夫婦情感

收藏本版
發帖
返回列表
跳至頁

首頁
12

尾頁
   0
lu-ka


大宅

積分: 3822


21#
發表於 06-10-31 18:19 |只看該作者

Re: 我好唔開心~~想離婚, 但又唔咁心

我以前係一個好樂觀的人...開開心心會過一日, 但唔知點解而加我好吃力...好辛苦...好有負擔, 每日放工返嚟, 好想我老公錫下我, 抱下我...唔須要講其他野, 唔須要買氹我.可能lee d係好表面, 但我buy...我唔須要成日要佢講'我愛你',只要佢做少少野...我已經好開心...我都唔係成日須要既人, 唔洗成日同我做, 但我想佢用真心係同我做, 而唔係慣性交功課咁...我諗佢唔係唔愛我, 而係唔懂去愛我, 係嗎?? 以前我以為我地愛對方便已經足夠,但原來事實並唔係咁ka!!!!
私人傳訊

happykklam


子爵府

積分: 12365


22#
發表於 06-10-31 20:43 |只看該作者

Re: 我好唔開心~~想離婚, 但又唔咁心

其實妳有無嘗試企係佢個角度諗？會唔會真係佢生理上有問題or 心理障礙呢？佢或者唔係唔想攬妳、錫妳，但當佢攬妳、錫妳時，撻著妳而妳又想要，但係佢唔能夠俾妳，相信佢比妳更心痛、更難受！
私人傳訊

已刪除用戶


已刪除用户

積分: 20771

2018復活節勳章 開心吸收勳章 育兒性格勳章 畀面勳章 15週年勳章 親子王國15週年勳章 親子王國15週年勳章


23#
發表於 06-10-31 21:50 |只看該作者

Re: 我好唔開心~~想離婚, 但又唔咁心

提示: 作者被禁止或刪除 內容自動屏蔽
私人傳訊

lu-ka


大宅

積分: 3822


24#
發表於 06-11-1 15:20 |只看該作者

Re: 我好唔開心~~想離婚, 但又唔咁心

唉~ 到而加佢好似無野發生過咁.... 吵完之後第一日會好D, 但之後..... 昨晚講只有3-4句野.... 一樣自己坐係梳化到, 自己睇電視, 我諗我地真係好少溝通....但LEE D 係佢性格, 我可以點呢? 我知如果放棄佢, 我會係衰人, 我唔係唔支持佢, 而佢真係有D問題成日放係心度, 我可以點?? 佢唔會主動同你講, 我問佢, 佢又唔想答... 永遠只得佢自己先知, 誰可以幫到佢呢?? 我係佢老婆佢都唔想同我講, 有誰會同佢講AR?? 真係好心淡.......
有時諗, 如果離婚, 個仔會跟我, 我自己可以照顧自己同個仔...我唔洗攞綜援, 反正有佢同無佢都唔會影響到我, 以後唔洗煩....

其實係我生命裏, 結婚唔會有離婚, 因為2個人相愛, 咩都可以解決...一齊面對....但有時LEE D 野只得自己諗係無用KA. 要大家合作...但LEE 個時候, 只有等... 等佢....

私人傳訊

LiLily


洋房

積分: 120


25#
發表於 06-11-1 16:18 |只看該作者

Re: 我好唔開心~~想離婚, 但又唔咁心

lu-ka,

我曾經同你的情況差不多，無下無下就完全無晒，亦係話放工好倦。原來佢出面有女人，所以返屋企就唔使要囉！我希望你老公唔會，不過佢唔肯講都無辦法。同你一樣我都時刻想同佢離婚，不過暫時未係時候，希望你盡快
私人傳訊

lu-ka


大宅

積分: 3822


26#
發表於 06-11-1 18:30 |只看該作者

Re: 我好唔開心~~想離婚, 但又唔咁心

LiLily,
我估佢應該唔會有女人,因為佢收工後會立即返屋企,更加無神秘秘電話, 亦無CHANCE 識到女仔, 佢工作工全部都係男人, 無女性朋友...我希望佢唔會....
私人傳訊

寶寶儀


大宅

積分: 4234

好媽媽勳章


27#
發表於 06-11-1 21:35 |只看該作者

Re: 我好唔開心~~想離婚, 但又唔咁心

我就咁睇你打既字,都感覺到你老公仲愛你..
其實真係有需要 要行到去離婚呢步咩???
婚姻關係 唔可以冇性維繫..
但起碼你都識講一年都仲有10次左右..

