論盡家傭 今日: 3 | 主題: 134043

積分: 209

1^#

發表於 07-6-23 15:20 |只看該作者

講o左一個月通知都要補錢???

我今晚打算叫工人走,之前已經同佢講o左最後一個月通知,我打比agent講,叫agent打比工人同工人講,點知今日同agent講,佢話要個工人簽o左張最後一個月通知果張紙先算數,但佢之前冇同我講過要簽呢份文件先唔駛賠錢,佢又話寄o左比我,但我一次都冇收過(因之前都試過晌後通知過幾次,但次次都可憐個工人先繼續留佢係道),個agent死口話講過好多次同埋寄過幾次信o黎,但我一次都冇聽過同收過,一時又話一年前講過~

我話如果今晚工人唔肯簽,咁叫佢做証同埋同個工人講掂數,但佢話如果工人唔簽佢都冇辦法,我o地都要賠一個月人工比佢

仲有佢話下個月13號先有機位比工人,所以要我o地補錢補到30號,咩呢d都關我o地事?唔係我o地補到今日錢就等,之後係佢同工人o既問題啦?!

大家可唔可以幫o下我比d意見, thx!

私人傳訊

積分: 3202

2^#

發表於 07-6-23 15:46 |只看該作者

Re: 講o左一個月通知都要補錢???

如果以上既野都係同一間 agent 講既話..
咁可以話你知，佢非常之不負責任..

當然..　口講一個月通知係唔算數的，一定要black & white..　（我都試過差Ｄ比人線）

叫佢做証同埋同個工人講掂數＜－講就更係點都得，最緊要係簽..

機位愈遲出愈唔safe..　而家就黎到放暑假喇，個個都去旅行..
而且佢都有問題的，總知離職後１４日內要走，即係last day is 第１４日佢一定要離開香港..
而且做乜要補錢呀？補咩錢比佢？　無聽過除左人工，同長期服務金仲有其他錢要比喎..

同埋唔明你話：唔係我o地補到今日錢就等,之後係佢同工人o既問題啦?!

私人傳訊

birdbird

水晶宮

積分: 61435

3^#

發表於 07-6-23 15:49 |只看該作者

Re: 講o左一個月通知都要補錢???

1) 一個月通知.
Agent究竟有冇比過張form你填並唔重要. 最重要就係, 你同工人講一個月通知同佢解約, 有冇白紙黑字作實. 呢個 '文件' 係保障自己. 有好多時工人收到通知一個月之後同僱主解約時和平地離家, 但係之後就走上勞工署話僱主冇補一個月代通知金而解僱佢..... 所以白紙黑字好緊要.

2) 工人留港.
僱主與工人解約, 比足人工, 假期錢 & 機票及其他費用之後, 自此之後, 工人與僱主應冇冇瓜葛.工人留港幾耐才回國, 僱主唔需要負擔工人在港期間的洗費, 工人亦唔應該當留港時係為僱主打工, 所以agent叫補錢補到機票日, 僱主可以不理.

Agent講d o野, 唔好盡信. 佢地有時會企在外傭果面, 又或者叫僱主比d似是而非ge費用. 總之用平常人ge 心, 理性地處理僱傭問題, 至緊要係樣樣都白紙黑字, 有根有據, 去度邊度道理就自然企在自己果度.

私人傳訊

開門見山

積分: 3552

4^#

發表於 07-6-23 15:49 |只看該作者

Re: 講o左一個月通知都要補錢???

唉...又一個信agent既受害者...

私人傳訊

積分: 3202

5^#

發表於 07-6-23 15:56 |只看該作者

Re: 講o左一個月通知都要補錢???

i agree with birdbird..

諗諗下，個 agent 可能夾埋同工人昆恩禧媽媽..
唔洗比咁多錢都叫人比，如果佢自己無利益，又點會幫工人同僱主講？！

私人傳訊

開門見山

積分: 3552

6^#

發表於 07-6-23 15:59 |只看該作者

Re: 講o左一個月通知都要補錢???

