry: 以前一齊住就一定會比, 但自從搬走後, 真係一闊三大, 只係過時過節比, 但家陣有左小朋友就更加難比, 因為學你話齋好多使費, 但好在兩老無嬲, 而我都係在佢地生日先比錢佢地咋

有時老公都會好識做比返我

但我覺得你老公都有唔著既地方, 有咩奶油自己父母唔使比就慳慳埋埋去比佢老豆老母呀

若然我老公咁講我實

因為佢自己都有比啦再者老人家識儲下錢還好, 好似佢兩老咁有錢無頂使收埋收埋去益街坊就更加之無得傾

私人傳訊

peaceworld

複式洋房

積分: 186

6^#

發表於 06-9-26 16:22 |只看該作者

Re: 講錢傷感情

好多謝你地既回應, 原來講左出黎真係舒服好多。

我尋晚同老公討論呢個話題, 佢話算啦, 你咪當我出2/3 既糧囉, 咪當我從來無搵過呢個人工囉。

唉! 睇黎佢真係唔會減佢屋企一個仙, 我依家每個月入不敷支, 都唔知頂都幾耐。 :-( :-(

私人傳訊

peaceworld

複式洋房

積分: 186

7^#

發表於 06-9-26 16:23 |只看該作者

Re: 講錢傷感情

每當我見到我6299 亂洗錢, 我都會好激氣。

私人傳訊

cmancman

大宅

積分: 1638

8^#

發表於 06-9-26 18:00 |只看該作者

Re: 講錢傷感情

比我唔會比錢62,99,要比都比自己父母啦

私人傳訊

onon1022

子爵府

積分: 12563

好媽媽勳章

9^#

發表於 06-9-26 18:49 |只看該作者

Re: 講錢傷感情

算啦...d錢比左佢地...就係佢地...佢地鍾意將d錢用係邊...你都理唔到...如果你老公唔想cut左比父母d錢...咁你咪自己慳d用...幫小朋友儲起d錢...

[url=http://lilypie.com][img]

私人傳訊

溫柔

男爵府

積分: 6308

10^#

發表於 06-9-26 21:48 |只看該作者

Re: 講錢傷感情

你應該實實在在咁比條數佢睇,你而家係收支唔平衡,唔係佢以為你有好多錢用,你同佢係度齋講無用+,比條數佢自己計la!

私人傳訊

stkyo

象牙宮

積分: 206246

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

11^#

發表於 06-9-26 23:10 |只看該作者

Re: 講錢傷感情

既然你都cut左你個份，我覺得你唔應該叫你老公減少佢個份，佢都係想孝順下父母，同埋佢比開咁多，突然比少左，有D老人家會唔鍾意架，如果佢父母係識諗，一早出左聲叫你地唔駛比咁多啦！唔好為左錢而傷害大家既感情，唯有自己慳D駛。

私人傳訊

成媽

男爵府

積分: 7645

12^#

發表於 06-9-26 23:26 |只看該作者

Re: 講錢傷感情

agree~

stkyo 寫道:
既然你都cut左你個份，我覺得你唔應該叫你老公減少佢個份，佢都係想孝順下父母，同埋佢比開咁多，突然比少左，有D老人家會唔鍾意架，如果佢父母係識諗，一早出左聲叫你地唔駛比咁多啦！唔好為左錢而傷害大家既感情，唯有自己慳D駛。

私人傳訊

siuwa

大宅

積分: 1824

13^#

發表於 06-9-27 18:12 |只看該作者

Re: 講錢傷感情

咩都可以cut, 但比62, 99既家用就唔cut得, 我比遲一日都比人串都死, 所以我比家用一定有早唔會遲, 有多唔會少. 有時去到月尾, 我老公一見佢阿媽電話到, 第一時間唔比接電話, 係問:老婆, 你比左錢我阿媽未?. (以前如果係未比, 老公會知佢阿媽係打來串我, 但如果係比左, 佢阿媽一定係打來要比多d). 總之我99既電話100%一定係要錢, 但我老公又唔夠膽唔聽電話

. 反正錢係老公賺, 要比幾多佢自己話, 不過我會做份數表比佢, 話比佢知屋企既使費, 如果佢阿媽要多d, 唔該係佢自己份零用錢度拿

有時真係未見過d人, 拿你d錢去買名牌, 去旅行, 買手信比你仲要叫你下個月比返多d家用佢

, 拿你d錢去抄股票, 輸左就要你比返佢, 贏左就佢既.