唔係一次都冇..
好多野唔可以一下只就要佢改變..
返工..辛苦真係會影響到架...
我老公以前一齊果陣未生熹熹,我地一日做一次,最小就2日一次,而家佢轉左工,俾以前返工辛苦幾倍,返到黎累到唔想做...佢而家同我一個月都唔知有冇2次,講真滿足唔到我既需要,但我都要識得睇諒佢...我21歲咋,唔通成世都係咁咩..俾時間大家吧!

好多野唔係你話想要就要,如果真係咩都如你意,咁好多人都唔洗為任何野煩惱啦!!



你地一齊都16年,咩野都經歷過,呢樣野唔係人人都有..
16年時間,你冇理由為左呢d野而放棄自己段婚姻...

俾d時間大家吧....

另外我覺得你搵錢多過你老公...其實唔洗擺係咀邊...
每個男人都有自尊...呢個世上冇男人鐘意老婆搵得多過老公..
把口話唔介意,但心點諗,你唔知架麻..
佢娶到你係福氣...
但你自問...佢除左性呢樣野...
其他野有冇問題...
至於性格...
男人好多時候都唔想老婆擔心...煩惱,都好小會講自己返工既野..有咩辛苦都係自己諗掂佢,呢樣野點逼佢講都冇用架啦!!


有個咁錫自己既老公,咁鍚仔仔既爸爸...
你已經好幸福!!


唔好俾咁多壓力你老公啦...我覺得佢都好辛苦...
如果你真係為左咁而放棄自己所建立既野,你將來一定會後悔!!

既然你佢都講睇醫生..更加證明佢仲好愛你...
支持下佢啦...你咁樣佢仲難受過你啦
無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^
私人傳訊

貓娘


複式洋房

積分: 265


28#
發表於 06-11-1 22:50 |只看該作者

Re: 我好唔開心~~想離婚, 但又唔咁心

其實有性生活都唔代表佢係愛你架喎, 有性生活係因為佢有需要啫, 冇性生活可能涉及其它因素, 或者做野太辛苦, 唔舒服, 甚至係難以啟齒既不舉呢, 除非佢唔同你做, 但係自己攪自己就話有問題啫, 不如問下佢啦, 你都識講結咗婚咁多年, 對你都咁好, 又比晒啲錢你, 咁既男人好少架啦
私人傳訊

JOJO豬


民房

積分: 89


29#
發表於 06-11-1 23:30 |只看該作者

Re: 我好唔開心~~想離婚, 但又唔咁心

你說得對 , 男人最重的嘢已經給了女人(錢).我老公返工時間長 , 返屋企已好累及假期不多 , 性生活不多 , 但對我也不錯 , 在返工休息中 , 打電話講笑及問候. 兩公婆最重要是溝通.
JoJo 豬
私人傳訊

tobykin2006


子爵府

積分: 13759


30#
發表於 06-11-2 00:20 |只看該作者

Re: 我好唔開心~~想離婚, 但又唔咁心

lu-ka

我覺得貓娘講得好對,有性生活唔代表佢係愛妳架,其實我同妳都幾似,我都係同老公一年都冇10次但唔代表佢唔愛我,佢對我好好對兩個仔仔就唔洗講啦簡直係佢心肝寶貝

有時雖要都係我主動,有時佢都唔想做架又要等佢想先囉,因為我知佢做野好辛苦同好大x力,有時我都會唔開心架重會諗佢係咪唔再鍾意我呢,但我睇又唔係可以真我做野出左問題佢先會咁,我會比時間老公.

