跳至

首頁
1

尾頁
   0


大宅

積分: 1207


1#
發表於 07-5-8 09:45 |只看該作者

好激氣... >,<

尋日夜晚發仔唔肯食飯仔
無乜心機咁
就打電話比個鍾點問下佢上午既情況食得好唔好咁架
佢話無野, 好正常食左一碗無扭計
問我乜事
咁我照講個情況佢知啦
佢先同我講
佢下午用左瑤柱煲粥
唔知係咪味濃得濟所以佢夜晚唔肯食

我聽完火都黎埋
話佢仲乜落瑤柱
佢話惹味d bb好肯食
我話鹽夠惹味啦你唔掉把鹽落去
佢先話以後唔會....

講電話時婆婆都在側邊
我知d 瑤柱其實係佢整同放底叫工人落比bb的
我之前都話過佢幾次叫佢唔好用瑤柱整粥
因為好多鹽同埋根本無咩特別營養價值
就算有咩營養價值我相信一定有其他更天然既食物可以替代佢而唔需要要高鹽份既瑤柱
婆婆偏偏就唔聽我講
人地d 街坊一句「有益」佢就起勢整
唔會問人地個「有益」在於邊處
人地講佢就信完全無求真精神

呢輪工作真係keep住好忙無以前管得咁嚴管佢地湊成點
佢地就作反了
日頭買面包比發仔做點心就走去買叉燒餐包...
又唔係唔知發仔有濕疹好易敏感
果d 叉燒餐包都唔知入面有咩料
調味又多到暈...
佢地咁攪法
唔怪之發仔而家唔肯飲水同食奶啦
因為果d 野對佢黎講已經係無味野了...

我都唔明
要食果d 大人野
遲d 大把機會啦
有咩好急住而家就比佢食丫?
趁佢而家仲細管得好d
為佢將來健康打好基礎唔係仲好咩...

再係咁
我quit左份工做FT Mom好過了
無咁激氣呀
:-( :-( :-(

首頁
1

尾頁

跳至