2014年媽媽會今日: 0|主題: 5769

收藏本版

發帖

返回列表

跳至頁

查看: 321 | 回覆: 0

[8月] JM有冇好介紹？營養食物，湯水或甜品等等。 [複製鏈接]

Pinwheel

複式洋房

積分: 357

1^#

發表於 14-3-29 07:31 |只看該作者 |倒序瀏覽 |打印

平時我都係一個人煮一個人食，所以都會煩惱，今日食d咩好？
都想大家分享下平時食d咩？
一開始我有咗果時就研究用邊一種油嚟煮嘢食會比較好d。
亞麻籽油，核桃油，菜籽油，葵花油，橄欖油，花生油，芝麻油。以上嘅都比較好。我覺得交叉用會比較好，所以我屋企會有三種植物油或以上，煮下又換一種。我哋會容易肥係因為吸收動物油比較多，所以我食肉類果時都會撇油同膏（包括煲湯水果時）。
間中我都會食雪蓮果（西文名叫yacon）多數用嚟煲湯，因為有時我會熱氣或者便秘。我有上網查過都話好啱有糖尿病嘅人食。我一般會煲兩條加紅蘿蔔薯仔粟米同少量肉類或者雞骨之類。我比較重視食材嘅數量種類多過份量。食咩都唔可以過多，驚會有負面影響。熱氣果時我都會煲冬瓜或者少量苦瓜猪（牛，雞）骨湯。花胶湯就耐晤耐煲下。
鯽魚排骨黑芝麻紅棗杞子湯，紅衫魚煲湯都覺得唔錯！飯就好少食，我會煲老雞薯仔（薯仔係果種煲耐少少就會散曬嘅）就嚟食得果時，然後再放通心粉意粉之類果種落去煲（放面條通心粉煲湯我呢邊好普遍）食果時就擠d檸檬汁落去一齊食。
水果同蔬菜我就分顏色食，大概明顯分有：橙黄色嘅，綠色嘅，紅色嘅，每日我盡量食兩種或以上嘅顏色。
寫得唔好嘅，希望大家多多包涵