兩個原因...一個係可能佢仲有佣收..拎得一個月得一個月,另一個就係搏佢唔要個妹...介紹比另一個僱主即收佣金..

Maltesers 寫道:
i agree with birdbird..

諗諗下，個 agent 可能夾埋同工人昆恩禧媽媽..
唔洗比咁多錢都叫人比，如果佢自己無利益，又點會幫工人同僱主講？！

私人傳訊

積分: 209

7^#

發表於 07-6-23 16:35 |只看該作者

Re: 講o左一個月通知都要補錢???

我頭先打o左去另一間agent公司問,果個agent o既助手都係印尼人(我而家工人個agent係印尼人),個agent助手都話我只需補返呢個月出過糧果日之後到今日23號o既人工比工人,仲有就係9日大假o既錢,其他都唔需要再比錢,同埋佢fax o左張紙教我白紙黑字寫低個工人info., 僱主info., 幾時走同埋收o左幾多錢比個工人簽~

我而家係最驚個工人唔肯簽果份最後一個月通知,咁我係咪要賠返比佢呢??

私人傳訊

積分: 209

8^#

發表於 07-6-23 16:57 |只看該作者

Re: 講o左一個月通知都要補錢???

係喎,答漏o左~

我今次第一次請工人,根本唔知道要最後通知係要簽紙,個agent又分明係專登唔同我講,唉!!

私人傳訊

積分: 3202

9^#

發表於 07-6-23 18:51 |只看該作者

Re: 講o左一個月通知都要補錢???

９日？！
你工人黎左香港既耐？？

私人傳訊

hinhinmummy

侯爵府

積分: 21395

10^#

發表於 07-6-23 19:20 |只看該作者

Re: 講o左一個月通知都要補錢???

題外話啦, 吾好幫親d 係印尼人開既agent.........我領過野架啦

佢地好幫工人架, 就算明明係工人吾岩, 恰我99, 打去agent 投訴, 都幫住晒個工人, 叫佢同工人講下, 個工人笑住講電話, 完全吾似比人'鬧'緊, 收線之後, 態度還'hiu'左...........

走時, 還叫我買cx 機票比佢走........

恩禧媽媽寫道:
我頭先打o左去另一間agent公司問,果個agent o既助手都係印尼人(我而家工人個agent係印尼人),個agent助手都話我只需補返呢個月出過糧果日之後到今日23號o既人工比工人,仲有就係9日大假o既錢,其他都唔需要再比錢,同埋佢fax o左張紙教我白紙黑字寫低個工人info., 僱主info., 幾時走同埋收o左幾多錢比個工人簽~

我而家係最驚個工人唔肯簽果份最後一個月通知,咁我係咪要賠返比佢呢??

私人傳訊

積分: 3202

11^#

發表於 07-6-23 19:37 |只看該作者

Re: 講o左一個月通知都要補錢???

hinhinmummy 寫道:
題外話啦, 吾好幫親d 係印尼人開既agent.........我領過野架啦

佢地好幫工人架, 就算明明係工人吾岩, 恰我99, 打去agent 投訴, 都幫住晒個工人, 叫佢同工人講下, 個工人笑住講電話, 完全吾似比人'鬧'緊, 收線之後, 態度還'hiu'左...........

走時, 還叫我買cx 機票比佢走........

我而家用個個 agent 係印尼華僑開的(你覺得有無分別??)
佢都叫幾好人的囉..　次次印印衰，我都打電話比佢，叫佢explain比工人知，講完就好Ｄ..　可能次次印印衰，我地都會影低Ｄ証據比佢睇，話明我地唔係針對佢，而係事實，我媽仲將成個綑黑邊既筲箕拎比佢睇=.="
以前其他印尼人 or 印尼華僑 agent 都話我地奄尖，話我地（我屋企）都係印尼華僑，都知印尼人做野係咁架喇..　好在終於搵到個"公正"既 agent 了（偏幫我地就叫公正架喇，不過做termination時，佢真係２邊都無幫=..="）

買 CX 機票，同佢買 CI 就差唔多，轉機轉到佢地返唔到印尼..　哇哈哈∼∼∼

私人傳訊

積分: 209

12^#

發表於 07-6-23 23:19 |只看該作者

Re: 講o左一個月通知都要補錢???

