夫婦情感

收藏本版
發帖
返回列表
跳至頁

首頁
12

尾頁
   0
koongmum


大宅

積分: 4622


1#
發表於 07-7-30 11:38 |只看該作者
我已經同老公冷戰了兩日，起因是星期六99及62到訪。佢地每一個禮拜必定要見下個孫仔，佢地簡直超級溺愛，個仔要風得風，99個日竟然買左一個舞獅頭比我個仔，係可以放入佢個頭閃晒金粉個隻，佢話有一次見到個仔用毛巾扮舞獅，所以覺得佢好想玩。我真係眼都突埋，我屋企點放呀?
仲有由於個仔比較瘦，所以佢成日話我唔佢食野，而佢每次見個孫都要佢食，試過兩次餵佢食到個仔嘔，仲有偷偷比糖、旺旺、凍飲佢食，我地都講明唔係唔比佢餵，我地仲寫低個孫鍾意食d什麼，等佢知道可以買什麼比個孫食得健康，但係佢唔理，仲試過教個仔講大話，嘔心瀝血既例子真係不能盡說。
其實我地相處一直都ok，可能唔同住，大家都可以客客氣氣，但自從生左個仔後，大家矛盾激增，每次見面都令我好唔舒服，有時可以的話我都"骨"聲吞左去，最多同老公呻下，自己大哭一場，直至近排我真係頂唔順同亞媽同埋老友呻下，佢地都話我忍得，唉!我唔忍又可以點?好似我今次發脾氣嬲到唔彩老公，又可以點做?
唔好意思，要大家幫忙及支持下:-(
私人傳訊

Tatalo


複式洋房

積分: 172


2#
發表於 07-7-30 12:09 |只看該作者
其實好多老人家都好種啲孫, 最緊要你同你老公係咪同一陣線, 你老公會唔會覺得佢亞媽咁做唔岩先, 如果係, 你老公應該同佢亞媽講.

其實你嬲你老公都冇用, 最緊要你地有共識. 如果你地未有共識, 就要傾吓, 因為你地要對湊 bb 有同一睇發, 如果唔係大家都唔合作, 好難湊好佢呀
私人傳訊

koongmum


大宅

積分: 4622


3#
發表於 07-7-30 12:43 |只看該作者
我老公都覺得99唔對，但係佢都無辦法同埋唔想同亞媽嘈，因為99近排話佢自己去睇相，相士話佢兩個仔都好孝順，但係佢地個老婆好惡，想孝順佢都唔得，我唸老公唔想99覺得呢d說話係真，所以唔同佢講，但我真係覺得好委屈:-( ，我只係緊張自己個仔，想比心機湊仔，而我自問對佢唔係唔孝順，點解?
私人傳訊

wxxyxn


大宅

積分: 2339


4#
發表於 07-7-30 12:47 |只看該作者
冇計，係要周圍呻

我99教二嫂個仔叫二嫂個名，唔叫媽媽。d男人聽到都係冇反應，笑下咁架。d男人咩都覺得冇問題，好小事，妳唔好勞氣，以後weekend帶多d 個仔去探自己呀媽，見少d 99

私人傳訊

akbb2007


禁止訪問

積分: 4006


5#
發表於 07-7-30 12:49 |只看該作者
提示: 作者被禁止或刪除 內容自動屏蔽
私人傳訊

yau_grace


子爵府

積分: 14680


6#
發表於 07-7-30 12:53 |只看該作者
唔好唔開心啦~

其實, 老人家錫小朋友, 總有佢地自己的一套.
唔太過份, 咪由得佢地囉.
食下零食, 都唔會壞得去邊0既~

不過~ 可以的話, 就同老公有共識.
有咩唔妥, 等老公開聲.

同埋, 佢地唔好0者, 妳唔好嬲妳老公啦~
為呢 d 事而冷戰, 好似唔係好值喎!

開心 d 啦~ :mrgreen:
私人傳訊

yst424


大宅

積分: 1420


7#
發表於 07-7-30 13:28 |只看該作者
既然佢地咁錫你個仔,要風得風,要雨得雨,你就教下個仔同佢地講,
爺爺麻麻,我鐘意邊度邊間豪宅,等佢地照買囉,

原文章由 koongmum 於 07-7-30 11:38 發表
我已經同老公冷戰了兩日，起因是星期六99及62到訪。佢地每一個禮拜必定要見下個孫仔，佢地簡直超級溺愛，個仔要風得風，99個日竟然買左一個舞獅頭比我個仔，係可以放入佢個頭閃晒金粉個隻，佢話有一次見到個仔用 ...
私人傳訊

kellyly


侯爵府

積分: 24623

好媽媽勳章 畀面勳章


8#
發表於 07-7-30 13:45 |只看該作者
如果傾唔掂可唔可以少d見呢
我之前又係咁,而老公就唔覺得有咩問題,佢仲叫個仔食tim.
上年62生日,當時呀仔唔舒服,我去到都講左la,唔可比零食呀仔食.
點知第一次我唔比我收左D糖,第2次佢買我又收.
到第3次我無得收la,佢買棉花糖,激到我.
之後切生日蛋糕,呀姑仔夾埋阻住我比左一塊手板咁大既朱古力呀仔食激到我死死下.
第2日呀仔病左la.
之後無咩事唔比佢地見.
私人傳訊

