吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 阿媽，點解你要咁害我？

婆媳關係今日: 0|主題: 27759

收藏本版

發帖

返回列表

跳至頁

查看: 2367 | 回覆: 19

阿媽，點解你要咁害我？ [複製鏈接]

shirley3801

大宅

積分: 2243

1^#

發表於 14-2-22 16:43 |只看該作者 |倒序瀏覽 |打印

個個都係度贊自己阿媽有幾好，我自問今世都冇咁好命，我阿媽自我懂事佢都唔鍾意做家務，以前都係家姐幫手，家姐結婚後就我接手。佢依家年紀已經唔細，早兩年中左風，幸好都可以行的番。屋企范圍內活動。但日常生活都要我照顧，平時佢自己出唔到街。本來子女照顧父母係應份。如果佢肯跟醫生指示按時食藥，一個月返一次醫院覆診其實我係可以應付到。但佢就心情好就食藥，唔喜歡就唔食，其實佢有血壓高及糖尿病，一停藥血壓就升到失控。需然糖尿我可以每日幫佢打針，但血壓要靠佢自己食藥才可控制。由去年到依家佢已經因為自己停藥搞到入左六次醫院。我都要返工架，點解要咁累我丫。公司已經口頭通知再係請咁多假就自己搵定工啦! 如果身體唔舒服要入院我都冇聲出，但依家係佢製造麻煩出來我可以點做。

0 0 0

私人傳訊

Jin2012

侯爵府

積分: 20951

父親節2025勳章母親節2025勳章 2025勳章蛇年勳章 2024年龍年勳章虎到金來勳章 HiPP勳章(1) 2018復活節勳章最關心BB問題熱投勳章認識瑞士牛牛第二回認識瑞士牛牛第一回畀面勳章親子王國15週年勳章

2^#

發表於 14-2-22 17:00 |只看該作者

回覆 shirley3801 的帖子

直接同媽媽講 : 你再唔食藥而攪到成日入院, 我再請假就會連份工冇埋, 到時唔知邊度搵錢養你! 睇下佢會唔會好D! 再唔係就話 : 我為左保住份工養你, 下次你再因為亂停藥而入院, 我唔可以請假照顧你, 你要一個人係醫院。嚇下佢先。

私人傳訊

mini1204

翡翠宮

積分: 79224

3^#

發表於 14-2-22 17:12 |只看該作者

可唔可以請人幫手 ? 同家姐夾份? part time 日抖幾個鐘都好呀?
人老左無論係阿媽定奶奶都會開始蠻不講理; 當自己o岩哂 (當然有d一出世就當自己o岩哂啦...)
老人病係長期鬥爭, 你如果無哂自己生活, 你好容易好快頂唔順想離家出走. 趁未行到o個一步; 諗下辦法搵人幫手share先係辦法.
因為唔好 expect佢地會變會聽話, 99.9%佢地唔會....

私人傳訊

shirley3801

大宅

積分: 2243

4^#

發表於 14-2-22 17:27 |只看該作者

回覆：mini1204 的帖子

如果佢係唔記得食，我都可以打電話提佢，但佢係覺得自身體好少少就唔食，同一個問題重覆犯，諗住返工前睇住佢食左先出門口。但佢就望住D藥同杯水半個鐘等到我出門都未食。就算搵人睇住都冇用。好話衰話都講過，剛出院個幾日就听話。跟住就

點評

waMe 好情妳

發表於 14-2-23 20:04

私人傳訊

mini1204

翡翠宮

積分: 79224

5^#

發表於 14-2-22 17:58 |只看該作者

有人睇住爭好遠, 你有個工人, 比埋藥+水, 遞比佢, 一定要佢食左先做第2樣野
唔到佢唔食
老人就係咁, 唔好比佢地 over power 你; 一定要堅定不移地比佢知道, 你先係 control & manage 既人

私人傳訊

二小姐

侯爵府

積分: 24832

6^#

發表於 14-2-22 18:06 |只看該作者

回覆：阿媽，點解你要咁害我？

同佢講，如果無辦法，要安排入護理院

8-)

私人傳訊

vvff82

伯爵府

積分: 16403

2018復活節勳章育兒性格勳章我的育兒心得勳章畀面勳章大廚勳章 BK Milk勳章 hashtag影視迷勳章親子王國15週年勳章

7^#

發表於 14-2-22 19:27 |只看該作者

回覆：阿媽，點解你要咁害我？

買個平安鐘俾佢！佢覺得有乜唔妥當，就自己扲平安鐘，等平安鐘幫佢call白車，自己入院！你放工才睇佢。平時你幫佢執定一袋入院必須品，你叫佢入院時帶埋去。

這樣，佢可入院，而你又唔駛成日請假。

你要保住份工，才可幫佢買藥及找醫院數！

私人傳訊

shirley3801

大宅

積分: 2243

8^#

發表於 14-2-22 22:10 |只看該作者

回覆：阿媽，點解你要咁害我？

可能係我自己衰心軟，佢剛中風時成個人郁唔到，一定要入安老院，大約住左大半年，個段時間都試過幾次俾安老院姑娘發現佢自己丟左部分藥。後來身體慢慢康復可以自己行到，佢係咁要求返屋企。當時自己覺得雖然辛苦D，但可以自己照顧到都冇問題，點知？好一段時間又來。我同佢講，你再係咁我送返你去安老院啦! 你唔好指意我去探你。佢可以話你唔理就算。我連恐嚇呢招都用埋，佢都係我行我素，采我都傻。真係唔知有咩更好的方法。

