自由講場今日: 1815|主題: 1350398

收藏本版

發帖

返回列表

跳至頁

查看: 40499 | 回覆: 86

我又講下：兒童之家 [複製鏈接]

12 3 4 5

Dwmn

翡翠宮

積分: 76272

1^#

發表於 14-3-10 22:45 |只看該作者 |倒序瀏覽 |打印

本帖最後由 Dwmn 於 14-3-11 08:56 編輯

見有 jm 講佢住過兒童之家，話說我阿媽都係兒童之家入面返過工。雖然唔係保良局而係其他機構，但應該實際上無咩分別，都係由政府撥款支助運行。不過可能年代唔同，運行模式唔同？

I. 大部份兒童之家一般都只收男仔12 歲以下，女仔16/ 18 歲以下。小部分家係特別d, 專收大d (12-18)，或者bb 到小學前。通常入住嘅都係家庭問題: 父母吸毒/ 坐監、比阿爸阿哥非禮、父母自殺、父/ 母有精神病照顧唔到、家庭暴力、父母離異無人照顧。所以好多時小朋友都特別百厭，價值觀唔太正常，有d 有智力偏低問題。當然有好乖嘅小朋友，但真係少數。
例子：係咁同其他小朋友講佢比老豆非禮，唔著衫四圍走，戒爛自己野/ 其他人野（最後要賠錢），偷野。attention seeking.

Ii. D 小朋友個個月/ 過時過節係會好想返屋企 , 大部分都可以放假時返屋企. 但有D 小朋友被性虐/ 家暴/ 其他原因會無得返屋企, 有D 仲細個會成日問可唔可以返去過新年/ 放假去過夜或者點解我唔走得? 無得返係好慘架

Iii. 一年用好多政府錢. 包食包住. 如果小朋友家有攞綜援，車錢零用錢書簿費全部政府出，社處社工簽紙就可以買新野。d 小朋友好多時新買完就隨手甩，因為有咩事又可以用政府錢買過。
每年會帶佢地去ocean park / 迪迪免費玩，仲成日有咩咩活動展覽。我自己都無年年去 ocean park，咁貴一張飛，不過佢地又係政府出。weekend 煮飯姨姨放假就可以每人 $35- 40 budget 食一餐飯，過時過節又會有公司 sponsor 送禮物比小朋友（一般禮物，當然唔好期望咩ps3 ) 。年年個兒童之家 budget 要洗盡佢因為驚政府減支助

Iv. 有部分 aunty 好壞心眼，例如有咩好食係pantry 食哂先出去，點小朋友做家務自己咩都唔做，假扮幫小朋友買日用品中飽私襄。搵小朋友笨。做２５仔同上頭講都無用，因為長工唔會炒。最多係「篤導」

1. 飯餸加料？基本上小朋友會同註家家長(簡稱aunty uncle) 一齊食飯，一人一隻碟/ 碗，有煮飯家務阿姨，應該無咩機會有所謂加料情況。如你食得快，食完咗可以繼續添/ 夾。但如果你夾得又慢食得又唔夠快，人地添哂你就無。

2. 寫 report? 無錯註家 aunty 係好怕麻煩又唔鍾意寫 report ，因為incident report 寫完會上senior 同社處社工，最後交上去社會福利處做ref 。呢家野最好當然可免則免。但每一位入去住嘅小朋友都會有一位社會福利處嘅社工跟住。小至零用錢車錢，到放假可唔可以返屋企見家長幾時走得，全部都係關佢社處社工睇，佢社工權力比兒童之家註院「aunty」高好多。所以你一同社處社工投訴，就會立即 *跟進* 怕出事揹鑊。如果只係同註院aunty 講，好多時佢地會以為小朋友作大講笑想人理佢，所以無反應。
（不過有可能出現小朋友比人打完／性虐／其他大吉利是，最後社工發現就大大鑊）

3. 的確夜晚發生咩事係好難講，所以夜晚比人蝦係有可能！不過每晚都會有註院 aunty 留係度訓，有事都叫有人睇。為怕揹黑鑊有咩事都會報上去。
e.g. 細路爬水管偷走出去玩，小朋友私下交易以零用錢換取某ｄ服務