我衝去廁所見到一撻白色分泌物，一大pat水，隱約見到呈淺粉紅色，見到好多媽媽穿水都走去洗頭沖涼，我都好想，但怕細菌感染，所以9秒9執野走佬，呢個時候，我c6居然走去洗頭沖涼，唔講以為係佢穿水呀！佢話驚我好快生得，要執靚個樣影全家幅
真係頂硬上，好快c6到左，個時十點幾keep住5分鐘痛一次，我平時黎m只係少少痛，呢隻痛我覺得係極度m痛，唔痛時同c6有講有笑，一痛就叫我c6收聲，唔好同我講野，試過聽音樂，無幫助，到十一二點開始係大痛痛到我想痾，2-3分鐘痛一次，每次1分鐘，開始用笑氣，其實都無咩用，只係個人好wing好high，我c6話我用到反白眼
處於一個望我境界，不顧儀態，覺得好熱，熱到扯走張被，成個下身都無遮掩，c6驚我凍幫我襟返仲比我鬧，佢個人應該都亂曬，因為我痛個時，佢無啦啦走黎搓我塊面，唔係我用笑氣用到傻傻地，真係一腳伸開佢
後期痛到無得回氣，全程淨係得個痛字，唔想做人啦！我大叫左好多次：我好急屎！急屎！好急屎呀！助產士都唔理，又唔睇下我係咪真係生得，大約痛多十幾廿個round，我眼濕濕望住c6講我真係生得啦！助產士一睇，全人類勁緊張叫我唔好痾，好快set好野，痾得，push左3下左右就岀左頭仔啦，c6係我耳邊講：老婆，岀左頭仔啦，好多頭髮好似你架！加油呀！！……等助產士搞一輪再push，3下左右就痾曬岀黎，感覺係痾左一舊巨屎，爽(bb size細，夠位，所以唔使剪，都無爆)，bb好快抱左上黎比我錫一啖，見到bb我爆喊，感覺唔知點形容，望住佢既熟悉又陌生，百感交雜！之後好快要餵人奶，bb開眼望住我，影全家幅好大對比，c6個look好企理，gel埋頭，襯好衫，我就成個癲婆頭頂一堆草
影完相睇返先發覺我塊面花曬，生時用力谷搞到爆曬微絲血管
發表於 
多謝，做媽媽真偉大
返回列表
