單親天地 今日: 0 | 主題: 18378

積分: 56

1^#

發表於 07-5-23 12:02 |只看該作者

好希望可以同前媳婦和兩個孫來往

4年前大佬炒孖展輸錢, 財務公司上門追數, 大佬公司被收購佢被減薪, 跟住和阿嫂吵到翻天覆地, 大佬同我們講因為無錢俾家用所以阿嫂唔俾佢返屋企, 一係見到面就吵哧到兩個囡, (當時大囡8y, 細囡2y), 所以佢在公司睡, 很少回家, 一年後即3年前離婚, 兩個囡跟阿嫂, 大佬每個月要俾8000元養囡費, 因當時大佬要還錢, 每個月入不敷出, 收數佬都經常上我屋企追數, 跟住佢離職去左另外一間公司人工少一半, 做左幾個月後不怎加又無做, 跟住返大陸搞小生意(人家出錢, 佢出力), 頭三年都係虧錢, 過得很不如意, 佢亦一路同我屋企人講因為沒有錢俾錢養囡所以阿嫂唔比兩個囡同佢(包括我地一家人)來往, 每年過年和兩個囡的生日我父母都會包好利是叫佢拿去俾囡囡, 佢有時就話俾左, 有時就話見唔到她們, 最後話佢地搬左, 唔知搬去邊, 就咁過左4年.
到左今年大佬生意穩定左些, 家人都十分開心, 覺得佢終於有能力可以俾錢養囡, 大家可以有來往, 怎知佢在大陸識左個女人, 宜家仲話己經有左, 我父母十分之氣憤佢兩個囡都未養仲要再生多個, 上個星期我們去佢未離婚前的住所撞運氣, 怎知原來佢前妻和兩個囡一直都在那里住, 連電話號碼都沒有更改, 宜家我父母覺得好內疚和好心痛, 對前阿嫂和對兩個孫, 好想可以同佢地有來往和可以多少幫輕下前阿嫂的經濟和精神壓力. 但係都唔知應該入手先好, 因不想令到前阿嫂和兩個孫再有任何的不開心產生.

請各位媽媽俾意見, 多謝!

私人傳訊

1973

積分: 1570

2^#

發表於 07-5-23 13:05 |只看該作者

Re: 好希望可以同前媳婦和兩個孫來往

其實在我立場, 我唔會有咩仇恨會放係老人家身上, 除非佢講過 d 野令我過唔到啦, 我前99在我離婚前講過, 我就算帶到小朋友去佢家門, 佢都會拎佢去保良局, 當時我好嬲, 但我都覺得, 爺爺嫲嫲係小朋友嫁, 唔係我嫁, 我受小小"位"屈有咩所謂丫, 我都一直有陪小朋友去佢屋企做節過冬, 但好景不常, 我 99 係我未攪好手續就有末期 cancer, 之後既大半年, 我盡晒做媳婦, 朋友, 女女既媽咪既責任, 無論佢同個孫去邊, 我都會陪住佢, 仲照顧埋佢添, 以第三者角度會覺得我好儍, 佢咁講野你仲可以當無事發生?? 事實我既諗法係, 佢都係一時之氣, 諗住咁樣, 我地可以為o左個小朋友响番埋一齊先咁講 ....
佢個仔既錯唔應該拖到其他人身上, 係佢個仔唔負責任咋 ...

私人傳訊

積分: 56

3^#

發表於 07-5-23 14:28 |只看該作者

Re: 好希望可以同前媳婦和兩個孫來往

hello 1973,
你真係一位好媽媽

係佢地離婚前, 有一晚11點幾前阿嫂帶埋佢爸爸上來我屋企講粗口, 鬧我父母, 仲恐嚇我地, 我最記得的係我
前阿嫂問我爸爸: 宜家你個仔唔出現, 這兩個孫你怎負責?,
我爸爸答佢: 孫係你地父母的責任, 我做爺爺只有盡力協助調和, 大家一齊搵xx出來商量呢件事, 如果你要返工, 兩個細無人湊, 你就帶佢地過來啦, 我地會幫手湊.

之後就再無聯絡.
昈天我爸爸打電話俾前阿嫂屋企, 細囡聽電話話媽咪去左深圳, 我爸媽想可能佢不想聽電話, 唔想迫得佢太緊, 所以無再打電話去, 宜家唯有等佢下星期休息再打去, 因驚佢平日返工辛苦唔想打比佢.

私人傳訊

1973

積分: 1570

4^#

發表於 07-5-23 15:40 |只看該作者

Re: 好希望可以同前媳婦和兩個孫來往

謙媽媽,
其實你有無小朋友呀, 最好搵小朋友中和呢 d 事呀, 等 d 小朋友玩埋 o左先溶化個大人啦 ...

私人傳訊

積分: 56

5^#

發表於 07-5-23 16:18 |只看該作者

Re: 好希望可以同前媳婦和兩個孫來往

hello 1973,
我有一個小朋友3y, 我都想明天帶埋佢去探兩個侄女同買野比佢地食, 但驚前阿嫂唔中意, 唔想搞到佢地唔開心, 不知前阿嫂會唔會覺得我地好多餘, 不想同我地來往, 所以好矛盾

私人傳訊

1973

積分: 1570

6^#

發表於 07-5-25 09:41 |只看該作者

Re: 好希望可以同前媳婦和兩個孫來往

謙媽媽

不過呢樣野好睇個人嫁, 但係, 恆心係好重要囉, 你地對住佢時都要放底專嚴先, 試一次唔得, 十次八次佢都會心動啦, 老實講, 你估佢帶住兩個好好過咩? 你睇下佢有咩弱點啦!! 攪到佢喊就最好, 即係佢意志仲係薄弱呀 ...