Tatalo


複式洋房

積分: 172


9#
發表於 07-7-30 13:49 |只看該作者
相士話佢兩個仔都好孝順，但係佢地個老婆好惡，想孝順佢都唔得，


邊有相士咁講架, 其實聽你講你同 99 相處都冇乜問題, 點解話你惡, 如果你老公唔想講住, 咪遲啲等你 99 忘記相士既野再講囉, 你 99 都你一個星期先見你地次, 你可唔可以教你個仔, 以後食任何野都要問過你先, 因為我見有好多小朋友啲家長好嚴, 佢地都會問過媽咪先敢食, 如果佢問你個時, 你起碼可以比佢食少啲.
私人傳訊

ringoivy


翡翠宮

積分: 76971


10#
發表於 07-7-30 14:02 |只看該作者
其實老人家寵孫都唔係只發生在你家, 有時d野真係唔話得咁多, 但總之大前題係以小朋友健康為依歸, 即係如果小朋友咳/病緊d生冷野真係可免則免, 如果係我見到, 我會同佢講62 99佢已經唔舒服食緊藥, 你咁遷就佢盞害左佢咋, 不停咁食藥對身體都唔好, 有時呢d野等佢好返至比都未遲唔急在個一時啦 當然說話時語氣要溫柔得黎亦要帶點強硬既態度等佢地知道你唔like.
原文章由 koongmum 於 07-7-30 11:38 發表
我已經同老公冷戰了兩日，起因是星期六99及62到訪。佢地每一個禮拜必定要見下個孫仔，佢地簡直超級溺愛，個仔要風得風，99個日竟然買左一個舞獅頭比我個仔，係可以放入佢個頭閃晒金粉個隻，佢話有一次見到個仔用 ...
私人傳訊

little_kiki


複式洋房

積分: 341


11#
發表於 07-7-30 14:40 |只看該作者
其實最有效的方法是從小朋友入手,教導他任何人給他食物都要問準媽咪才接受及媽咪準許下才可以食.
但要緊記少量的零食平常都要給小朋友嘗一點,那到6299給他時,他不會因為平常得不到而恨吃,小朋友都是愛吃沒益的零食,就正如我們小時候都一樣.
改變不到大人的做法時,最好就是從小朋友日常教導著手,這是我們能力範圍唯一控制得到的事.
私人傳訊

NemoFish


大宅

積分: 2081


12#
發表於 07-7-30 15:30 |只看該作者
我奶奶同你嗰個一樣, 都喺次次嚟親到買d零食嚟架, 成日都話喺d姑姐有心買俾個囝食, 初頭我都會話多謝嘅, 但我都無俾個仔食過一次, 但喺每次嚟越買越多, 咁我就好老實同奶奶講:「我喺唔會俾個囝食嘅, 食都喺我兩公婆食, 所以妳就無謂買喇, 咁奶奶話: 小小唔怕嘅, 咩都俾佢食先得架, 咩都唔俾佢試邊得呢? 」 我就同佢講: 「呢d嘢佢遲早都識唔駛教架, 妳估佢到時唔會問我哋攞, 總之我喺唔會俾呢d嘢佢食嘅。」所以佢買幾多我就收幾多。

老公唔幫口, 有啲時候做阿媽為咗個小朋友健康喺要自己做醜人架喇, 理得個奶奶嬲死佢, 如果奶奶喺到哦嘅, 咪同佢講: 喺咪食到佢病咗妳照顧佢先, 多數佢到會答話: 喺, 妳咪同佢講: 喺咪見到佢病咗妳先安樂呀。
私人傳訊

心滿意足


男爵府

積分: 8910

好媽媽勳章


13#
發表於 07-7-30 16:02 |只看該作者
為左我D仔女著想,
我一定會出聲話99果D不當行為,
好彩我老公都唔鐘意佢家人D壞習慣
唔合衛生,DIRTY,同埋縱到D仔女無品自私又無禮貌
我老公話佢一定會出聲話佢地,
如佢地講極都唔聽,就唔好見個孫囉
私人傳訊

nikinokb


公爵府

積分: 29922

醒目開學勳章 畀面勳章


14#
發表於 07-7-30 16:32 |只看該作者
同你老公正經d傾傾,一定要解決
私人傳訊

小bon


大宅

積分: 3650


15#
發表於 07-7-30 16:53 |只看該作者
我阿媽同你99都幾似, 我聽阿嫂講, 有2次我阿媽湊完姪女後返到屋企都o區, 咁阿嫂唔會即刻話我阿媽, 但會同我講先囉, 咁我就會話阿媽o勒... 當然阿媽都有唔高興啦, 不過佢唔會嬲我, 事實又係佢唔啱o麻

你有姑仔 / 姑奶嗎? 叫佢哋幫手同奶奶講啦!