我終於送走o左工人啦~

初初工人唔想簽果份一個月前通知o既信,之後佢打完比agent傾完之後就肯簽,我全程同小朋友係房玩,全部都係我老公攪掂,其實我都有d唔捨得佢,平時好地地真係可以好好傾,好fd, 而且對o左佢年幾,真係慣o左同有d感情,所以而家我都好失落~

但佢真係好唔掂,之前係hk做o左6年同一家人,但原來佢之前個僱主只有星期六,日係屋企,平日佢只係對住3個小朋友,照顧佢o地就ok,所以佢其實好多o野都唔識,做家務做得麻麻,煮o野食又掂,原來佢連洗菜都唔掂,我慘到要食罐頭呀~我個小朋友又唔多跟佢,從來唔比佢抱(除o左玩果陣),又成日唔小心整親我個小朋友,同埋佢次次病都唔多肯帶mask,成日要我捉佢佢先肯帶,佢o黎o左年幾都病o左幾次law,但佢話之前做o左6年果家人都係病o左兩次o查喎!仲有佢又成日聽唔明我講咩,講到我氣咳佢都未明,而令我決心炒佢係因為佢無禮貌,佢平時好地地時就ok,但佢成日都唔答我o野,我要問佢好多次,佢都未必會答我o野,我已經教o左佢好多次,我問o野要答我,琴日我湊小朋友放學,係車道同個工人講o野,佢唔應我,我就係咁"o下"佢,"o下"到佢應我為止,佢都唔應我去o左講其他o野,之後我就話佢:[我之前教o左你好多次要答人o野,你根本都唔聽],佢好負氣咁答我:[我咪答o左你law~],我話:[你返屋企同我執o野走呀],佢就答我:[走咪走law~],我好嬲即時打比agent叫佢走,之後個agent打比佢,佢好大聲同個agent話:[我想係hk做o野o架,但佢而家話我冇禮貌ma,佢要我走,我咪走law,唔係我去邊呀?!].成車人都望住我o地,之後隔o左一陣,佢又同我講唔好意思,我話:[你都唔想係道做o架啦,如果唔係,我叫你走時,你就應該say sorry啦!],佢話:[唔係呀,太太,我一急諗唔到o野就亂講o野,我緊係想係hk做o野啦,係你咁諗我,我唔係唔想係道做],之後我話返屋企先再算,之後佢就回復正常,好似平時咁同bb玩,好似冇發生過事咁~

佢平時好地地,但三日唔埋兩日就會發癲,話佢,佢會好負氣,有時仲好惡咁頂我咀,佢係唔可以以正常人o既諗法去諗佢,佢諗o野好有問題,我由一開始請佢一直都想炒佢,但考慮到大家習慣o左對方,每次最後通知佢,佢又好返少少(今次就唔係),所以先留佢係道,但今次真係忍唔到佢,所以今次決定叫佢走,佢走o左之後,佢將我比佢同買比佢o既o野留低晒,我仲係垃圾桶執到一張我同佢同bb影o既相,不過佢仲keep住有d佢同我個小朋友影o既相,我明白佢意思即係好嬲我,所以even佢走前同我老公講唔好意思,都係只係對我老公,我其實覺得好hurt,好唔開心,因為我對佢付出o左好多感情 :-( :-(

私人傳訊

積分: 3202

13^#

發表於 07-6-23 23:52 |只看該作者

Re: 講o左一個月通知都要補錢???

to:恩禧媽媽

乖乖∼
無論之前幾好既工人，有時真係做下又差Ｄ，做下又差Ｄ..
難聽既係佢地恃熟賣熟..　好聽既係佢地溶入自己既屋企，當左係佢地自己既屋企（個個係屋企都freeＤ架啦）..

有時唯有係個關係仲未惡化之前離開，令大家對對方有個美好既印象都好既......

私人傳訊

coco04

積分: 1396

14^#

發表於 07-6-24 00:14 |只看該作者

Re: 講o左一個月通知都要補錢???