私人傳訊

積分: 21000

7^#

發表於 07-5-25 10:17 |只看該作者

Re: 好希望可以同前媳婦和兩個孫來往

謙媽媽
你前度亞嫂在未婚變前同你d屋企人關係好唔好架

如果之前一直關係良好,只係因為同亞哥婚姻出現問題,而同你d其他人又冇咩事而面左左既

我諗你前度亞嫂就唔會介意你d去探佢啦

因為做媽媽既唔會介意多人錫自己的小朋友

如果之前同你d關係麻麻的就另當別論啦 :lol: 因為始終關係疏離,你d上去探個孫但前度亞嫂就要招呼埋你d,講真係添麻煩俾人囉

我自己就唔喜歡應酬前夫屋企人,大家講野唔岩傾,冇野講又要扮熱情好辛苦

所以佢d想見亞女都係叫前夫帶佢d出去見囉,最驚佢d上來我屋企探亞女,搞得自己好唔得閒

私人傳訊

1973

積分: 1570

8^#

發表於 07-5-25 11:40 |只看該作者

Re: 好希望可以同前媳婦和兩個孫來往

CW-KK 謙媽媽

可能我 case 唔同啦, 以前住四百幾五百尺地方, 有房有廳, 我依家住媽咪屋企 250呎四個人住, 我帶埋姑仔上去比佢睇我情況, 係等佢地知道佢呀哥可以係大陸買九百呎既樓同新新抱住, 等佢地心up 下都好呀... 但我又淨係當佢地普通朋友咁囉 ... 我仲比埋個女跟佢個衰鬼老豆上大陸住 , 等佢自己分析, 我唔會再加意見, 佢有問題我會答, 對自已仲好, 唔洗交代比個女聽咁多 ...

私人傳訊

積分: 21000

9^#

發表於 07-5-25 14:37 |只看該作者

Re: 好希望可以同前媳婦和兩個孫來往

1973
唔好介意我咁講,其實我都唔會反對同佢d來往,不過會保持距離的普通朋友咁囉 :lol: 岩傾就講多兩句,始終為左小朋友都要客氣啦 :lol: 如果想佢d幫自己就一定唔使啦,始終冇血緣關係.就算佢d個仔點唔岩都係佢d個仔

私人傳訊

積分: 56

10^#

發表於 07-5-25 17:19 |只看該作者

Re: 好希望可以同前媳婦和兩個孫來往

hello CK-WW,
我前阿嫂離婚同我屋企關係奇差, 因為佢係香港出世睇唔起我們從大陸來, 再加上以前我大佬搵好多錢, 而我屋企就攻緊樓同攻緊兩個妹讀書, 雖然他們從來無比過錢我父母, 但依然好巴閉, 好少肯比侄女我地見.
我上星期去左佢屋企, 佢都返緊工(因佢放平日), 但都叫工人唔比門口我入, 只係可以同大侄女落樓下, 所以根本無須要佢應酬我地

私人傳訊

積分: 21000

11^#

發表於 07-5-25 17:45 |只看該作者

Re: 好希望可以同前媳婦和兩個孫來往

謙媽媽
如果係咁既情況你d都係打消個念頭算啦

因為以前關係都唔好,有咩理由依家關係會變好咧 :lol: 咁多年冇聯絡兩個孫對你d都陌生啦

好似我自己咁~~~大年三十果日前度奶奶忽然成早7點幾上來屋企,佢之前又冇通知我,又成咁早響門鍾嚇得我個心狂跳

我d放緊假就俾佢嘈醒啦

話就攞蘿蔔糕俾亞女食

其實叫我新年帶亞女上去佢果度拜年

我話亞女老豆年年都有帶個孫上去拜年啦 :lol: 佢就話我唔上去亞女唔肯留係度食飯哦

所以不如你d得閒多d打電話俾兩個孫聯絡好d感情先啦

到時叫兩個孫同佢亞媽講出來見面容易d嘛

私人傳訊

nikinokb

公爵府

積分: 29922

醒目開學勳章畀面勳章

12^#

發表於 07-5-25 20:19 |只看該作者

Re: 好希望可以同前媳婦和兩個孫來往

我自己覺得囉.你前呀嫂,
因為你大佬無錢比家用而唔比佢返屋企
唔係呀嘛..兩公婆,老公生意唔好,無錢出先比唔倒錢姐
佢一開始已經睇唔起你地.

好喇,一開始你大佬有錢咪跟囉,無錢就唔認人?
無錢比養女費就唔比你大佬見女?
呢d甘"好"既女人.邊度搵 :tongue:

私人傳訊

積分: 56

13^#

發表於 07-5-26 10:36 |只看該作者

Re: 好希望可以同前媳婦和兩個孫來往

hello CW-KK, nikinokb,
我地全家之前都好惱佢地(佢同我大佬), 只係心痛兩個侄女不可以係完整的家庭成長, 但佢地離婚到宜家4年啦, 我大佬都沒比過錢我前阿嫂(佢整日話我前阿嫂以前儲左好多), 我爸媽覺得佢一個女人帶住2個細又要返工, 好陰功, 而我大佬又無比任何的授助佢, 2個侄女過著沒有父親的生活, (我爸媽罵得我大佬好勢利要佢去負責返佢倆個女, 但我大佬唔肯去, 仲次次都答我爸媽話去親都家吵屋閉, 吵到整幢樓都知, 哧親2個細), 所以內心好內疚, 好想可以大家互相幫助

私人傳訊