原文章由 koongmum 於 07-7-30 11:38 發表
我已經同老公冷戰了兩日，起因是星期六99及62到訪。佢地每一個禮拜必定要見下個孫仔，佢地簡直超級溺愛，個仔要風得風，99個日竟然買左一個舞獅頭比我個仔，係可以放入佢個頭閃晒金粉個隻，佢話有一次見到個仔用 ...
Our anniversary[br]
私人傳訊

ppgirlpolly


民房

積分: 17


16#
發表於 07-7-30 17:06 |只看該作者

同病相連

我９９同你９９簡直一模一樣（對個孫），經常買d冇益嘅零食，甚麼朱古力餅（熊X餅，含反適脂肪），肥膩嘅餅乾（XX動物餅），益X多（唔通真係一日一枝腸道就真係好健康咩，相反糖份極高），老公同我意見一致，　多數都由我老公出聲勸佢，而且仲會好決絕，我老公話如果唔決絕就再有下次，但唔代表佢唔孝順，因為，大家都係為個小朋友好．仲有，９９好多時都會煲湯，涼茶或生果打包俾我兩公婆攞番屋企飲食，但係，９９次次都用２，３個膠袋去包湯壺�生果，勸佢少用膠袋要環保，講極都好似唔明咁，俾佢激死 ．
私人傳訊

MaMehar


大宅

積分: 1679


17#
發表於 07-7-30 17:28 |只看該作者
我99都係, 煲湯仲好多油, 成日話俾雪糕佢食!?-( ?-(
你有老公support就好啦!


原文章由 ppgirlpolly 於 07-7-30 17:06 發表
我９９同你９９簡直一模一樣（對個孫），經常買d冇益嘅零食，甚麼朱古力餅（熊X餅，含反適脂肪），肥膩嘅餅乾（XX動物餅），益X多（唔通真係一日一枝腸道就真係好健康咩，相反糖份極高），老公同我 ...
:-D 歡迎到我的Blog  :-D
私人傳訊

mymelody2003


男爵府

積分: 8641


18#
發表於 07-7-30 17:56 |只看該作者
經過我同99 "戰鬥" 幾年 , 永遠要做衰人的由老公出口 (當然你要知道老公係企係你O個邊), 激C 99都好, 因為自己個囝唔會話, 又唔可以o係老公面前話我 而老公又覺得我專重佢, 唔會難為99 :lol

有一次99明知囡囡咳, 偏要比西瓜佢食, 佢話唔涷的西瓜食左唔會咳喎, 係人都知西瓜係涼的, 點會比一個咳的人食呢? 就為左呢件事, c6鬧我點解要同99鬧交... 令我領吾一樣野, 聰明人係唔會出手的, 只會在背後安排, 等c6去做衰人, 費事煩, 唔like的黑面唔出聲就算, 最多唔成日見啫, 咁同c6的關係會好d, 但有時忍得好辛苦.

有時99的所作所為很難每件都同c6呻, 唯有向其它人發洩, 因為你同c6講得多, 佢會覺得你偏激, 要慢慢引c6去發掘99的衰野, 咁你未來的路就易行了; 如果下次99要來, 你叫老公同佢地講約左人, 試多幾次咪知難而退囉, 你又唔洗比99串, 不知幾好.
私人傳訊

agneskong


大宅

積分: 3562

好媽媽勳章 醒目開學勳章 畀面勳章


19#
發表於 07-7-30 18:04 |只看該作者
原文章由 wxxyxn 於 07-7-30 12:47 發表
冇計，係要周圍呻

我99教二嫂個仔叫二嫂個名，唔叫媽媽。d男人聽到都係冇反應，笑下咁架。d男人咩都覺得冇問題，好小事，妳唔好勞氣，以後weekend帶多d 個仔去探自己呀媽，見少d 99



我99個妹教個孫叫阿媽做----------‘死魚’雖然唔關我事，但我覺得佢教壞個孫
私人傳訊

ppgirlpolly


民房

積分: 17


20#
發表於 07-7-30 21:09 |只看該作者
原文章由 mymelody2003 於 07-7-30 17:56 發表
經過我同99 "戰鬥" 幾年 , 永遠要做衰人的由老公出口 (當然你要知道老公係企係你O個邊), 激C 99都好, 因為自己個囝唔會話, 又唔可以o係老公面前話我 而老公又覺得我專重佢, 唔會難為99 :lol

有 ...


不過咁，我估我９９應該知道係我不滿佢，一個完全新手，工作繁忙嘅爸爸，邊處有咁多時間去注意邊D食物健康與否，通常都係媽媽緊張D, 唔理得咁多，佢唔鍾意佢嘅事，個仔係我我無理由完全聽佢話，自己認為啱就算．
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見