吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 橡筋再扯下去只會斷

夫婦情感今日: 0|主題: 42753

收藏本版

發帖

返回列表

跳至頁

查看: 1058 | 回覆: 13

橡筋再扯下去只會斷 [複製鏈接]

melmelyan

男爵府

積分: 8594

1^#

發表於 14-3-21 02:02 |只看該作者 |倒序瀏覽 |打印

點解c6一啲都唔明白呢個道理

（思緒混亂所以可能會寫得比較亂）

BB出世後，我每日都係返工放工湊女。
極少單獨同朋友出街。
早幾日因c6要返鄉下飲，要帶埋bb，而我請唔到假要遲一日先可返去，咁就製造左個難得的機會同班好姊妹聚下傾下計。
傾落先發覺，原來有人聽自己呻再俾意見，成個人係會醒晒。

之前一直覺得自己一返工就肚痛肚屙，跟進開我產後抑鬱（我並不嚴重）的醫生話係壓力問題。但自問完全唔覺工作上有啲咩壓力，我份工其實真係好好做，但點解都會咁樣肚痛肚屙呢？（後面再講）

講返果晚，同朋友呻完一大輪屋企野，表明了我係好想好想自己湊返個女，好想搬開一家一主。背景我唔講太多，總之朋友們的結論都認為我c6自私，唔企老人家立場諗亦唔企老婆立場諗，淨係顧自己。朋友話唔怪得你返工就屙，因為你根本好想湊小朋友，老人家身體又唔好，屋企咁多野掛心，而你又身在公司，咁梗係肚屙啦，放假你可以自己湊返bb，所有事喺返自己控制範圍，咁咪冇事冇壓力就冇屙囉。大家都覺得我實在太遷就c6，遷就唔係問題，但我將自己既底線一而再再而三不停下調，遷就到冇左自己，果一刻我成個人好似叮一聲諗通左咁，又係喎。

其實我呢幾日都好想同c6傾，好想盡訴心中情，喺呢一刻先發覺，原來我真係自己一直忍埋忍埋忍到都唔知可以點講好。想開口，又未有機會，到有機會，又講唔出，因為總覺得會嗌交收場。諗到呢度，先發覺，原來我同c6都好耐冇嗌過交了。可能之前我就係怕嗌交，所以好多事選擇吞落肚，但原來吞落肚，唔代表忘記到……

我真係唔知點開口，尋晚我試過抱住死就死既心態，講左一句：老公，我地好耐冇傾過計喇，我有好多野想同你講，但又唔知點樣講……
然後我c6就答我一句有屁就放啦。
我知道係開玩笑，但，我始終冇再講落去……

點解我會變成咁？我都發覺我冇左自己，我覺得好寂寞，我再感受唔到c6愛我，每日我個腦都不停咁轉不停咁諗，好負面，好灰…………

0 0 0

私人傳訊

WaiMayTai

別墅

積分: 619

2^#

發表於 14-3-21 07:33 |只看該作者

回覆：橡筋再扯下去只會斷

樓主，具體d講吓例子丫

私人傳訊

lost201103

伯爵府

積分: 15032

環保接龍勳章

3^#

發表於 14-3-21 08:00 |只看該作者

回覆：橡筋再扯下去只會斷

是否刻板生活所至？

私人傳訊

melmelyan

男爵府

積分: 8594

4^#

發表於 14-3-21 11:54 |只看該作者

引用：樓主，具體d講吓例子丫

原帖由 WaiMayTai 於 14-03-21 發表
樓主，具體d講吓例子丫

唔……

例如：
我地同6299同住，同99關係良好，冇婆媳問題，但有爺媳問題，而c6同99係知道的。99都認為我地應該盡快搬走，佢明白相見好同住難，99知道我一直都對62不滿但我冇表現出黎，佢都希望喺我忍無可忍關係決裂前解決到。但c6明知，卻不為所動。我地等緊公屋，我一直希望可以快啲抽到快啲搬，每次傾計幻想著將來點樣安排時，c6總表現得唔想搬唔想搬咁。
我覺得，連99都識得諗，唔想個仔夾喺中間難做，寧願喺我爆發前我地搬開住就解決到啦。點解c6都係唔明

婚前生b前我已講明，我最憎人喺我教小朋友時做炸両，我唔要我小朋友冇家教冇規矩，呢一點c6一早知，但好多時我需要由佢出聲阻止時，佢冇。事後同佢講返，佢又不以為然。漸漸我已經變得唔想講，反正講完冇改變冇結果

私人傳訊

melmelyan

男爵府

積分: 8594

5^#

發表於 14-3-21 12:14 |只看該作者

引用：是否刻板生活所至？

原帖由 lost201103 於 14-03-21 發表
是否刻板生活所至？

我想應該也有部分吧！
我之前都同c6講過，我地冇晒以前啲甜言蜜語，sweet sweet 舉動，我覺得好失落，c6以前唔係咁的……
但同樣地，又係講得多都冇反應，漸漸我都唔想再講好似埋怨緊佢咁，但原來唔係自己唔講就冇左件事，原來自己一直好介意

私人傳訊

HappyFishBaby

大宅

積分: 2777

6^#

發表於 14-3-21 12:51 |只看該作者

回覆：melmelyan 的帖子

見你咁講其實教小朋友+老爺/同老公關係,係兩回事來(雖然未解決)，點解將問題掛勾係同老公關係上面呢? 可能好好表達之後,你老公會同你一齊面對呢?

私人傳訊

melmelyan

男爵府

積分: 8594

7^#

發表於 14-3-21 13:01 |只看該作者

引用：見你咁講其實教小朋友+老爺/同老公關係,係

原帖由 HappyFishBaby 於 14-03-21 發表
見你咁講其實教小朋友+老爺/同老公關係,係兩回事來(雖然未解決)，點解將問題掛勾係同老公關係上面呢? 可能 ...

好耐之前有同c6傾過，佢知道62有問題，但只係識講：佢係咁架喇，唔駛理佢，當聽唔到……等等呢啲說話。但我都係人黎，我冇啦啦俾人指住個頭鬧時邊個幫我？62次次都喺c6唔在場先會咁，我同c6講過我有幾唔開心，但佢又係淨係講番同一番說話。曾經一次最激，我喊住同c6講，我都有爸爸，我爸爸先係生我養我果個，我爸爸錫我都錫唔切，我嫁左俾你就要俾你爸爸恰，你有幫過我嗎？
無奈c6仍然唔理解我的感受，佢只會覺得我太上心。佢話只要唔上心，就算62講乜都影響唔到我。由果刻開始我唔想再同佢講了……