唔好意思借個位黎問問題,我聽日都要抄個工人(本來諗住下個星期六至炒佢) 但佢今日夜假突登遲左40分鐘返黎, 然後話今日係我既假期, 我唔會做野, 我聽日至做, 然後入房傾電話, 我因為唔係屋企(佢係同我老豆講), 咁我打電話返去丙佢, 然後同佢講你唔想做就聽日比封信我 (當然佢唔會喇, 佢博我炒佢), 後來收左線, 佢竟然對住我老豆好開心咁笑, 好似得米咁, 唉...所以我諗呢個人一日都唔留得, 要炒鬼左佢, [size=medium]請問我有乜要注意咖

私人傳訊

方方媽媽

水晶宮

積分: 74328

15^#

發表於 07-6-24 00:29 |只看該作者

Re: 講o左一個月通知都要補錢???

Wa 點可以留架?
一日都唔可以.
無大無細,么心么肺!

私人傳訊

積分: 3202

16^#

發表於 07-6-24 01:14 |只看該作者

Re: 講o左一個月通知都要補錢???

coco04 寫道:
[size=medium]請問我有乜要注意咖

咁你想知道D乜？
炒人既 procedure？？

不過你冷靜Ｄ諗下，佢可能係駁你炒佢囉代通知金..
咁做乜咁益佢..

而家唯有報處下次啦，叫工人放假出門口之前簽名幾時出門口（時間都係佢自己寫）..
有咩衰都出warning..　（雖然無乜用）
佢做野吞pop就趁佢放假，拎走Ｄ做得唔乾淨既野，同埋影底佢..
可以得閒就打電話同 agent 講佢做野好唔得，令到佢覺得我地炒左個工人係佢既解脫..
（做左奸仔添　=.=）

私人傳訊

積分: 209

17^#

發表於 07-6-24 15:27 |只看該作者

Re: 講o左一個月通知都要補錢???

Maltesers,

THANK YOU!!

其實你講得o岩,我應該係同工人關係未惡化到咁差之前就炒佢,唔應該攪到而家咁,我之前已經好多次好多次都想炒佢,但最後又心軟,諗住捱到佢完約,但佢前日真係太過份,佢講o野越o黎越無大無細得太緊要,所以先忍心炒佢,我到今日都好唔開心,特別係諗返佢掉o左我同佢同bb張相落垃圾桶,諗起佢一定好憎我,我就覺得好唔開心~~~ :-(

私人傳訊

積分: 209

18^#

發表於 07-6-24 15:38 |只看該作者

Re: 講o左一個月通知都要補錢???

coco04,

我而家先知道真係有咩都一定要白紙黑字比工人簽名,日後都有證明呀~

我o地今次都係另一間agent教我o地,我o地先知道炒個工人時要比咩佢簽同比幾多錢o查~

錢就比返由上次出糧日到炒佢果日o既人工錢+大假(一年有7日大假)+補一個月人工(如冇一個月前通知過佢就要比)

如果你想一個月通知佢唔想補一個月比佢,等下個月先炒佢o既話,你記住要比張o野佢簽,証明你已同佢講o左一個月通知,你可以叫你個agent fax or e-mail張紙比你~

另外工人走時,一定要比佢簽張紙,係講工人叫咩名,工人ID no., 幾時o黎做工,係邊道打工,僱主資料,幾年幾月幾日幾點鐘炒個工人同埋工人幾點走,咁工人走o左之後,有咩事都唔關你o地事,呢張紙又係可以問你個agent 比,咁就ok o架啦~

希望你唔好攪到好似我咁唔開心啦~

私人傳訊

積分: 3202

19^#

發表於 07-6-24 15:56 |只看該作者

Re: 講o左一個月通知都要補錢???

my mum always have such mind as yours..
but blessed that all my maids didn't throw anything in front of me before..
and even my mum didn't tell me the maid is fired everytime, i just know it when they are packing their stuff, or i didn't see the maid for few days...
i got hurt too... :-(

私人傳訊