我同老公都好小野講架,講都係仔仔d野,之前同佢鬧交都係為左e樣野,佢就話自己冇問題係我諗多左,跟住又話e論公司小生意搵得小錢,可能多野諗左所以就小野講左喎.

我覺得妳老公對妳咁好都唔洗為左這件而離婚啦,比小小時問大家,可能妳老公多野諗呢,唔想成日都搵我咁小,想搵番多d錢唔想妳咁辛苦次次都係妳出晒養起頭家咁,係男人都唔鍾意搵得小個老婆啦,可能佢自己過唔到自己個關所以冇心情,個人諗得多野就自然唔想啦...........
私人傳訊

lu-ka


大宅

積分: 3822


31#
發表於 06-11-2 11:09 |只看該作者

Re: 我好唔開心~~想離婚, 但又唔咁心

係佢係一個好男人...
噚晚我同D朋友出街食飯...成12點先返...我估佢未訓,我去買糖水比佢食,諗住比佢開心吓...我返到去, 佢同個仔訓左覺...我去叫醒佢食糖水, 佢話唔食...跟手又訓左, 當時我好唔開心...想倒左去...但我又覺得好嘥, 咁我放入雪柜.....
今朝佢叫我起身...我第一時間推開佢...佢問我做咩(態度唔好), 我話我噚晚買糖水比佢...跟住佢出左去...我好唔開心KA... 但我無理到佢.... 到佢要出門口時, 佢行嚟同我講, 我唔舒服...你買左咩糖水AR?? 我今晚返嚟食LA... 當時我個心覺得我咁無理發佢皮氣加上佢唔舒服都好好語氣同我講, 我個心都舒服哂, 佢都會在乎我...我會比時間佢...我希望我地會度過LEE個難關...

多謝咁多位支持, 我會努力, 我唔會咁容易放棄一個好男人...我怕以後我遇唔返....
私人傳訊

Panda-Z


大宅

積分: 3886


32#
發表於 06-11-2 12:37 |只看該作者

Re: 我好唔開心~~想離婚, 但又唔咁心

lu-ka,

試諗下, 為左性生活吾滿足而放棄一個好男人, 值得麼?

其實我都同意有d 媽咪講, 你老公可能真係有點生理同心理障礙而逃避同你ml, 試下同佢溝通多d, 勸佢去睇下心理醫生, 好多時d野佢吾同你講, 但係對住e生佢會講, 醫生會慢慢引導佢講, 從各方面都會問, 我老公2年前有抑鬱, 當時我地o岩o岩結婚, 但係我從來無享受過新婚既甜蜜, 婚後2個月就發現佢有個呢既病, 我都要面對, 唯有帶佢見醫生, 係醫生到, 佢講左好多我吾知既野, 講佢內心係點, 睇左半年好返, 可以返工啦, 反左半年, 跟住今年5月佢自殺, 話覺得同我一齊好大壓力, 話覺得對我屋企吾住, 因為我屋企人對佢都幾好, 呢一刻我知佢個病又返左黎.... 因為佢又無動力, 連sex 都吾要, 要講就好長篇.....

結婚2年, 我都有想過分開, 係想好多次, 因為佢真係完全吾理我, 吾錫我吾掂我, 我都會覺得有老公=無老公, 無人理, 成日喊, 我地成日鬧交, "訂" 爛屋企好多野, 房門廁所門全部換過,我地果時要一齊見醫生架, 我都成日對住醫生喊, 佢話男人同女人既購造係吾同, 叫我地放鬆d, 仲寫過信叫我地去婚姻輔導, 後尾自己諗通左, 吾好太執著太計較, 佢都吾多同我講野, 咁迷我同佢講囉, 佢吾想做既野迷由佢囉..