私人傳訊

vvff82

伯爵府

積分: 16403

2018復活節勳章育兒性格勳章我的育兒心得勳章畀面勳章大廚勳章 BK Milk勳章 hashtag影視迷勳章親子王國15週年勳章

9^#

發表於 14-2-22 22:24 |只看該作者

回覆：阿媽，點解你要咁害我？

我99都係咁！但個個仔都要返工，無時間理佢，或唔理佢。之後，俾咗平安鐘佢，咁佢周不時扲鐘，平安鐘D人同佢傾計，佢覺得有人理，便無乜問題。真係有問題時，平安鐘D人會call白車，但佢上到醫院又無事，已經十年了。

放心！平安鐘服務很好的！

p.s.我99都成日隨佢喜好，揀佢自己覺得佢應該食的藥！老人家固執，無得改變的！

私人傳訊

shirley3801

大宅

積分: 2243

10^#

發表於 14-2-22 22:41 |只看該作者

回覆：阿媽，點解你要咁害我？

其實我屋企有裝平安鐘，只不過係一個月入兩次醫院，就算唔使我送佢去，夜晚放工又要去探佢，出院要去接，屋企仲有老豆都要等我返去照顧，本來一家人可以住埋一齊好開心的，但佢咁做搞到我真係喘唔到氣。

點評

waMe 你前世一定欠佢好多

發表於 14-2-23 20:06

私人傳訊

msbear

男爵府

積分: 5481

11^#

發表於 14-2-23 15:49 |只看該作者

回覆：阿媽，點解你要咁害我？

狠心尐都要，下次再係因為無食藥而入院就唔好去探佢，醫院有醫生睇住，希望佢會驚下

私人傳訊

ling01cheng

別墅

積分: 743

12^#

發表於 14-2-23 17:52 |只看該作者

回覆：阿媽，點解你要咁害我？

試下去區內嘅長者中心申請社區支援服務

私人傳訊

waMe

大宅

積分: 1510

13^#

發表於 14-2-23 20:02 |只看該作者

Jin2012 發表於 14-2-22 17:00
回覆 shirley3801 的帖子

直接同媽媽講 : 你再唔食藥而攪到成日入院, 我再請假就會連份工冇埋, 到時唔知邊 ...

我估應該講都無用。。。因我有個同事都係差唔多case

私人傳訊

shirley3801

大宅

積分: 2243

14^#

發表於 14-2-23 22:38 |只看該作者

回覆：阿媽，點解你要咁害我？

我依家都有用緊社區支援，一星期有兩次上門教佢做運動，姑娘平時上來都有陪佢傾計。只不過佢係安靜幾日又重犯

私人傳訊

fifihon

男爵府

積分: 6507

15^#

發表於 14-2-24 11:11 |只看該作者

好同情樓主的苦況，我62生前都中過風，我C6都係好似樓主咁照顧住62,以下係我個來人一D提議，希望幫到你。

1.捉心理

我唔知樓主依家的感情生活如何，結左婚?未結?有無小朋友?
其實所有父母都想睇住兒女日後的生活無憂兒孫滿堂，你可以同你媽講:"我依家有個好的對象，我想下年結婚，到時你要著靚靚，我要針茶你飲架

"

當年我C6就係用呢招，even62果時已經行唔郁食唔到，但意志會變得好堅定，有希望。

2.社區護士

你帶媽覆診時，同醫院講你要呢個服務，佢地就會安排護士俾你地，定時定候會有護士上門探你媽媽。

3.Cam

望住家中情況。

私人傳訊

方方媽媽

水晶宮

積分: 74328

16^#

發表於 14-2-24 11:21 |只看該作者

shirley3801 發表於 14-2-22 22:10
可能係我自己衰心軟，佢剛中風時成個人郁唔到，一定要入安老院，大約住左大半年，個段時間都試過幾次俾安老 ...

恐嚇不行,就來真的囉.
送佢入老人院囉.
你咁做,唔係為左懲罰佢,而係保障佢健康.

私人傳訊

shirley3801

大宅

積分: 2243

17^#

發表於 14-2-24 23:09 |只看該作者

回覆：fifihon 的帖子

好多謝你見議，我會試下。

私人傳訊

木土土

琥珀宮

積分: 164543

18^#

發表於 14-2-25 01:16 |只看該作者

引用：其實我屋企有裝平安鐘，只不過係一個月入兩

原帖由 shirley3801 於 14-02-22 發表
其實我屋企有裝平安鐘，只不過係一個月入兩次醫院，就算唔使我送佢去，夜晚放工又要去探佢，出院要去接，屋 ...

狠心d入院唔去探，等佢自己知入院無人理人有幾慘！

私人傳訊

littlefafa

大宅

積分: 2619

19^#

發表於 14-2-25 22:51 |只看該作者

回覆：阿媽，點解你要咁害我？

其實，送入老人院等於狠心係誤解。
你無佐份工，無佐自己，咁去照顧佢又點呢？要生活架嘛。
發現自己照顧唔黎，千萬唔好勉強。
我覺得平安鐘係可以先試下既辨法，咁你返工都安心啲。
但係食藥方面，我覺得要狠的。咪落最後通碟，再有下次你唔食藥，搞到入院，就返安老院住囉。
老人家，好難改，照顧要睇自己能力。佢再唔合作，你勉強撐下去，倒下了，到時真係佢喺老人院都無人睇佢。我覺得心平氣和咁比呢個訊息佢會好啲。如果佢都揀唔合作，搵自己條命較飛，你都無法。就由佢攞。