e家都過左去喇, 佢都開始從新工作, 對我好好添

其實講咁多野係想話你知, 你老公可能真係有病, 做老婆既應該體量佢多d, 吾好樣樣都咁計較啦, 應該搵解決方法, 吾係一味諗離婚架, 結得婚就要專重婚姻, 互讓互諒, 況且就咁睇你老公都好好啦, 只不過你買糖水比佢又實在太夜啦, 跟本訓著左又點食呢....放鬆d , 個人都會開心d, 只要睇下其他bk 媽咪既情況, 你就會覺得自己好好多,

記住, 日子開心又係咁過, 吾開心都係咁過架啦, 點解吾選擇開開心心咁過呢 (呢樣係老公教我架)
私人傳訊

lu-ka


大宅

積分: 3822


33#
發表於 06-11-2 14:27 |只看該作者

Re: 我好唔開心~~想離婚, 但又唔咁心

Panda-Z,
你講得好對,我同其他MAMI 比較,我LEE D小兒科, 總好過佢係出面有女人...
其實佢真係同我講過佢真係有病,有問題, 佢講佢唔想咁對我...我想通左LA...我成日話佢無理我感受, 其實係我無先至真...我的確有D自私.
今日SEND左個SMS俾佢, 話"老公, 你下一世會唔會再取我做老婆", 佢打俾我, 問我 '你好得閒無野做AR??', 當時我知佢好開心, 佢D語氣聽得出KA...
私人傳訊

雲妮彭


伯爵府

積分: 19437

好媽媽勳章


34#
發表於 06-11-2 14:50 |只看該作者

Re: 我好唔開心~~想離婚, 但又唔咁心

lu-ka ,

太好喇,睇到呢度,知道呢個係一個大團圓結局.我忍唔住出來恭喜你.

真係好感動.你老公,其實真係好好...不過佢唔識表達.將所有野放係心度,而做老婆既你,就鑽左牛角尖,係度胡思亂想..其實你當中認為離婚的理由,我都有體會,係會好hurt....不過,如果你知佢苦衷,相信你會原諒佢,體諒佢..

lu-ka ,呢次之後,我知道你會好好珍惜你老公,我亦相信你地既婚姻會好長久,之前既問題,一定會解決,重新享受"新婚初夜"吧!!

祝福所有女人都有美滿婚姻,幸福快樂!!
私人傳訊

寶寶儀


大宅

積分: 4234

好媽媽勳章


35#
發表於 06-11-3 03:04 |只看該作者

Re: 我好唔開心~~想離婚, 但又唔咁心

弓起你終於諗得通呀!!

希望你地長長久久啦!!

其實好多野都唔好只睇表面
唔好一唔鐘意就發脾氣...2個人相處就會更加好!!

加油
俾多d時間..一定得既
無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^
私人傳訊

LOVELYDAY


民房

積分: 27


36#
發表於 06-11-3 16:57 |只看該作者

Re: 我好唔開心~~想離婚, 但又唔咁心

記住離婚只係逃避, 唔係解決!!


老公係自己揀嘅, 唔好放棄!!

祝白頭到老!!!
私人傳訊

LOVELYDAY


民房

積分: 27


37#
發表於 06-11-3 16:57 |只看該作者

Re: 我好唔開心~~想離婚, 但又唔咁心

記住離婚只係逃避, 唔係解決!!


老公係自己揀嘅, 唔好放棄!!

祝白頭到老!!!
私人傳訊

yuenyatshan


民房

積分: 100


38#
發表於 06-12-3 00:43 |只看該作者

Re: 我好唔開心~~想離婚, 但又唔咁心

Hi, Lu-ka
你c6的抑鬱+壓力(或工作或自己俾自己的)是否構成長期唔ml的藉口呢？如你話喳1年先得10次都無,仲係交行貨嘅,真係有D悲哀。除非冷戰緊,就會成晚兩個都無幾句,究竟你有無懷疑佢係唔係"彎"ka ?-(
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見